صور ومواصفات هيونداى اكسنت هتشباك 2013 من

[Mohamed.Ramah]

قامت «جى بى أوتو» بمفاجأة محبى سيارات هيونداى من خلال انطلاق اكسينت هاتشباك 2013
والتى تعتبر من راى النسخة المصغرة من هيونداى i30 فى الاسواق المصرية



- أناقة التصميم:

كما عودتنا هيونداى فى الاونة الاخيرة بتصميماتها الجديدة والرائعة والتى تلعب دور كبير فى تحديد اختيارات المستهليكن داخل الاسواق المصرية وتجعل منها الاكثر مبيعا بالرغم من وجود منافسيها والتى باتت هيونداى الاكتر انتشارا وشراءا فى الاسواق المصرية

بالنسبة لشكل هيونداى اكسينت هاتشباك فتجدد الى حد ما عن الشكل عن السيدان مع بعض الاضافات الرياضية على هذة الفئة


محرك السيارة :

محرك 1600 سي سي بقوة 124 حصانا عند 6300 لفة في الدقيقة، وعزم قوى يبلغ 159 نيوتن عند 4200 لفة في الدقيقة نفس المتوفر للسيدان



- أبعاد السيارة :



قامت شركة هيونداى ببعض التغييرات الطفيفة على سيارة مع الابقاء على الاخرى وتضح فيما يلى
4115 مم طولاً، 1700 مم عرضاً

الاختلاف طبعا كان فى طول السيارة عن السيدان ولاكن لا اختلاف فى عرض السيارة عن السيدان

بالنسبة للارتفاع 1450 اقل فى الارتفاع عن السيدان

بالنسبة للوزن اختلف ايضا بقت اخف وهو 1029 كجم

سعة خزان الوقود 41 لتر . ماعدا ذلك فهو نفس الارقام المتوفرة لشقيقتها السيدان

-تجهيزات الامان :

وسائل الامان 2Air bags - abs كنت اتمنى من شركة هيونداى الاهتمام بشكل اكبر من الحالى وتوفير وسائل امان اكثر فى سيارتها كوجود ebd و2 ايرباج بشكل اساسى فى كل فئاتها

-بالنسبة للعفشة اتمنى ان يعتمدو multi link بدلا من الحالية لتوفير الراحة والثبات للسيارة حيث كما عودتنا هيونداى بمحركات قوية وهى ما تحتاج لثبات اكبر على الطريق .

التصميم الداخلى والنجهيزات :

، عجلة قيادة متعددة الوظائف، زجاج كهربائي ، بلوتوث مسند يد أمامي، غلق مركزي للأبواب، مرايا كهرباء









تكييف هواء يدوى،ونظام صوت «Radio + CD + Mp3 + USB +Aux »






بالاضافة الى : زجاج ملون- مرايا جانبية مزودة بإشارة، حواجز للحماية من الأتربة ، بالإضافة إلى فتحة سقف امكانية طى الكنبة الخلفية .




الكنبة الخلفية للسيارة ومساحة الشنطة :







من الخلف :

مصباح فرامل خلفي علوي، سبويلر خلفي



التجيهزات الاساسية فى السيارة :

الزجاج الكهربائى - مكيف الهواء - قفل المركزى والتحكم عن بعد - جنوط 14 بوصة - ABS- وايرباج واحد !


اسعار السيارة :

ستكون متوفرة باربع طرازات مع اختلاف التجهيزات وهى كلاتى :

- الاول 107.000 Auto basic

-الثانى 109.000 Auto- SR

-الثالث 117.000 Auto High line

-الرابع 123.000 Auto high line - SR


- فى النهاية اتمنى ان يكون الموضوع افادكم ووضح معلومات عن السيارة بصورة اكبر لمحبى هيونداى ولقسم هيونداى بشكل خاص الموضوع بالكامل من مجهودى الشخصى ويرجى التعديل على اى معلومة يوجد بها خطاء بالموضوع وشكرا ,

[mody3on]

الف شكر يا باشا .. بس العربية مفيهاش 2 ايرباج ولا حاجة هو واحد بس والعفشة هي هي مش هيغيروها اكيد .. هي هي السيدان بالظبط باختلاف الشكل من ورا والسعر بس
وطبعا الصور دي مش للعربية اللي بتنزلنا خالص :)

[Mostafa.Mahran]

فى الاهرام النهاردة مكتوب 2 ايرباج و العفشة مستقلة

[S O P H O S]

ما شاء الله
مشكوررررر ...

