الفيرنا هيتوقف انتاجها

[Seifmando]

كنت مع واحد صاحبي شغال في غبور وقال لي ان السنة دي اخر سنة للفيرنا
مش عارف بقي دا هياثر ازاي في السعر السوقي وقطع الغيار
لأني فاكر مثال مش كويس بالنسبة للفيات سيينا لما أتوقف انتاجها سعرها اتخسف بيه الارض وكمان قطع الغيار اختفت

ممكن لو حد عنده فكرة يقولنا التاثير ممكن يكون ازاي

[SAMEH_FOUAD]

اية المشكلة يعنى اتوقف انتاجها ,عادى ماكل عربية بتتصنع بيتوقف انتاجها وبتنزل قطع غيارها عادى جدا ماتقلقش

[hossam_elwani]

لا علاقه بين انتاج العربيه وقطع الغيار خصوصا ان الفيرنا بقالها تقريبا 8 سنوات وباعت بيع السنين

انا عندى نيسان صنى 83 قطع غيارها تصنع الى الان

[mahmoud_afifi]

الحمدلله انه هيتوقف انتاجها. تقفيل ردئ والاصوات حدث ولا حرج.
بالنسبه لقطع الغيار زي ما سمسم باشا قال.
اما بخصوص سعر اعادة البيع ممكن يمسك نفسه خاصة ان مفيش بديل ليها في نفس السعر بتاعها وسهولة صيانتها.

[yoko]

الحمدلله انه هيتوقف انتاجها. تقفيل ردئ والاصوات حدث ولا حرج.
بالنسبه لقطع الغيار زي ما سمسم باشا قال.
اما بخصوص سعر اعادة البيع ممكن يمسك نفسه خاصة ان مفيش بديل ليها في نفس السعر بتاعها وسهولة صيانتها.

انا أول ما عرفت الخبر ده قعدت أقول احمدك يا رب
ومعاك في ردك

[Seifmando]

الحمدلله انه هيتوقف انتاجها. تقفيل ردئ والاصوات حدث ولا حرج.
بالنسبه لقطع الغيار زي ما سمسم باشا قال.
اما بخصوص سعر اعادة البيع ممكن يمسك نفسه خاصة ان مفيش بديل ليها في نفس السعر بتاعها وسهولة صيانتها.

نفس الكلام اللي قالهولي
لما اول عربية في فئتها من هيونداي تبقي الاكسنت اللي اولها ١٠٥ الف فيبقي البديل هيبقي فيرنا كسر زيرو مثلاً ب٦٠الف يعني فرق مش اقل من 45ألف
فكرتني بفاكهة الموسم اللي قربت تخلص ولما موسمها يعدي تلاقي سعرها بقي في السما
أنا بفكر اشتريها زيرو وخصوصاً ان عليها خصم ٢٠٠٠ جنيه

[S O P H O S]

فعلا اظن مفيش اي تأثير علي قطع الغيار
بس اظن انهم هينزلوا مكانها فئة والله اعلم ..

[medoghaly]

عادي و لا هياثر علي حاجة اكيد هينزل عربية تمسك الرانج ده

[elsheikh2010]

تقريباً غبور مش هايسيب الشريحة ده تروح منه لأني من فترة ثرأت أن الكابتن غبور أخد توكيل خط من خطوط إنتاج الجيلي يعني هايشتغل في الصيني يا رجالة وده سعرها في الأرض وكماليات ما لهاش حصر يعني حمادة بالجنزبيل ... زي ما ابو الفتوح أخد توكيل الأسبيرنزا من الشيري .

[Ultramisho]

فعلا اظن مفيش اي تأثير علي قطع الغيار
بس اظن انهم هينزلوا مكانها فئة والله اعلم ..

