لو ناوي اشتري الينترا 2007 ........ ممكن تعمل كام

[t_kha83]

السلام عليكم ورحمة الله وبركاته

الحقيقة انا الميزانية بتاعتي لغاية65-70 ألف ......... وبفكر اشتري الينترا 2007 أتوماتيك ، ممكن تعمل كام كد أقصي بالمقارنة بالكيلوميتر ، وهل لو الكيلومترات بتاعتها عاليه يعني مثلاً فوق 150000 ممكن تعملي مشاكل بعد كدا ......... لو في حد عنده نصايح ليه في عملية الشراء او فكرة بديلة لعربية تانية في نفس الحدود ياريت يقولي ....... وايه المراكز المعتمدة اللي ممكن اروح اكشف فيها علي العربية ..... انا ساكن في مدينة نصر .... شكراً ليكم

[drmagieed]

متابع

[Kareem Fawzy]

فى منها لحد 80 الف على حسب الحالة
انا لو هبيع عربيتى مقارنة بالحاجات اللى انا عاملها فيها مش هبيعها بأقل من 80 الف
لان عدد الكيلوات بتاعتى قليل 50 الف

حضرتك لو تزودها شوية ممكن ل75 مثلاً هتوقع حاجة كويسة ماشية 80 الف ولا حاجة فبريكا برا وجوه
دور فى كونتاكت هتلاقى حاجات حلوة كتير بس نصيحتى ليك خد معاك حد فاهم علشان قلة الضمير بقت سما اساسية فى اغلب الشعب المصرى

بالنسبة لعدد الكيلوات لو 150 الف بس صيانات فى ميعادها انا شخصياً معنديش مانع اشتريها

ربنا يوفقك لما فيه الخير

بالنسبة للبدايل عندك النترا 2006 عربية محترمة بس النضيف منها قليل معروض للبيع

[Hacker5]

الناس اللى بتحط العداد كأساس لحالة العربية
حضرتك تقبل تشترى عربية مغيرة نص فى مقابل انها عاملة عداد قليل ؟
ممكن تبقى عربية عدادها قليل بس صاحبها فى قمة الاهمال و حالتها زى الزفت و بتكح تراب و صالونها متبهدل
و عربية تانية عدادها عالى لكن صاحبها محافظ عليها و مهتم بالصيانة فى موعدها و بيشترى قطع غيار اصلية و العربية مفهاش اى مشاكل
حضرتك ماتبصش على العداد العداد سهل جدا يتلعب فيه و مايبقاش حقيقى
بص لحالة العربية من اساسيات و ميكانيكا و حالة الصالون و الكماليات شغالة كويس ولا لاء و العداد مش مشكلة
كان فيه النترا من فترة كانت 2007 و كان ماشية 260 الف كيلو مع واحد جارنا و العربية اللى يشوفها يقول زيرو من الخارج و الصالون بتاعها فابريكة و كانت رشة نضافة من برا
العربية دى اتباعت فى 10 دقائق بدون مبالغة عشان صاحبها محافظ عليها و مش هاينها و محافظ على الصيانة

[mahmoud_afifi]

الناس اللى بتحط العداد كأساس لحالة العربية
حضرتك تقبل تشترى عربية مغيرة نص فى مقابل انها عاملة عداد قليل ؟
ممكن تبقى عربية عدادها قليل بس صاحبها فى قمة الاهمال و حالتها زى الزفت و بتكح تراب و صالونها متبهدل
و عربية تانية عدادها عالى لكن صاحبها محافظ عليها و مهتم بالصيانة فى موعدها و بيشترى قطع غيار اصلية و العربية مفهاش اى مشاكل
حضرتك ماتبصش على العداد العداد سهل جدا يتلعب فيه و مايبقاش حقيقى
بص لحالة العربية من اساسيات و ميكانيكا و حالة الصالون و الكماليات شغالة كويس ولا لاء و العداد مش مشكلة
كان فيه النترا من فترة كانت 2007 و كان ماشية 260 الف كيلو مع واحد جارنا و العربية اللى يشوفها يقول زيرو من الخارج و الصالون بتاعها فابريكة و كانت رشة نضافة من برا
العربية دى اتباعت فى 10 دقائق بدون مبالغة عشان صاحبها محافظ عليها و مش هاينها و محافظ على الصيانة

