خبراء النترا

[karim3914]

السادة / خبراء النترا
ان شاء الله انا ناوى اجيب النترا 2012 اليومين دول (ده بعد صراع طويل مع الشارك)
الفئة اللى هاجبها هى أول فئة فى الاتوماتيك بس بجنوط سبور

استفساراتى كلاتى:

هل اختيارى للانترا مقارنة بالشارك يعتبر صح ولا غلط
هل اختيارى للفئة يعتبر صح ولا غلط (مع العلم بأن الفئة اللى فيها abs من غير جنوط) وناس كتير قالولى ان الجنوط اهم من ال ABS
ايه افضل لون تنصحونى بيه

اسنفسار اخير وهو ليه فى نفس الفئة دى ساعات الاقى مخرج ال يو اس بى فوق عند الكاسيت وساعات الاقيه تحت عند مخرج الكهربا

وشكرا

[Samir Elshahawy]

أن شاء الله أختيار موفق بس أحب اصحح لك معلومة :
أول فئة أوتوماتيك في الألنترا MD مافيهاش ABS

الفئة الثانية هي اللي بيكون فيها و ممكن تراجع الموضوع ده هتلاقي فيه توضيح لفئات الالنترا و الفروق بينها
http://www.nilemotors.net/Nile/28661...elantra-4.html
و تحديدا المشاركة رقم 1

أما بالنسبة لموضوع الجنوط مش مهم أوي أنا معايا العربية أول فئة أوتوماتيك بجنوطها الاصلية 15 و الحمد لله مريحاني و مش باواجه اي مشكلة سواء في الثبات أو الارتفاع عن الارض

[Kareem.ElAraby]

السلام عليكم
مبروك مقدما حضرتك
مين المبجل المحترم اللي قال لحضرتك الجنوط أهم من ال abs !!!!
حضرتك هات الفئه اللي فيها abs و لو كانت من غير كاوتشات ولا جنوط و مرفوعه علي قوالب طوب و هتجيب انت الكاوتشات من معاك !
فاكس فتحه سقف و فاكس جنوط و طبعا الاولويه لل abs
بخصوص الجنوط انت ممكن تبقي تجنط بعدين بره و جنوط أحلي 100 مره من الستوك بتوعها و لو اتزنقت أوي و عاوز الجنوط الاصليه هاتها استيراد من الحرفيين
و في الاول و في الاخر هي أراء و وجهات نظر ممكن نتفق فيها و ممكن نختلف
و بخصوص اللون انا بيعجبني أوي النبيتي (لون عربيتي بس انا الشكل اللي قبل الجديد) و الفيراني وهمي عليها و الكحلي درجته حلوه بردو

انزل لف لفه عند أوتو سمير ريان و المعارض الكبيره و شوف التوكيل و الاستلام في خلال قد ايه

[AoA]

بص هو حضرتك ال abs اهم بكتير طبعا
حتى لو مش محتاجه


لـــــــيــه؟

علشان انت ممكن تشترى جنوط وتركبه فى اى وقت
لكن ماينفعش بأى شكل من الأشكال انك تركب ال abs فيها بعد كده

اللون : بيختلف بإختلاف الاذواق
انا عن نفسى بحب الابيض وبعد كده النبيتى وبعد كده الأسود وبعد كده الفيرانى
يوم ما رحت احجز مالقتش ابيض ولا نبيتى فا جبتها سودااء

بالنسبه لحيرتك فى الاختيار
اصل انا كنت بقارن نفس مقارنتك بس اخترت الالنترا

بس انا رايي لو تعرف تنزل وتشوفهم فى المعارض
وتسأل حد مجربهم فعليا مش من على النت وتشوف اراء الناس فيهم
وتصلى استخاره

ربنا يوفقك لل فيه الخير

[karim3914]

reminder

[karim3914]

يا شباب محدش جاوبنى على التعليق ده

اسنفسار اخير وهو ليه فى نفس الفئة دى ساعات الاقى مخرج ال يو اس بى فوق عند الكاسيت وساعات الاقيه تحت عند مخرج الكهربا

[Samir Elshahawy]

يا شباب محدش جاوبنى على التعليق ده

اسنفسار اخير وهو ليه فى نفس الفئة دى ساعات الاقى مخرج ال يو اس بى فوق عند الكاسيت وساعات الاقيه تحت عند مخرج الكهربا

مافيش فرق غير في أختلاف نوع الكاسيت نفسه لكن هيا هيا نفس العربية
و علي فكرة مخرج ال يو أس بي اللي تحت بجانب الولاعة أفضل