مشكلة صوت في الديبرياج (النترا 2011 )

[mysafy]

السلام عليكم ورحمة الله
انا عندي النترا 2011 مانيوال
المشكلة اني لما برفع رجلي من على الدبرياج بعد ما بدي الغيار بيطلع صوت من الديبرياج فياترى ده ممكن يكون ايه مع العلم ان الصوت بيكون عالي
وجزاكم الله خيرا

[exact]

لو الصوت ده بيظهر عالواقف ولو ضعيف يبقى غالبا بلية دبرياج

[mysafy]

شكرا على الاهتمام اخي
لا الصوت بس وانا برفع رجلي من الديبرياج بعد ما باخد غيار وانا ماشي مش وانا واقف وبحس بيه في رجلي اللي على الديبرياج

[Eng_Mostafa_89]

ممكن توصف الصوت اكتر

[mysafy]

الصوت يشبه صفارة القطر زي مايكون في حاجه بتحك في بعضها كده

[mysafy]

وبيكون اثناء رفع الرجل فقط من الديبرياج

[koshary]

بلية دبرياج

[mysafy]

بلية دبرياج

جزاك الله خيرا يا اخي....طب ودي بتتغير بسهولة ولا فيها مشكلة

[HOSSAM99]

و عليكم السلام و رحمة الله و بركاته
ممكن حضرتك توصف لنا الصوت بالتفصيل
يعني هل هو صوت تزييق جاي من جهة بدال الديبرياج (من داخل الصالون ) و لا صوت جي من ناحية الموتور

[mysafy]

و عليكم السلام و رحمة الله و بركاته
ممكن حضرتك توصف لنا الصوت بالتفصيل
يعني هل هو صوت تزييق جاي من جهة بدال الديبرياج (من داخل الصالون ) و لا صوت جي من ناحية الموتور

شكرا على اهتمامك اخي حسام
هو فعلا صوت تزييق جاي من جهة بدال الديبرياج بحسه في الديبرياج نفسه

[HOSSAM99]

يبقي دي مشكله بسيطه جدا
السبب : تراكم أتربه و خلافه علي مفصل الديبرياج
الحل : التشحيم و يكون بشحم يا إما شحم عادي أو wd40
بننزل تحت في الدواسه و معانا إسبرايwd40 ونفرش فوطه علي الأماكن اللي ممكن ينقط عليها السائل و نرش علي مفصل البدالات التلاته بما فيهم الديبرياج
wd40 من شوب البنزينه

[mysafy]

يبقي دي مشكله بسيطه جدا
السبب : تراكم أتربه و خلافه علي مفصل الديبرياج
الحل : التشحيم و يكون بشحم يا إما شحم عادي أو wd40
بننزل تحت في الدواسه و معانا إسبرايwd40 ونفرش فوطه علي الأماكن اللي ممكن ينقط عليها السائل و نرش علي مفصل البدالات التلاته بما فيهم الديبرياج
wd40 من شوب البنزينه

ربنا يطمنك يا استاذ حسام هاجرب الحل ده وهاقولك عالنتيجه

[memotitoz]

لا عادي جدا.......ده صوت هتسمعه لما تشيل رجلك بسرعه....انمل لو شلتها بالراحه مش هتسمعه. انا عنده ال2011 مانيوال برضه و نفس الموضوع......و موجوده في النيو اسنت و في عربيات كتير.......بس مش كل العربيات. الملخص انه طبيعي جدا و انا كنت قلقان زيك كده لحد ما لقيتها ف كل العربيات.... بس انا عندي بقي رعشه كده في دواسه الدبرياج تحسها لما تكون واقف و تلمس رجلك علي الدبرياج, و لما تكمل الدوسه تروح. لو عندك الموضوع ده ياريت تفيدني.

[mysafy]

لا عادي جدا.......ده صوت هتسمعه لما تشيل رجلك بسرعه....انمل لو شلتها بالراحه مش هتسمعه. انا عنده ال2011 مانيوال برضه و نفس الموضوع......و موجوده في النيو اسنت و في عربيات كتير.......بس مش كل العربيات. الملخص انه طبيعي جدا و انا كنت قلقان زيك كده لحد ما لقيتها ف كل العربيات.... بس انا عندي بقي رعشه كده في دواسه الدبرياج تحسها لما تكون واقف و تلمس رجلك علي الدبرياج, و لما تكمل الدوسه تروح. لو عندك الموضوع ده ياريت تفيدني.

لا ياباشا انا بقى العكس.....الصوت بيطلع لما اشيلها بالراحه ولو شلتها بسرعه مش بيظهر...
ومشلة الرعشة دي مش عندي ولو وصلت لمعلومه عنها هابعتلك