اكسنت rb جابت فتيس بعد اول 100 كيلو و موقف غريب من التوكيل

[Samir Elshahawy]

على فكرة توكيل تويوتا كان بيغير الفتيس , لانة عارف ان المشكلة من الفتيس وبعدين معلش عيب فتيس التويوتا كان بيبان بعد مسافة مش اقل من 20000 كيلو فطبيعى مش هيغير عربية بس كانوا بيغيروا الفتيس على حسابهم وبدون دفع اى تكاليف ومحصلش مع واحد ولا اتنين لأ دة حصل مع كل مالكى الفتيس ال mmt

علي فكرة أنا كنت واحد من الناس اللي معاهم الكورولا ال أم أم تي و اتغير الفتيس بتاعها 3 مرات و برضه العربية كان فيها مشكلة و كانت عاملة 20000 كم و مارضوش يغيروا العربية

كمان الياريس رفضوا يغيروا المساعد اللي ورا لما أشتكيت منه و في اول صيانة بعد الضمان كتبوا تقرير أن المساعد يتغير هنا طلعت لهم أوامر الشغل القديمة كلها فرجعوا في كلامهم و غيروه علي حسابهم

تاني نقطة ..
أنا مش بادافع عن هيونداي و لا حاجة لأني مش شريك مع غبور و لكن مش هو لوحده اللي سئ

علي فكرة ..
نسيت أقول لك أني أول ما أشتغلت سنة 1995 أشتغلت في توكيل الفتوح للسيارات بالكيلو 32 و مش عايز اقولك المعاملة كانت أزاي و النصب هناك كان ازاي لدرجة أن اللي كان بيدخل التوكيل في أول صيانة بيبيع العربية بعدها و يجيب مرسيدس

[ابو ليلى]

الحمد والشكر لله يااحمد ان الموضوع خلص على خير
وده الاجراء الطبيعى اللى كان لاازم يتم
غيور مش هيخسر حاجه نهائى فى العربية هيبعت للشركة الام
ويركب فتيس جديد وضفيرة جديدة من الاستوك .
علشان كده على طول بنصح كل الناس اللى هتشترى عربية جديدة
حاول بقدر الامكان تاخر تراخيص العربية علشان
لو حاجه ظهرت لا قدر الله يكون فى مساحة للتبديل

تخيلو لو للحظة لو كانت العربية خليجى من غير ضمان .

[AHMEDCAR]

بس هيه الفكره ليه كل الناس بتقول لو كنت رخصت ماكنتش اخدت معاهم لا حق و لا باطل ايه السبب فى كده

ربنا يكون فى عونك يا ابو ليلى بجد ده انا يوم واحد و كنت على اعصابى مش عارف اقولك بجد غير ربنا معاك

[HOSSAM99]

بس هيه الفكره ليه كل الناس بتقول لو كنت رخصت ماكنتش اخدت معاهم لا حق و لا باطل ايه السبب فى كده

ربنا يكون فى عونك يا ابو ليلى بجد ده انا يوم واحد و كنت على اعصابى مش عارف اقولك بجد غير ربنا معاك

لا كنت هاتغير الفتيس في الضمان عادي
لكن سهولة التغير من صعوبته بيبقي علي حسب المهندس الفهلوي اللي بيحاول يوفر لغبور علي حساب العميل لكن ميغيرش دي مش بمزاجهم

[amr.elsayed]

الف مبروك يا استاذ احمد على العربية الجديدة والحمد لله ان العيب ظهر بدرى واتغيرت العربية بالكامل
...........
عندى سؤال بالنسبة للعربية القديمة اللى جايبة فتيس حيعملوا فيها ايه هل حيصلحوا الفتيس ويبيعوها مستعملة ؟
ولا لا قدر الله ممكن يستفادوا من جزئية انها لم ترخص ؟
وانا كلامى عموما كاى توكيل مش شرط غبور .. لو فى نفس الموقف حيكون تصرفهم ازاى

[me_medoo]

واللهِ يا أستاذ سميـر
مش عارف اقولك أيه ... كلامك مزبوط ... بس فعلاً زي ما قال سمسم ... عيوب التويوتا الي كانت بتبان بتبان بعد التلين بالف او الفين كيلوو هو الاصل انهم ياخدوا العربية ويدوك وحده تانية مش يصلحوها ولاد اللزينة ....

