إعـــــــلان

Collapse

.

,
See more
See less

اشتريت فيرنا زيرو يا رجالة

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    اشتريت فيرنا زيرو يا رجالة

    السلام عليكم
    الحمد لله اشتريت فيرنا زيرو فول اوبشن منوال من غبور
    واستلمت الجواب بعدها بيومين ورخصت تالت يوم لمدة 3 سنين

    واخدت العربية والعائلة وطلعنا علي العين السخنة يومين ورا بعض علي سرعة متنوعة لم تتعدى الــ100 كم علشان التليين لحد ما وصلنا لــ 600 كم لحد دلوقتى بفضل الله

    بس المشكلة ان الثبات فى الضياع على عكس الفيرنا القديمة اللى كانت معايا (يمكن عشان كانت موديل 2004 يعني تقفيل بلادها)

    المهم انا بفكر ازود الثبات بتاعها بانى اجيب جنوط مقاس 14 او 15 واجيب 4 فرد كوتش نضاف غير اللاسا اللي راكبين فيها

    عاوز استفيد من خبراتكم:
    1- هل مقاس الــ14" هيفرق فى الثبات والفرامل ولا ملوش لزمة و هيتعب العفشة ولا هيبقى تمام
    2- لو ركبت مقاس 15" ان شاء الله هيزود الثبات والفرامل بس علي حساب السحب والبنزين وكمان هيخلي العفشة ناشفة بس لو هيزود الثبات والفرامل يبقى مميزاته تقل من عيوبه.

    مستني ارائكم ويا سلام لو عن تجربة شخصية
    جزاكم الله خيراً
    اللهم إن ما بيٌ من نعمة او بأحد من خلقك فمنك انت وحدك لا شريك لك فلك الحمد والشكر علي ذلك يا رب العالمين
    الكلمات الدلالية (Tags): اشتريت, رجالة, زيرو, فيرنا, يا
  • #2
    الف مبروك يا باشا
    ربنا يباركلك فيها
    وراي تستني شوية علي الكاوتش الي فيها قبل التغير
    علشان لسه جديد وبعدين تعدل علشان الثبات
    مجرد راي بس
    بالتوفيق

    Comment

    • #3
      و عليكم السلام و رحمة الله و بركاته

      ألف مبروك و ربنا يبارك لك فيها
      حاول تجيب الجنط 15 و يكون ماركه محترمه و مشهورخ و بلاش صيني و تايلاندي و أندونيسي و الحاجات المضروبه دي و كاوتش نضيف يا ريت بريجستون
      بالتوفيق
      وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

      Comment

      • #4
        المشاركة الأصلية كتبت بواسطة s o p h o s مشاهدة المشاركة
        الف مبروك يا باشا
        ربنا يباركلك فيها
        وراي تستني شوية علي الكاوتش الي فيها قبل التغير
        علشان لسه جديد وبعدين تعدل علشان الثبات
        مجرد راي بس
        بالتوفيق
        الله يبارك فيك
        انا كنت عاوز اغير دلوقتى عشان ابقى ماشي مطمن شوية والكوتش اللي فيها دلوقتي لو هيجيب فلوس هبيعه ولو مش هيجيب يبقى هخزنه احسن

        المشاركة الأصلية كتبت بواسطة hossam99 مشاهدة المشاركة
        و عليكم السلام و رحمة الله و بركاته

        ألف مبروك و ربنا يبارك لك فيها
        حاول تجيب الجنط 15 و يكون ماركه محترمه و مشهورخ و بلاش صيني و تايلاندي و أندونيسي و الحاجات المضروبه دي و كاوتش نضيف يا ريت بريجستون
        بالتوفيق
        الله يبارك فيك
        كنت عاوز اعرف الـ15" اثاره السلبية ايه على العفشة وعلى الفرامل
        وبالنسبة للكوتش انا عاوز احسن حاجة تديني ثبات وفرامل ومش مهم الصوت او ناشفة او اي حاجة تانية المهم الــثبات والفــرامل بس.
        اللهم إن ما بيٌ من نعمة او بأحد من خلقك فمنك انت وحدك لا شريك لك فلك الحمد والشكر علي ذلك يا رب العالمين

        Comment

        • #5
          بالنسبه لل15 لو جيه بالأبعاد الصح و ماركه و وزن خفيف عمره ما هايأثر علي العفشه علشان هي بتنزل بيه أساسا
          و الكوتش تجيب بريدجستون ياباني
          وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

          Comment

          • #6
            الف مليون مبروووووووووك يا باشا
            ربنا يبارك لك فيها ان شاالله
            رأيي تستني شويه علي الكاوتش اللي فيها

            Comment

            • #7
              السلام عليكم
              الله يبارك فيكم يا رجالة
              زي ما شرحت لكم كل ما غيرت بدري بدري كل ما اطمنت بدري
              بالنسبة للجنط الــ15 ياريت حد يشرحلى الابعاد والوزن المناسب

              جزاكم الله كل خير
              اللهم إن ما بيٌ من نعمة او بأحد من خلقك فمنك انت وحدك لا شريك لك فلك الحمد والشكر علي ذلك يا رب العالمين

              Comment

              • #8
                اولا مبروك ياباشا

                انا ان شاء الله هستلم الفيرنا كمان يومين .. اللي انا اعرفه انك تقدر تركب جنوط 14 انما ال 15 كبير عليها وهيخليها تحك في المطبات .. انا سالت علي الحاجات دي كتير قبل ما اشتري ... وليا واحد صاحبي في غبور هو اللي قالي الموضوع ده .. هو صحيح في المبيعات بس عنده فكرة كبيرة بالحاجات دي .. قالي ان الجنط ال 15 هيخلي العجل يحك مع المطباط .. علشان كده ال 14 احسن لان الاوتوماتيك بتنزل بجنط 14 فابريكة وهي زي المانيوال ف لما بتركب 14 مش بتعتبر مركب جنط غير الفبريكة.