انا برضه سمعت كده بسص ياترى هينزلوا ايه بدلها ولا مش هينزلوا حاجة علشان مايقفلوش على اي 10

هو لو فكرنا في تاريخ الفيرنا هنلاقي ان غبور اشترى قولبها طبعا برخص التراب بعد ما اتوقف انتاجها بره وبدأ ينتجها هنا
فيمكن لو اعطيت للخيال العنان يشتري دلوقتي قوالب النيواكسنت الي اتوقف انتاجها برضه وينزلها مثلا باسم نيوفيرنا وهتبقى فكرة حلوة برضه بس هتبقى اكيد تجميع مصري وبسعر اعلى من الفيرنا الحالية مين عارف الله اعلم

[abdulkhaleq]

خساره, العربيه دي كانت ممكن تنتج ل 30 سنه قدام بنفس التكنولوجيا سابقة عصرها وأوانها هههههههههه
اتخطفت الصغيره :) :)
(بهزر اوعى تزعل)

[Seifmando]

انا برضه سمعت كده بسص ياترى هينزلوا ايه بدلها ولا مش هينزلوا حاجة علشان مايقفلوش على اي 10

هو لو فكرنا في تاريخ الفيرنا هنلاقي ان غبور اشترى قولبها طبعا برخص التراب بعد ما اتوقف انتاجها بره وبدأ ينتجها هنا
فيمكن لو اعطيت للخيال العنان يشتري دلوقتي قوالب النيواكسنت الي اتوقف انتاجها برضه وينزلها مثلا باسم نيوفيرنا وهتبقى فكرة حلوة برضه بس هتبقى اكيد تجميع مصري وبسعر اعلى من الفيرنا الحالية مين عارف الله اعلم

طبعاً مع غبور اي حاجة ممكنة
بس صاحبي قاللي ان مفيش فئة جديدة هتنزل في نفس السعر دا
لان غبور ابتدي يطمع شوية وأرخص سيدان عنده هتبقي الاكسنت الجديدة اللي اولها ١٠٠ الف جند

[mahmoud_afifi]

نفس الكلام اللي قالهولي
لما اول عربية في فئتها من هيونداي تبقي الاكسنت اللي اولها ١٠٥ الف فيبقي البديل هيبقي فيرنا كسر زيرو مثلاً ب٦٠الف يعني فرق مش اقل من 45ألف
فكرتني بفاكهة الموسم اللي قربت تخلص ولما موسمها يعدي تلاقي سعرها بقي في السما
أنا بفكر اشتريها زيرو وخصوصاً ان عليها خصم ٢٠٠٠ جنيه

خصم وهمي. هيزود سعرها بعدين يعمل خصم عشان توصل لسعرها الحقيقي.
لو عاوز رأيي انا شايف ناس اشتكت من موضوع اصوات التزييق وحاجات كده ومالهاش حل. ابعد عنها.

طبعاً مع غبور اي حاجة ممكنة
بس صاحبي قاللي ان مفيش فئة جديدة هتنزل في نفس السعر دا
لان غبور ابتدي يطمع شوية وأرخص سيدان عنده هتبقي الاكسنت الجديدة اللي اولها ١٠٠ الف جند

خليها تبقى بداية النهاية لمسترغبور.

[maxxmaxx]

تقريباً غبور مش هايسيب الشريحة ده تروح منه لأني من فترة ثرأت أن الكابتن غبور أخد توكيل خط من خطوط إنتاج الجيلي يعني هايشتغل في الصيني يا رجالة وده سعرها في الأرض وكماليات ما لهاش حصر يعني حمادة بالجنزبيل ... زي ما ابو الفتوح أخد توكيل الأسبيرنزا من الشيري .

+11111111111111
انا الكلام ده فعلا سمعته من موزع لهيونداى وانا بستلم عربيتى قالى ان ده اخر موديل للفيرنا وغبور واخد توكيل عربية صينى وهينزلها فى نفس رينج الفيرنا

[charming]

الفيرنا زى الاغنية الشعبية الرديئة جدا اللى فية ناس بتحب تسمعها وبفرضوها على ودنك
ثلاث اشياء اتمنى اختفأهم الفيرنا والتكتوك والموتسيكلات الصينى