تجربتي للالنترا 2012 بالصور

[devil_storm]

العربية فعلا ثباتها ممتاز و كنت باخد الغرز على 160 و الملفات على 180 مع عدم الاحساس بالخوف, العربية دى فعلا ثبتها كويس جدا و اثبت من عربيات كتير يبانى سوقتها.

[ibn_seena]

السلام عليكم
قمت بتجربة النترا 2012 (فئة 142000جم) لمسافة 800كم على طريق الغردقة و داخل المدينة و هذا رأيي:
عجبني فيها
1)شكل خارجي جميل و تحسسك انها كاتجوري أعلى
2)الكواليتي للمواد المستخدمة جيدة جدا و العزل الصوتي جيد جدا
3)نظام البلوتوث سهل و صوت السماعات واضح و صافى
4)القعدة جوه من أشد مميزات العربية دي,الكراسي مريحة بعد 400كم سواقة متصله و وضعية السواقة ممتازه و الطاره مكسوه بالجلد و حجمها جيد
5)الباور الكهربا اتحسن كتير عن الموديل اللى قبلها و بقى بينقل الاحساس أفضل و قلل تأثير الغموض و بقى يوصلك احساس الطريق بشكل أفضل
6)راحة الركوب جيده جدا و أفضل من السيراتو بالتأكيد
7)الثبات على السرعات العالية فوق 160كم جيد جدا و ده لاحظته فى مطبات الهواء اللى موجودة فى طريق الغردقة
8)احنا كنا خمسة و محكتش فى ولا مطب
9)التكييف ممتاز و أحسن كتير من السيراتو

ما عجبنيش فيها:
1)الفتيس متخلف فعلا و العربية دي مش محتاجة 6 نقلات نهائيا و فعلا الفتيس ده بوظ جزء كبير من السواقة على السرعات القليلة, تحس دايما انو متلخبط و متأخر فى النقلات,ساعات كنت بنقل من ال5 الى ال3 بالستبترونيك علشان اخلى العربية موجوده معايا و أخلى العزم متوفر

2)الصراحة محستش بأي اختلاف فى القوة عن الموديل اللى قبله, العكس , فتيس الالنترا القديمة بيخليك تحس ان العربية أقوي و مصحصحه معاك أكتر و بالتالى سواقة الموديل اللى قابله أفضل

رأيي النهائي:
عربية كويسة و سعرها معقول مقابل كمالياتها و أحسن من السيراتو بفرق صغير بس فتيسها خانقها فعلا و للأسف بفضل الشكل القديم عليها

انت متاكد يا باشا انك كنت راكب الانترا 2012 ؟؟!!!!

[hany63]

1-الثبات كان كويس عشان 5 افراد راكبين و ده عن تجربه شخصيه لما سافرت بالكورولا 2006 الاسبوع اللي فات و كان معايا حماتي و المدام و الاولاد اللي كانوا واحشني عشان كانوا تحت الشنط العربيه كانت ولا الالماني
2-حركة ال 6 نقلات فعلا تخنق اي عربيه عشان كثرة التهنيج بتزيد كل ما عدد النقلات يزيد و الكومبيوتر بيعمل ديلاي عشان مش عارف يثبت على النقله و لا يعمل كيك داون و كمان كل ما زاد عدد النقلات زادت مستويات الكيك داون و بصراحه احسن حاجه الفتيس الاوتو ال 5 نقلات عشان يعتبر وسط مابين ال 6 و ال 4 فاخد مميزات كل نوع و الحد الادني من عيوبهم

[hany63]

شوف هيه بتجرى بعد 160 حلو قوى وافضل من عربيات كتيرررررررررر

حضرتك بتتكلم على ال160 كأننا ماشيين عليها على طول
قول ياباسط دي ممكن الواحد ما يشوفش ال 140 لو مش مسافر
و سبب الجري ان الموتور على السادس و معدي ال 4000 يعني وصل لاقصى عزم لاعلى نقله

[Samir Elshahawy]

حضرتك بتتكلم على ال160 كأننا ماشيين عليها على طول
قول ياباسط دي ممكن الواحد ما يشوفش ال 140 لو مش مسافر
و سبب الجري ان الموتور على السادس و معدي ال 4000 يعني وصل لاقصى عزم لاعلى نقله

