تجربتي للالنترا 2012 بالصور

[esam_ayad]

بصراحه يا جماعه العربيه نازله تقريبا بقالها سنه وكل مره بشوفها بنبهر بتصميمها وعيني بتروحلها وأعتقد لسه قدامها وقت طويل لحد ما شكلها يبقي قديم ويروح عليه.

[devil_storm]

طيب ماتقول ياباشا ورينى كدة اتطورت فية اية عن موديل 2010

لانى مش لاقى حد فيكوا عارف يجاوبلى على سؤالى دة الصراحة

تمر يا قمر امرك يمشى على نن عيونى و عالرمشى
بس انا حعمل موضوع جديد نتكلم فيه عن تطور الكورى قصاد تطور اليبانى.

[A7medelfe2y]

nice

[novo]

حضرتك نسيت تقريبا الصور !!!

وبالنسبة للثبات حضرتك بتقول انها ثابتة على 160 .. (( اصل فيه ناشس بتقول لأ وانها مش ثابتة خالص وبتعوم )) ؟؟

* اخبار الاحتكاك مع المطبات ايه .. وهل الخمسة تخان نسبيا ولا وزن خفيف
وهل كان فيه شنط ؟؟؟

*هل فيه اي صوت تزييق على الطريق ؟

*بالنسبة للتكيف .. اخباره ايه بالظبط .. وكانت درجة الحرارة الخارجية كام ساعتها ؟؟

*شنطة العربية من ورا وارتفاعها .. هل كانت عاملة ازعاج وقت الرجوع للخلف .. يعني كنت شايف اللي وراك ولا ايه نظامها ؟


والف شكر على التقرير .. ومستنيين الصور ان شاء الله ♥

العربية ارتفاعها مناسب جدا...خمس أفراد مع شنط خفيفة و العربية محكتش ولا مره
التكييف ممتاز
مفيش صوت تزييق
العربية كان فيها باركينج سنسور

[novo]

اخبار الفرامل اية

جيدة جدا

[novo]

ياباشا كل واحد لة حرية اعطاء انطباعة عن السيارة , هو شايفها كدة واحنا شايفينها كدة وبعدين احنا مطلعنهاش عربية وحشة اوى , لأ احنا زى ماقولنا عيوبها قولنا مميزاتها , صح ولا اية ؟؟؟؟

والاخ صاحب الموضوع وجهة نظرة ورأية يحترم بس ياريت يقول تفصيل اكتر عن السيارة

وبعدين هو قال كلمة فى الاخر , محدش علق عليها , بيقول ان الالنترا القديمة افضل من الجديدة , وانتوا بتقولوا ان هيونداى تطورت يبقى فين بقى التطور دة

هو دايما الواحد لما بيركب عربية جديدة و يختبرها بيحاول يتحرر من الصور التقليدية للماركات علشان يقدر يحكم صح
مينفعش واحد يقولى أن بي ام أفضل على طول من مرسيدس أو من فولكس ,كل موديل و له خصوصيته و من حق كل شركة انها تجتهد و تتفوق و ممكن فى يوم هيونداي تعمل عربية دفع خلفى أفضل من البي ام

[novo]

انت متاكد يا باشا انك كنت راكب الانترا 2012 ؟؟!!!!

ان شاء الله متأكد
elantra test drive - YouTube

[novo]

السلام عليكم
قمت بتجربة النترا 2012 (فئة 142000جم) لمسافة 800كم على طريق الغردقة و داخل المدينة و هذا رأيي:
عجبني فيها
1)شكل خارجي جميل و تحسسك انها كاتجوري أعلى
2)الكواليتي للمواد المستخدمة جيدة جدا و العزل الصوتي جيد جدا
3)نظام البلوتوث سهل و صوت السماعات واضح و صافى
4)القعدة جوه من أشد مميزات العربية دي,الكراسي مريحة بعد 400كم سواقة متصله و وضعية السواقة ممتازه و الطاره مكسوه بالجلد و حجمها جيد
5)الباور الكهربا اتحسن كتير عن الموديل اللى قبلها و بقى بينقل الاحساس أفضل و قلل تأثير الغموض و بقى يوصلك احساس الطريق بشكل أفضل
6)راحة الركوب جيده جدا و أفضل من السيراتو بالتأكيد
7)الثبات على السرعات العالية فوق 160كم جيد جدا و ده لاحظته فى مطبات الهواء اللى موجودة فى طريق الغردقة
8)احنا كنا خمسة و محكتش فى ولا مطب
9)التكييف ممتاز و أحسن كتير من السيراتو

ما عجبنيش فيها:
1)الفتيس متخلف فعلا و العربية دي مش محتاجة 6 نقلات نهائيا و فعلا الفتيس ده بوظ جزء كبير من السواقة على السرعات القليلة, تحس دايما انو متلخبط و متأخر فى النقلات,ساعات كنت بنقل من ال5 الى ال3 بالستبترونيك علشان اخلى العربية موجوده معايا و أخلى العزم متوفر