ܔ҉ೋܔ҉ೋ ܔ҉ೋܔ҉

بس تقول ايه أزمة ضميــــــــــر في البلد .بس صدقني عن تجربة عيوب التويوتا تعد على الصوابع ... ومتكررة ... بخلاف عربيات أخرى ... وكلوا في الاول والاخير فوق دماغ المواطن الغلبان .... الي مش عارف ياخود حق ولا باطل في البلد دي ... بس هنقول ايه غير الشكوى لرب العالميين

@@@@@@

وتقبلوا مروري وألف ألف مبروك على العربية الجديدة
ܔ҉ೋܔ҉ೋ ܔ҉ೋܔ҉ೋ

[Hosam_Optrawy]

مبروك العربيه الحمد لله عدت على خير

[AshTurbo]

بصراحة موقف محترم من التوكيل .

[alaamousa]

مبارك عليك ان شاء الله

[Samir Elshahawy]

واللهِ يا أستاذ سميـر

مش عارف اقولك أيه ... كلامك مزبوط ... بس فعلاً زي ما قال سمسم ... عيوب التويوتا الي كانت بتبان بتبان بعد التلين بالف او الفين كيلوو هو الاصل انهم ياخدوا العربية ويدوك وحده تانية مش يصلحوها ولاد اللزينة ....

ܔ҉ೋܔ҉ೋ ܔ҉ೋܔ҉

بس تقول ايه أزمة ضميــــــــــر في البلد .بس صدقني عن تجربة عيوب التويوتا تعد على الصوابع ... ومتكررة ... بخلاف عربيات أخرى ... وكلوا في الاول والاخير فوق دماغ المواطن الغلبان .... الي مش عارف ياخود حق ولا باطل في البلد دي ... بس هنقول ايه غير الشكوى لرب العالميين

@@@@@@

وتقبلوا مروري وألف ألف مبروك على العربية الجديدة
ܔ҉ೋܔ҉ೋ ܔ҉ೋܔ҉ೋ

أستاذ أحمد أنا هأحكي لك عن موقفين حصلوا معايا انا شخصيا في عربيتي الياريس و موقف حصل مع واحد جاري في عربيته الياريس برضه

العربية كانت موديل 2008 و طبعا الموديل ده برضوا ظهرت فيه عيوب في علبة الدريكسيون و المساعدين و تويوتا الام سحبت عدد كبير من العربيات في الاسواق العالمية ماعدا مصر اللي و لا حس و لا خبر

الموقف الاول :
بعد أستلام العربية لاحظت أن فيها حدفة شمال قولت يمكن الهواء في الكاوتش عايز تظبيط ظبطته و برضه مافيش فايدة المهم بعد 500 كم قررت أني أكشف علي الزوايا و فعلا طلع في عيب

قررت تأجيل الموضوع لحد ماروحت التوكيل في صيانة ال 1000 كم و بلغتهم بالعيب لكن العربية خرجت و لم يتم عمل أي شئ و فضلنا في الموال ده لحد ما العربية مرة أستعرضت و أنا بأضرب فرملة علي سرعة 60 كم/ساعة بسبب الموضوع ده و هنا ذهبت للتوكيل و بعت أيميل شديد اللهجة للشركة اللي جايبة العربية و حملهم مسئولية أي عواقب للموضوع ده
فعلا أهتموا (بعد 10000 كم) و كشفوا عليها في ابو رواش و أكتشفوا وجود ترحيل في المقص الشمال 2,5 سم نتيجة خبطة في الشاسيه أو عيب تصنيع المهم أن المقص اللي خرج كان سليم و مافيش فيه أي أثر لتجريح أو خبطات