+1

بالظبط. ممكن عربيه تكون عملت مسافه طويله كلها سفر بس حالتها جديده وصاحبها "نضيف" ومهتم بيها.
بس برضه لازم تكشف كويس على العربيه عشان ممكن تلاقي واحد قايلك دي راشه نضافه وهي واخده خبطه جامده. خاصة لو الرفارف مفارقه

[Hacker5]

لا عادى سهل تتعرف بس ساعات الرفارف بتكون مفارقة و العربية فبريكة من جوا من الناس اللى بتريح على العربيات و الخبطات و غيره
الحاجات اللى برا ممكن تتظبط مش مشكلة لكن الاهم اللى جوا
مع انها برضو ممكن تتظبط من غير ماحد يعرف هههههههههههه
فكرتنى بتوكيل بيجو كان واحد قريبنا عايز يشترى بيجو 406 و كشف عليها فى التوكيل و قالوله تمام العربية مافهاش حاجة
بعديها بفترة كان بيجدد العربية رش بالكامل و الجاب العربية على الصاج من جوا و اكتشف العربية فيها رش من جوا و السقف متغير
و توكيل تويوتا برضو كان فى عربية ياريس مغيرة نص امامى و مفاهش ايرباج بس صاحبها كان عامل الايرباج بطريقة محدش يعرفها
المهم العربية اتكشف عليها و قالوله فبريكة برا و جوا :) و خدت very good فى التقييم
صدقنى مهما كان الفنى اللى بيكشف على العربية ناصح برضو ممكن اى حاجة تعدى عليه لان دلوقتى الحاجة بتتصلح بمنتهى الاحترافية و استحالة تتكشف
هى هاتتكشف فى حالة واحدة بس ..... لو العربية اتخبطت تانى ساعتها الشغل اللى فيها هايبان :)
يا عم كريم اذا كانت العربية الزيرو بتكون مخبوطة و مرشوشة و اللى هايشتريها هايشربها
فى الاول و الاخر دة نصيب

[mahmoud_afifi]

لا عادى سهل تتعرف بس ساعات الرفارف بتكون مفارقة و العربية فبريكة من جوا من الناس اللى بتريح على العربيات و الخبطات و غيره
الحاجات اللى برا ممكن تتظبط مش مشكلة لكن الاهم اللى جوا
مع انها برضو ممكن تتظبط من غير ماحد يعرف هههههههههههه
فكرتنى بتوكيل بيجو كان واحد قريبنا عايز يشترى بيجو 406 و كشف عليها فى التوكيل و قالوله تمام العربية مافهاش حاجة
بعديها بفترة كان بيجدد العربية رش بالكامل و الجاب العربية على الصاج من جوا و اكتشف العربية فيها رش من جوا و السقف متغير
و توكيل تويوتا برضو كان فى عربية ياريس مغيرة نص امامى و مفاهش ايرباج بس صاحبها كان عامل الايرباج بطريقة محدش يعرفها
المهم العربية اتكشف عليها و قالوله فبريكة برا و جوا :) و خدت very good فى التقييم
صدقنى مهما كان الفنى اللى بيكشف على العربية ناصح برضو ممكن اى حاجة تعدى عليه لان دلوقتى الحاجة بتتصلح بمنتهى الاحترافية و استحالة تتكشف
هى هاتتكشف فى حالة واحدة بس ..... لو العربية اتخبطت تانى ساعتها الشغل اللى فيها هايبان :)
يا عم كريم اذا كانت العربية الزيرو بتكون مخبوطة و مرشوشة و اللى هايشتريها هايشربها
فى الاول و الاخر دة نصيب

عشان كده الواحد مابيحبش يشتري مستعمل في البلد دي :(((

الحل الوحيد ان الواحد يشتري العربيه من واحد معرفه سواء صاحبك او قريبك ويكون هو المالك الاول ليها غير كده ماتضمنش.
وربنا يكرم كل واحد عاوز يشتري عربيه جديده ويبعد عنه النصابين