الماتريكس الخليجي خدت مطب طالع منها صوت غريب

[seri0us]

انا معايا ماتريكس خليجي عفشتها كانت بجد واااااااااااو اوي لحد ما خدت مطب على طريق المنصورة القاهرة ..
عوجلي جنطين !!! فروحت عند اشرفكو اللي كنت شاري من عنده الجنوط و استعدلهم تمام في المطرية

طبعا لما خدت المطبين لقيت رفه في العربية لكن العفشة زي الفل

المهم لقيت بقى بعد الاستعدال و الترصيص صوت بيجي في اول تجميع السرعه ما بين 40 و 60 كده ؟؟

صوت او رجه بتبان و ممكن تعمل زنة لو مفاتيح مش مظبوطه في حطتها

و بحس بيها في دواسة البنزين و بعدين تختفي !!!!

فهل ده مثلا بلي طنابير ؟؟؟ ولا كاوتش عاوز يتغير ؟؟ لان اشرفكو قالولي الفرد عاوزه تتغير خلال شهرين ؟؟

فمش عارف ابدأ بايه و اتاكد ازاي ؟؟؟؟؟

بالله عليكم رد سريع و مفيد و ما نتحرمش من افادتكم ليا و تجاوبكم معايا

و كل عام و انتم بخير و الى الله اقرررررررررررب

[seri0us]

انا حاسس كمان انها ماعدتش بتروح الرجة دي ؟؟

هي رجة كأن في حاجة مش مربوطة كأن حاجة بترف !!!!

محتار اوي !!!!!!!!!!!!!

[seri0us]

معقوووووووووله يكوووووون كاوتش جاب سلك ؟؟؟؟؟؟؟

[Samir Elshahawy]

ممكن تكون الرفة أو الاهتزازات نتيجة لحاجة من الاتي :
1- عدم أنتظام في شكل الطنابير بعد الاستعدال و تحتاج لظبط أو أعادة ترصيص
2- وجود أنتفاخ (بالونة) باحد الاطارات نتيجة للخبطة
3- حدوث تأكل زائد باحد الاطارات ناتج أيضا من الخبطة فيسبب تلك الاهتزازات

ده اللي فاكره لحد دلوقتي لكن ياريت لو تكشف علي الاطارات و الجنوط تاني عند حد كويس

[seri0us]

ممكن تكون الرفة أو الاهتزازات نتيجة لحاجة من الاتي :
1- عدم أنتظام في شكل الطنابير بعد الاستعدال و تحتاج لظبط أو أعادة ترصيص
2- وجود أنتفاخ (بالونة) باحد الاطارات نتيجة للخبطة
3- حدوث تأكل زائد باحد الاطارات ناتج أيضا من الخبطة فيسبب تلك الاهتزازات

ده اللي فاكره لحد دلوقتي لكن ياريت لو تكشف علي الاطارات و الجنوط تاني عند حد كويس

شكرا جزيلا لاهتمام حضرتك في الرد ...

و هعمل زي ما حضرتك قولت بالظبط و ربنا ييسر ان شاء الله

[Kareem Fawzy]

ربط عفشة بعد ما تعمل كل دة وقولنا اية الاخبار

[HOSSAM99]

خلي حد يكشف علي الكبالن الداخليه ممكن تكون أتلوحت لو سليمه يبقي غير الكاوتش و الجنوط

[seri0us]

ربط عفشة بعد ما تعمل كل دة وقولنا اية الاخبار

ان شاااااااااء الله و شكررررررا لافادتك

[seri0us]

خلي حد يكشف علي الكبالن الداخليه ممكن تكون أتلوحت لو سليمه يبقي غير الكاوتش و الجنوط

فعلا هبدأ بالعفشجي بتاعي و هو اللي يسوق ويقولي اذا كان في حاجة تخص العفشة او الكبالن الداخلية

او الطنابير .... و اذا اداني الاوك ان العفشة مافهاش مشاكل هبدأ في الكاوتش

شكررررررررررررا لاهتماااااااامك و افااااااادتك

[seri0us]

ربط عفشة بعد ما تعمل كل دة وقولنا اية الاخبار

العفشجي ساقها و قاللي ده مش كاوتش ولا جنط هو شاكك في عمود الاكس

او الكوبلن الداخلي بتاع العمود الطويل ... فقالي ممكن اظبطهم لك في المخرطة

بس انا قلتله لو محتاج جديد قولي اشتري و اريح نفسي ...

فهبدأ بعد العيد بقى علشان رمضان صعب بالنهار الوقفة

لكن استعدال الجنوط عند اشرفكو بالمكبس الهيدروليكي جاي تمام جدا جدا

و الحاج اشرف نفسه الشهاده لله عمل معايا واجب في 100ج نزلهم من الحساب

و عجبه اوي الموقع بتاع نايل موتورز و قريب هيسجل فيه و عاوز يجاوب على اي

استفسارات بخصوص الكاوتش او الجنوط .... مقابلتي معاه كانت محترمه و لذيذه

و هو بشوش جدا و راجل تجاري في معاملته ما شاء الله عليه ربنا يزيده و يبارك له

و شكرا لحضرتك على نصيحتك و توجيهك ليا و تعبتك معايا ...