2)الصراحة محستش بأي اختلاف فى القوة عن الموديل اللى قبله, العكس , فتيس الالنترا القديمة بيخليك تحس ان العربية أقوي و مصحصحه معاك أكتر و بالتالى سواقة الموديل اللى قابله أفضل

رأيي النهائي:
عربية كويسة و سعرها معقول مقابل كمالياتها و أحسن من السيراتو بفرق صغير بس فتيسها خانقها فعلا و للأسف بفضل الشكل القديم عليها

بالصدفة سقت نفس العربية لمدة يومين تقريبا و هى عاملة دلوقتي 22000كم و هسجل مجموعة ملاحظات
1)العربية الحمد لله مع غيرتش أي حاجة مختلفة عن الصيانة العادية و مفيش أي شكاوي من صاحبها
2)استجابة العربية اتحسنت من وجهة نظري و عجبني جدا المانوال مود ....النقلات سريعة و العربية بتبقى مرتاحة حتى لو على 6000 لفة ....
3)بالنسبة للغرز على سرعة عالية (160كم) , متحسش أوي بالثقة لأن العربية عالية و تقيلة فمتحسهاش مرتاحة لما تعمل نقل مفاجئ للوزن.
استجابة العربية فعلا اتحسنت مع مرور الوقت لأنها عند تجربتي الأولية ليها كانت عاملة تقريبا 4000كم

[Samir Elshahawy]

السلام عليكم
قمت بتجربة النترا 2012 (فئة 142000جم) لمسافة 800كم على طريق الغردقة و داخل المدينة و هذا رأيي:
عجبني فيها
1)شكل خارجي جميل و تحسسك انها كاتجوري أعلى
2)الكواليتي للمواد المستخدمة جيدة جدا و العزل الصوتي جيد جدا
3)نظام البلوتوث سهل و صوت السماعات واضح و صافى
4)القعدة جوه من أشد مميزات العربية دي,الكراسي مريحة بعد 400كم سواقة متصله و وضعية السواقة ممتازه و الطاره مكسوه بالجلد و حجمها جيد
5)الباور الكهربا اتحسن كتير عن الموديل اللى قبلها و بقى بينقل الاحساس أفضل و قلل تأثير الغموض و بقى يوصلك احساس الطريق بشكل أفضل
6)راحة الركوب جيده جدا و أفضل من السيراتو بالتأكيد
7)الثبات على السرعات العالية فوق 160كم جيد جدا و ده لاحظته فى مطبات الهواء اللى موجودة فى طريق الغردقة
8)احنا كنا خمسة و محكتش فى ولا مطب
9)التكييف ممتاز و أحسن كتير من السيراتو

ما عجبنيش فيها:
1)الفتيس متخلف فعلا و العربية دي مش محتاجة 6 نقلات نهائيا و فعلا الفتيس ده بوظ جزء كبير من السواقة على السرعات القليلة, تحس دايما انو متلخبط و متأخر فى النقلات,ساعات كنت بنقل من ال5 الى ال3 بالستبترونيك علشان اخلى العربية موجوده معايا و أخلى العزم متوفر

2)الصراحة محستش بأي اختلاف فى القوة عن الموديل اللى قبله, العكس , فتيس الالنترا القديمة بيخليك تحس ان العربية أقوي و مصحصحه معاك أكتر و بالتالى سواقة الموديل اللى قابله أفضل

رأيي النهائي:
عربية كويسة و سعرها معقول مقابل كمالياتها و أحسن من السيراتو بفرق صغير بس فتيسها خانقها فعلا و للأسف بفضل الشكل القديم عليها

طبعا ده رأي لازم نرفع له القبعة لأنه من شخص محترم و راكب عربية الكل بيحترمها و بيقدرها
و الاهم من ذلك كله هو مشاركة منسق قسم بي أم و تشريفه لقسمنا المتواضع "هيونداي" و ياريت تشرفنا في مقابلة الجمعة القادمة لقسمي هيونداي - كيا

http://www.nilemotors.net/Nile/400337-14-2-2014-a.html

نيجي بقي لتقرير حضرتك عن الألنترا md :
1- أنا هأطلب من حضرتك طلب سخيف و غريب و هو أن تعطينا تقييم للألنترا كما ذكرت و لكن مقارنة بالبي أم دبليو
عارف أنها لاتقارن بالبي ام طبعا و لكن سنعتبر أن البي أم حاصلة علي 10 نقاط في كل بند ذكرته فأريد منك أن تعطيني كم نقطة ستحصل عليها الالنترا من ال 10

2- بالنسبة للفتيس الاوتو ذو ال 6 سرعات في الالنترا , أتفق معك في أنه ضيع قوة الموتور خاصة في السرعات المنخفضة و التحرك من الثبات و لكن ..... بيعطي ميزة مهمة جدا للغير راغبين في الجري و الشد و هي التوفير في استهلاك البنزين و هي في رأيي المتواضع ميزة مهمة جدا لسيارة مدينة خاصة في مدننا المزدحمة