أنا مش عارف أنت بتتكلم أزاي ؟
طيب ...
عربيتي داخلة علي 25000 كم كلهم مش معظمهم سفر و السرعات اللي بتتكلم عليها 140 و 160 و 180 كمان دي علي طول باجيبها و بسهولة كمان و لو الطريق فاضي ممكن أفضل ماشي 160 - 180

مش عارف ليه حاسس أنكوا بتتكلموا عن عربية تانية أو داخلين قسم غلط

[hany63]

أنا مش عارف أنت بتتكلم أزاي ؟
طيب ...
عربيتي داخلة علي 25000 كم كلهم مش معظمهم سفر و السرعات اللي بتتكلم عليها 140 و 160 و 180 كمان دي علي طول باجيبها و بسهولة كمان و لو الطريق فاضي ممكن أفضل ماشي 160 - 180

مش عارف ليه حاسس أنكوا بتتكلموا عن عربية تانية أو داخلين قسم غلط

والله انا كنت بتكلم على السرعه من ناحية المبدأ ما قصدتش عربيه معينه خالص و لاجبت سيرة هيونداي و لا حتى فيراري وانا فاهم انا بقول ايه و فين ومش مسطول
و مكنش فيه لازمه لطريقة الرد بتاعك اللي في الاول و حضرتك لو راجعت كلامك قبل كده قلت انت جبت مرات قليله سرعات عاليه بس طول الوقت ما بتعديش ال 120 كم عشان الامان اللي حضرتك نصحت بيه اعضاء القسم و على العموم اعتبر انك ماقريتش المشاركه و مش داخل القسم تاني

[fineart607]

شكرا على التقرير بس سبحان الله لما جيت اشترى فضلت السيراتو عنها :)

[CryptonX]

شكرا على التقرير بس سبحان الله لما جيت اشترى فضلت السيراتو عنها :)

اذواق يا باشا .. انا صديقي المقرب ليه اشترى سيراتو بدل الالنترا مع انه كان معجب بيها بسب السبب كان بديهي الي هو انه معاه 125 الف فقط و دي تجييله سيراتو sx كاملة ! انما متجيبش الا اول فئة اوتو في الانترا :)

[SAMEH_FOUAD]

أنا مش عارف أنت بتتكلم أزاي ؟
طيب ...
عربيتي داخلة علي 25000 كم كلهم مش معظمهم سفر و السرعات اللي بتتكلم عليها 140 و 160 و 180 كمان دي علي طول باجيبها و بسهولة كمان و لو الطريق فاضي ممكن أفضل ماشي 160 - 180

مش عارف ليه حاسس أنكوا بتتكلموا عن عربية تانية أو داخلين قسم غلط

ياباشا ماتثبت على رأى وسرعة شوية تقول انا ماشى بالقوانين ومش بجرى حتى فى السفر بجيب 180 لدقائق وبرجع لسرعتى تانى , هو انا هجيب عربية عشان اجرى كل شوية

ودلوقتى بتقول سفرك 140و 160 و 180

طيب نصدق مين فيهم

شوف ياباشا معلش كلام الاستاذ هانى كلة صح , وانتوا اللى مش عايزين تعترفوا والدليل

[frame="1 80"]
" بس هأعلق علي نقطة الفتيس و السرعات
فعلا كلامك مظبوط لكن لاحظ أن هيونداي زيها زي شركات كتير دلوقتي بتفكر في الناحية الاقتصادية و خاصة توفير الوقود لذلك بتلجأ للنوع ده المكون من 6 سرعات طيب هاتقول أيه بقي في الفتيس ال 13 سرعة اللي ناويين ينزلوه ؟

عموما لواحد مش غاوي شد و جري زي حالاتي أستجابة العربية بتكون مثالية و أستهلاكها في البنزين فوق المثالي "
[/frame]

مش دة كلامك ياباشا طيب انت اعترفت ان دة عيب فى الفتيس وانت بتأكد الكلام بتاعنا كلة ان الفتيس دة غير مناسب لمحرك الالنتر الضعيف ( 6 سرعات لية ) وياريتهم عارفين يظبطوا نسبة لكن مافيش