                سؤال بس سريع لحضرتك علشان انا هستلم وهرخص علي يوم الخميس بالكتير ان شاء الله
                عاوز اعرف الترخيص 3 سنين كلفك كام يامعلم .. والنبي ماتنساش ترد عليا .. 3 سنين للفيرنا ال 1600 كاملة هتكلفني كام

                ومبروك مرة تانية علي العربية

                Comment

                • #9
                  المشاركة الأصلية كتبت بواسطة fanky_fanky مشاهدة المشاركة
                  اولا مبروك ياباشا

                  انا ان شاء الله هستلم الفيرنا كمان يومين .. اللي انا اعرفه انك تقدر تركب جنوط 14 انما ال 15 كبير عليها وهيخليها تحك في المطبات .. انا سالت علي الحاجات دي كتير قبل ما اشتري ... وليا واحد صاحبي في غبور هو اللي قالي الموضوع ده .. هو صحيح في المبيعات بس عنده فكرة كبيرة بالحاجات دي .. قالي ان الجنط ال 15 هيخلي العجل يحك مع المطباط .. علشان كده ال 14 احسن لان الاوتوماتيك بتنزل بجنط 14 فابريكة وهي زي المانيوال ف لما بتركب 14 مش بتعتبر مركب جنط غير الفبريكة.


                  سؤال بس سريع لحضرتك علشان انا هستلم وهرخص علي يوم الخميس بالكتير ان شاء الله
                  عاوز اعرف الترخيص 3 سنين كلفك كام يامعلم .. والنبي ماتنساش ترد عليا .. 3 سنين للفيرنا ال 1600 كاملة هتكلفني كام

                  ومبروك مرة تانية علي العربية

                  والنبي ياجدعان حد يدر عليا طالما الصديق صاحب الموضوع نفضلي :( (بهرز طبعاً )

                  Comment

                  • #10
                    لو حابب تركب جنط 15 يبقا مقاس الكاوتش السليم عشان ميحكش معاك هيكون
                    195/50 r15
                    Ashraf_Ibrahim

                    Comment

                    • #11
                      ألف مبروك و ربنا يبارك لك فيها
                      [SIZE=4][COLOR=DarkGreen][SIZE=5][SIZE=4][COLOR=Blue][B]ما بين ميلاد رسول الله موسى وهلاك فرعون عشرات السنين . . يُمهل ولا يُهمل !![/B][/COLOR][/SIZE]
                      [/SIZE] [/COLOR][/SIZE]

                      Comment

                      • #12
                        الف مبروك و ربنا يباركلك فيها و يديك خيرها ان شاء الله. بس كان ليا سؤال عرض ال 2000 جنيه الخصم ده, كده سعرها 67750 ولا 69750 و شكرا

                        Comment

                        • #13
                          نصيحة لوجه الله بلاش تخلي العرض اعلي من 175 هتحك معاك في شفة الكارتيره انا جنط 14 وخليت المقاس 185/65/14 وللاسف بتحك في الشفه واضطريت اني اركب علايات للعربية علشان متحكش ونسبة الحك قلت بنسبة 80 %
                          [CENTER][SIZE=5][COLOR=DarkRed]Best Car[/COLOR][/SIZE]
                          [img3]http://www7.0zz0.com/2014/12/14/14/320011745.jpg[/img3]
                          [/CENTER]

                          Comment

                          • #14
                            المشاركة الأصلية كتبت بواسطة corsair مشاهدة المشاركة
                            نصيحة لوجه الله بلاش تخلي العرض اعلي من 175 هتحك معاك في شفة الكارتيره انا جنط 14 وخليت المقاس 185/65/14 وللاسف بتحك في الشفه واضطريت اني اركب علايات للعربية علشان متحكش ونسبة الحك قلت بنسبة 80 %
                            انت عربيتك موديل 2009 او قبل الموديل دا يا كروسير؟!
                            Ashraf_Ibrahim

                            Comment

                            • #15
                              المشاركة الأصلية كتبت بواسطة ashraf_ibrahim مشاهدة المشاركة
                              انت عربيتك موديل 2009 او قبل الموديل دا يا كروسير؟!
                              معتقدش ان غبور عدل حاجه في البودي بتاع العربية علشان كدا المشكله دي اكيد هتبقي موجوده في كل موديلات الفيرنا
                              [CENTER][SIZE=5][COLOR=DarkRed]Best Car[/COLOR][/SIZE]
                              [img3]http://www7.0zz0.com/2014/12/14/14/320011745.jpg[/img3]
                              [/CENTER]

                              Comment

                              السابق 1 2 template التالي
                              Working...
                              X