3- الفرق بين الالنترا md (الشكل الجديد) و الالنترا hd (الشكل السابق) في قوة الموتور بيظهر في السرعات العالية فقط و ذلك من خلال تجربة فعلية حدثت معي شخصيا أكثر من مرة

http://www.nilemotors.net/Nile/399013-a.html

و في أنتظار تشريفك لنا في المقابلة كي نستكمل الحديث علي الطبيعة

[Samir Elshahawy]

طيب ماتقول ياباشا ورينى كدة اتطورت فية اية عن موديل 2010

لانى مش لاقى حد فيكوا عارف يجاوبلى على سؤالى دة الصراحة

طيب ماتيجي المقابلة يوم الجمعة 14 فبراير
و هناك هاتشوف الالنتر md و الالنترا hd و كمان عربيات كيا و قارن و أحكم بنفسك

[eltanamly]

التقرير ممتاز وكلام جميل ، بس أنا عندي رأي تاني على نقطة وحدة بس لو تسمحلي
هي في الجري بصراحة أنا مش بثق فيها بحس أنها بتطير خصوصاً على مطب هوى بجد والله بحس أن العربية ببتسحب لفوق ومش لمسة الأرض العربية فعلاً حتبقى بطنت
بس بردو مع العلم أن أنا معظم مشاويري بكون لوحدي والباقي مع خطبتي فممكن تكون بتثبت أكتر لما حد يركب ورا ؟؟؟
أنا الأبواب إلي ورا من عدم الاستخدام مفصلاتهم بقت بت زيق وجبتلهم wd-40

[novo]

التقرير ممتاز وكلام جميل ، بس أنا عندي رأي تاني على نقطة وحدة بس لو تسمحلي
هي في الجري بصراحة أنا مش بثق فيها بحس أنها بتطير خصوصاً على مطب هوى بجد والله بحس أن العربية ببتسحب لفوق ومش لمسة الأرض العربية فعلاً حتبقى بطنت
بس بردو مع العلم أن أنا معظم مشاويري بكون لوحدي والباقي مع خطبتي فممكن تكون بتثبت أكتر لما حد يركب ورا ؟؟؟
أنا الأبواب إلي ورا من عدم الاستخدام مفصلاتهم بقت بت زيق وجبتلهم wd-40 :c_laugh[1]:

عندك حق فى النقطة دي لأني فعلا لما حكمت على العربية فى المرة الأولى كنا خمسة بشنطنا...فى المرة التانية كنت لوحدي

[novo]

طبعا ده رأي لازم نرفع له القبعة لأنه من شخص محترم و راكب عربية الكل بيحترمها و بيقدرها
شكرا لذوقك
و الاهم من ذلك كله هو مشاركة منسق قسم بي أم و تشريفه لقسمنا المتواضع "هيونداي" و ياريت تشرفنا في مقابلة الجمعة القادمة لقسمي هيونداي - كيا

http://www.nilemotors.net/nile/400337-14-2-2014-a.html

الشرف ليا و القسم منور بأعضائه اللى استفدت منهم كتير جدا

نيجي بقي لتقرير حضرتك عن الألنترا md :
1- أنا هأطلب من حضرتك طلب سخيف و غريب و هو أن تعطينا تقييم للألنترا كما ذكرت و لكن مقارنة بالبي أم دبليو
حاضر بس معلش هعملها فى موضوع لوحده
عارف أنها لاتقارن بالبي ام طبعا و لكن سنعتبر أن البي أم حاصلة علي 10 نقاط في كل بند ذكرته فأريد منك أن تعطيني كم نقطة ستحصل عليها الالنترا من ال 10
لأ طبعا تقارن و هيونداي شركة ممتازة بس بتعمل عربيات موجهة لفئة سعرية محددة


2- بالنسبة للفتيس الاوتو ذو ال 6 سرعات في الالنترا , أتفق معك في أنه ضيع قوة الموتور خاصة في السرعات المنخفضة و التحرك من الثبات و لكن ..... بيعطي ميزة مهمة جدا للغير راغبين في الجري و الشد و هي التوفير في استهلاك البنزين و هي في رأيي المتواضع ميزة مهمة جدا لسيارة مدينة خاصة في مدننا المزدحمة

3- الفرق بين الالنترا md (الشكل الجديد) و الالنترا hd (الشكل السابق) في قوة الموتور بيظهر في السرعات العالية فقط و ذلك من خلال تجربة فعلية حدثت معي شخصيا أكثر من مرة

http://www.nilemotors.net/nile/399013-a.html

و في أنتظار تشريفك لنا في المقابلة كي نستكمل الحديث علي الطبيعة

ان شاء الله هحاول أجي اتشرف بيكم