مطلوب سيارة النترا 2007-2010 ارجو الدخول لمن يمكنة المساعدة

[fataka]

صباح الفل ياجماعة
انا اول مرة ابعت على المنتدى هنا وان كنت من المتابعين المستمرين لمسهمات الاعضاء
انا بدور على عربية النترا 2007-2010 اوتو تكون حالتها كويسة وبصراحة بتمنى ربنا يكرمنى بواحد يكون مهتم بعربيتو ويبعها بنفس راضية ويباركلى فيها انا عمتا مش مستعجل وعايز حاجة مش لقطة بس تكون بما يرضى الله على اد تمنها فى حدود 70-80 الف
انا كان معايا لانوس واتسرقت من حوالى 7 شهور اللحمدلله قدر الله وماشاء فعل
انا متشكر عمتا لاى حد يحاول يساعدنى حتى لو مقدرش

[fataka]

لو حد عندة راى او نصيحة ممكن برضو تفتكرو السعر ده ممكن يجيب حاجة كويسة؟

[hism]

انا معايا واحده 2008 فيها مرمه فى رفرف يمين
العربيه 2008 كامله اتوماتيك اللون اسود جنوط اسبور 16 وزينون فوجات وفرش جلد
ماشيه 69 الف كيلو بحاله ممتازه

[fataka]

مرمة فى الرفرف بس والباقى برة وجوة فبريكة؟
فيها توكيلات؟
ايه اخبار الفرش والعفشة والكوتش والمتور ولتكيف بكر ولا تاتش
والفئه بتعتها ايه ولو فى صور واخيرا المطلوب كام

[hism]

هى مرمه فى رفرف والعشه والماتور فوق الممتازه والفرش جلد لون العربيه جوه ولسه زيريو وكتالوجتها فى الطبلو وكانت مفصوله قبل ما اجيب الجنط والكاوتش 77 وانا بتكلم فى 80 وانا شريها من واحد كان جيبها زيرو ومكنش بيمشى بيها وخده بنفس المرمه دى

[A7medelfe2y]

عربيه ممتازه بس دور كويس وربنا يوفقك ويعوضك عن الانوس

[fataka]

ربنا يخليك ياباشا ويحفظ الناس كلها ويكفيها شر الطريق وادينى لسة بدور وربنا كريم

[fataka]

انا لسة بدور ياجماعة لو حد عنده حاجة كويسة

[fataka]

للرفع

[Medicalist]

فيه النترا 2010 كامله بس معديه ال 100 يا صاحبى فابريكه بالكامل

[modo88]

انا كمان بدور علي حاجه تكون 2007 او 2008 بس تكون كامله وفابريكة بره وجوه وتكون بفتحه سقف بقالي اكتر من شهر :(

[fataka]

انا بقالى بتاع شهر برضو ومش لاقى اى حاجة كويسة
شوفت واحدة كويسة على النت وانا فى الطريق رايح اتفرج عليها كانت اتباعت
ربنا يسهل

[fataka]

زودنا الميلغ لحد 85 طيب

[shiko85]

وانا كمان بدور و مش عارف الأسعار مبالغ فيها قوى و مش منطقيه
كل واحد كاتب السعر اللى هو عايزه بغض النظر عن الموديل, العربيه مانيوال ولا اوتوماتيك و لا حالتها ايه ولا ماشيه اد ايه
بصراحه زهقت و فكرت اكتر من مره اشوف عربيه تانى بس الألنترا عجبانى و نفسى اشتريها

[samehsorour]

طب ما تقولوا تجاربكم إيه في اللي اتفرجتم عيه عشان نستفيد منها احنا كمان ..