[ghostmido]

متهيالى السعر كالعادة من غبور كتيير.

[el_nahal2004]

مشكور على الموضوع
بس متهيالى مش هتثبت وجودها زى السيراتو الهاتش باك كدة محدش عبرها

[mody3on]

فى الاهرام النهاردة مكتوب 2 ايرباج و العفشة مستقلة

العفشة المستقلة دي مستحيل
مش هيخلوا الالنترا متصل والاكسنت منفصل
بس ال 2 ايرباج معتقدش بصراحة لانه كاتب في الاعلان ايرباج بس

[siralizable]

اللي بـ117 و 123 زي بعد بالضبط و لكن ال 123 تزيد في ايرباج و abs فقط. ال 2 فيهم فتحة سقف.

[Rsarabia]

كدا سعرها احسن من الالنترا و السيراتو

[Mohamed.Ramah]

الف شكر يا باشا .. بس العربية مفيهاش 2 ايرباج ولا حاجة هو واحد بس والعفشة هي هي مش هيغيروها اكيد .. هي هي السيدان بالظبط باختلاف الشكل من ورا والسعر بس
وطبعا الصور دي مش للعربية اللي بتنزلنا خالص :)

فى الاهرام النهاردة مكتوب 2 ايرباج و العفشة مستقلة

الشكر ليكم على مشاركتكم وبالنسة للايرباج فالاساسى هو واحد فعلا وحيزيد الى 2 ايرباج فى الفئات الاعلى والعفشة كنت اتمنى انها تكون مالتى لينك بس للاسف هيونداى مش راضية تغير مش عارف لية وبالنسبة للصور لسة مقدرش اقولك ممكن دة تنزل بس اعلى فئة هنا لو تلاحظ حاجة ان العربية الفى الصورة مش اعلى فئة والمواصفات المكتوبة للسيارة حتكون ازيد من الموجودة فى الصورة كمان دة طبعا لو غبور نزل كل الشفناة دة فى اعلى فئة : )

[Mohamed.Ramah]

ما شاء الله
مشكوررررر ...

شكرا على مشاركتك

متهيالى السعر كالعادة من غبور كتيير.

هو عاما السيارات بتنزل لنا بسعر مختلف عن العالم فانا فقدت الامل فى النقطة دة بالاضافة لسعر الجنية المميز وسط العملات الاخرى هو ايضا عامل اساسى فى الموضوع

[Mohamed.Ramah]

مشكور على الموضوع
بس متهيالى مش هتثبت وجودها زى السيراتو الهاتش باك كدة محدش عبرها

موضوع اثبات وجودها دة يحسم على مدى الاقبال على السيارة مقابل السعر دة خاصة السيراتو الهاتش باك الحضرتك بتتكلم عليهم فئة اكبر وسعر اعلى ونقطة التسويق سعر الهاتش باك عامة اغلى من السيدان فى مصر دة عامل فى ابعاد المستهلك عن السيارة خاصة ان السعر مش مناسب فى حين ممكن يحصل على نفس السيارة ولاكن سيدان وبسعر اقل فهنا الاتجاة حيكون حسب حاجة المستهلك من العربية ويارب ميبقاش تسويقها زى ال 130 و 120 لاننا لا نراهم فى الشارع من وقت ما نزلو غير قليل جدا

[Formulator]

والعفشة كنت اتمنى انها تكون مالتى لينك بس للاسف هيونداى مش راضية تغير مش عارف لية

فى الاهرام النهاردة مكتوب 2 ايرباج و العفشة مستقلة

العفشة المستقلة دي مستحيل
مش هيخلوا الالنترا متصل والاكسنت منفصل
بس ال 2 ايرباج معتقدش بصراحة لانه كاتب في الاعلان ايرباج بس

هيونداى-كيا معندهاش أصلا عفشة Multi-Link فـ الفئة/الـplatform دى.. (الأكسنت والريو) ولا الفئة الأكبر كمان (الإلنترا والسيراتو)..؟؟!!!