تانى نقطة : حضرتك بتقول " عموما لواحد مش غاوي شد و جري زي حالاتي أستجابة العربية بتكون مثالية و أستهلاكها في البنزين فوق المثالي "

واضح جدا ان حضرتك مش غاوى شد ولا جرى خالص فعلا

[AshTurbo]

يارجالة الفتيس الست سرعات دة مش عيب هو ميال أكتر لتوفير البنزين ولكن بسهولة تقدر تعمل كيك داون وهيستجيب بسرعة وتقدر تنقل وضع المانيوال وتجري براحتك مش فاهم أزاي حاجة بتراعي كل مستويات القيادة وبتقولوا عليها وحشة يعني خلصنا من العفشة دخلنا في الفتيس وياريت بتقولوا حاجة مظبوطة ممكن أوي أجيبلكم فيديوهات ناس أحسن مننا وأسمعوههم وهم بيقلسوا على فتيس التويوتا كورولا الخمس سرعات وأقتبس من كلامهم :

( أيه اللي خلى تويوتا تفتكر أنها هتبيع عربيات بالفتيس الخمس سرعات ده في الوقت اللي كل الشركات بتستخدم الستة سرعات )

الألنترا 6 سرعات - فورد فوكس 6 سرعات - الكروز 6 سرعات - السيراتو 6 سرعات - الدودج دارت 6 سرعات الخ .

[Samir Elshahawy]

أيوه ياسامح أنا مش غاوي شد
و لو تركز في كلامي أنا بأقول لما الطريق يكون فاضي
يعني مش باشد مع حد و زي ماقولت قبل كده علشان اجيب السرعات دي في شروط و قواعد بألزم نفسي بيها
و اللي ماتعرفوش أني لما باسافر بيكون الصبح بدري يعني باتحرك في حدود 5 أو 6 الصبح فالطرق بتكون فاضية و مفتوحة أمامي

أحنا مش هانقعد لبعض علي الواحدة

[ashouhdy]

العربية دى مذعلة ناس كتييير اوى كدة لية :))) عشان هربية حلوة وفخمة ولما تعدى الشارع كلة يتلوح بص عليها

ودى حقيقة

[devil_storm]

العربية دى مذعلة ناس كتييير اوى كدة لية :))) عشان هربية حلوة وفخمة ولما تعدى الشارع كلة يتلوح بص عليها

ودى حقيقة

انت يا شهدى جبت من الاخر
ناس كدة و ناس كدة و ناس كدة و ناس كدة و اخرتهم كدة



اللى مستغربلة بقى ان سمسم بيقول هيونداى مطورتش و بيسال هيونداى اطورت فى ايه!!! انا و الله ممكن اثبتلة ان هيونداى اطورت كتير جدا بس مش فاض لكن لو يا سمسم حابب انا عنيا ليك... انا مقدرش ارفضلك طلب

[SAMEH_FOUAD]

العربية دى مذعلة ناس كتييير اوى كدة لية :))) عشان هربية حلوة وفخمة ولما تعدى الشارع كلة يتلوح بص عليها

ودى حقيقة

الله انا نفسى اشوف اللى انت بتقول علية دة , ياباشا انت بتحسسنى ان العربية مش موجودة فى مصر دة بقت اكتر من ال128

معلش الكورى اذا كان حلو بيبقى حلو اول شهرين تلاتة وبعد كدة بيفقد شكلة , وبتبقى زى اى عربية ماشية فى الشارع , ولا بتلاقى اى حد بينتية ليها

انت تقول حلوة اة , لكن فخمة لأ

[SAMEH_FOUAD]

انت يا شهدى جبت من الاخر
ناس كدة و ناس كدة و ناس كدة :b4_444: و ناس كدة و اخرتهم كدة



اللى مستغربلة بقى ان سمسم بيقول هيونداى مطورتش و بيسال هيونداى اطورت فى ايه!!! انا و الله ممكن اثبتلة ان هيونداى اطورت كتير جدا بس مش فاض لكن لو يا سمسم حابب انا عنيا ليك... انا مقدرش ارفضلك طلب

طيب ماتقول ياباشا ورينى كدة اتطورت فية اية عن موديل 2010

لانى مش لاقى حد فيكوا عارف يجاوبلى على سؤالى دة الصراحة