طبعا رضيت بالحل اللي عملوه و هو أستعدال الشاسيه بزرجينة مع أضافة لينات

الموقف الثاني :
انا حكيته في مشاركة سابقة خاصة بالمساعد الخلفي

نيجي بقي لجاري اللي أستلم العربية و اول ماوصل بيها البيت ( العداد كان أقل من 100 كم) أتصل بيا و قالي أن عنده حدفة شمال في العربية و أنه لاحظ و جود فرق في المسافة مابين العجلة اليمين و الرفرف و العجلة الشمال و الرفرف
و فعلا نزلت و ذهبت اليه و قمنا بالقياس بالمسطرة لنكتشف الفاجعة
فرق برضه 2,5 سم
علي طول كلمنا التوكيل و بعدها راح لهم و قالوا له مانقدرش نعمل لها حاجة لأنك أكيد خبطت العربية في مطب أو في حاجة المهم هو صمم و ساب لهم العربية و مشي
تاني يوم ذهبت معاه و قابلت مهندسي الاستقبال اللي اول ماشافوني وشهم جاب ألوان و هددتهم أن لو العربية دي ما أتغيرتش هأشتكي في جهاز حماية المستهلك (مع العلم أن العربية كانت لسه مش معلقة نمر و لا رخصت) و هنا رفضوا و قالوا كل اللي نقدر نعمله اننا نعمل لها زرجينة
تخيل أنت توكيل محترم زي تويوتا يعمل زرجينة لأستعدال الشاسيه لعربية جديدة زيرو لسه ماعملتش 200 كم و لا علقت نمر
طبعا الموضوع كبر و أتصلت بأدارة العملاء و ردت عليا بعدها بيومين مهندسة أسمها هداية علي ما أذكر من فرع التجمع الخامس و طلبت مقابلتنا لكني كنت مشغول فجاري هو اللي راح بالعربية و قالي أنهم قعدوا 4 ساعات يفحصوا العربية و يطلعوا و ينزلوا و في النهاية لم يتوصلوا لشئ سوي أنهم حولوه لمركز العباسية
عايز أقولك بعد حوارات لمدة شهر العربية ما أترخصتش فيها و عملت 500 كم في مشاوير بين فروع التوكيل (من أبورواش للتجمع للعباسية لأبورواش تاني) صمموا علي عمل زرجينة و عدم أستبدال العربية و لكن بعد ضغطت طلبت و تهديد برفع قضية منهم مد فترة الضمان علي العربية كلها و أضافة بند بضمان عدم ظهور اي مشكلة في الزوايا خلال تلك الفترة ووافقوا

لي أيضا صديق داخ ياعيني علي توكيل أوكتافيا و بعت للشركة الام بره و الشركة لم تستجب له و حولت شكواه للتوكيل مرة أخري لدرجة أنه اتكلم في راديو مصر هو و 6 ملاك تانيين لنفس الموديل بنفس نوع الشكوي و في الاخر جهاز حماية المستهلك ألزم التوكيل بتغيير المواتير للعربيات السبعة

[fanky_fanky]

مبروك وموقف محترم من غبور .. ونتمني يكون هو ده مستوى الأداء دائماً في مصر ...

[M.Elgergawy]

على كده الواحد ياخد معاه ميكانيكي يكشف على العربية الجديدة !!
نظرا لعيوب الصناعة
وكمان سمكري للكشف على دهان العربية !!
لو اتخبطت اثناء النقل ولا حاجة زي ما بنسمع كدا

[ashouhdy]

والله توكيل محترم بجد انة يغير عربية وميقولش غير و اعمل تحية كبيرة

[Land_Cruiser]

الواحد اعصابه تعبت بعد قراءه اول سطرين تلاته من الموضوع بس ربنا ستر و النهايه كانت سعيده و الف مبروك و اهو كده العربيه القديمه خدت العين

[el_nahal2004]

مبروك العربية الجديدة
وبصراحة انا من الناس الى مشوفتش اى مشاكل مع غبور لغاية دلوقت الحمد الله