أصغر عربية كورى (هيونداى-كيا) فيها عفشة ملتى-لينك هى الكارينز ودى MPV، ودى عشان مبنية على شاسيه السوناتا/أوبتيما.
- وحتى كان عندهم مشكلة فـ تطويرها وقعدوا يصغروا فـ الـpackaging بتاعها ويدخلوها جوا العجل عشان ماتأكلش الشنطة؟؟؟!!
قالك In-Wheel MultiLink.. هههههههههههههههه

لكن ماعرفوش (ولا متوقع أنهم يعرفوا قريب) يعملوا عفشة ملتى-لينك للفئات B و C-Segment الكومباكت والـSub-compact..؟!!
(اللى كان نازل فـ الإلنترا والسيراتو القديمة ده كان إسمه Double Wishbone مش ملتى-لينك خاااااااااالص).

[Formulator]

btw: هى فعلا صعبة ومش أى حد يعمل عفشة MultiLink فـ عربية كومباكت أو أصغر..
ودى أحد نقاط ضعف الكورى عموما (العفشة).. وتخلفه تكنولوجيا عن الشركات الـinnovative فـ الحته دى؟!!!

مش مجرد تريقة؛ فعلا العربيات الصغيرة ماتستحملش الوزن ولا الحجم (ولا التكلفة) بتاع لعفشة الـMultiLink...
فـ بيبقى الشركة عندها مشكلة فـ التصميم:
- عايز Small-Packaging عشان ماتاخدش مساحة من الشنطة والكنبة وعربية ككل (المفروض انها صغيرة)،
- وعايز Weight-Reduction تخفيف الوزن عشان ماتبقاش ثقيلة وتقلل الهاندلينج والثبات وتزود إستهلاك البنزين (فـ عربية المفروض انها إقتصادية).
- وعايز تكلفة قليلة.. مش هيصرف عـ الـR&D ويصنعها من الألومنيوم والتيتانيوم، أو يحط مكونات معقدة ومكلفة..

فـ بيضطر فـ الآخر يعملها تورشن-بيم (وبـSetup سىء فـ الكيا-هيونداى)، وصلب (مش ألومنيوم) وطبعا حجمها أصغر وتكلفتها أقل بكتير؟؟!!!

وإلبس يا معلم فـ مطبات الهواء والفواصل والبلاعات..
نياههاههههههههههه هههههههههههههه

[Mohamed.Ramah]

هيونداى-كيا معندهاش أصلا عفشة Multi-Link فـ الفئة/الـplatform دى.. (الأكسنت والريو) ولا الفئة الأكبر كمان (الإلنترا والسيراتو)..؟؟!!!

أصغر عربية كورى (هيونداى-كيا) فيها عفشة ملتى-لينك هى الكارينز ودى MPV، ودى عشان مبنية على شاسيه السوناتا/أوبتيما.
- وحتى كان عندهم مشكلة فـ تطويرها وقعدوا يصغروا فـ الـpackaging بتاعها ويدخلوها جوا العجل عشان ماتأكلش الشنطة؟؟؟!!
قالك In-Wheel MultiLink.. هههههههههههههههه

لكن ماعرفوش (ولا متوقع أنهم يعرفوا قريب) يعملوا عفشة ملتى-لينك للفئات B و C-Segment الكومباكت والـSub-compact..؟!!
(اللى كان نازل فـ الإلنترا والسيراتو القديمة ده كان إسمه Double Wishbone مش ملتى-لينك خاااااااااالص).

ههههههههههههههههههههه طب هما حيعرفو امتى ان شاء الله فى المستقبل مثلا احنا داخلين على 2013 ولحد دلوقتى مبيعرفوش يعملو عفشة ملتى-لينك امال اية موضوع التطوير والكلام البيقولوة دايما فى الريفيو واخرهم كان عن I30 2013 واضح انها مازلو مهتمين بالتصميم اكثر والكلام دة كلة استهلاكى علشان التسويق