هرش اجزاء كتيرة من العربية مع انها لسه مكملتش سنة

[aatif]

سلام عليكم على احلى رجالة
انا ناوى ارش العربية او اجزاء منها يعنى تلات ابواب ورفرف واكصدامين
هيا كلها حاجات عبيطة وخرابيش يدوب حته سمكرة صغيرة كده فى الباب الشمال ورا
المهم ان الناس كلها تقولى مترشش وسعرها هينزل ولسه جديدة وحسسونى انى هرتكب جريمة فى حق العربية
بس بصراحة انا ليا وجهة نظر تانية يعنى انا راكب زيرو وعاوز دايما شكلها يبقى حلو وكمان مأمن عليها وكله تبع التأمين ويدوب بدفع عشرة فى المية عشان بصلح فى مركز معتمد

انتو ايه رأيكم ارشها واستمتع بيها وتبقى وكأنها زيرو ولا اعمل زى الناس اللى يبقى خايف على سعر اعادة البيع والكلام ده مع ان انا متأكد ان اى حد فاهم وبص عليها هيعرف انها كانت مجرد رشة نضافة

ايه رأيكم؟؟؟

معلش نسيت اقولكم انها النترا 2012

[حماده المصري]

والله الاتجاهين صحيحين

انا عايز اقولك حاجه في ناس بتبقى معاها عريبات لو خدت خدش بسيط بس بترش لانها مش بتطيق منظر العربيه وهي مخدوشه دي اجدع ناس تاخد منها عربيات

انما عربيات الحوادث والكلام ده بيبقى باين انها عربيات تعبانه والبويه تعبانه وكله تعبان

انما انت هترش على نضافه خصوصا لو في مركز معتمد او توكيل

لما تيجي تبيع العربيه حاله العربيه عموما ترفعها بغض النظر عن موضوع الرش بشرط الرش يبقى نضيف

انما لو العربيه مش محتاجه تترش خرابسش بسيطه كبر دماغك مفيش مشكله

[mahmoud_afifi]

مفيش عربيه بتفضل زيرو في البلد دي. يعني لو رشيتها برضه هتتخربش (لا قدر الله)
سيبها زي ماهي بس مش عشان سعرها هينزل بس عشان ماحدش هيسيبهالك جديده :)

انا برضه عندي اكصدام عاوز يترش وكل ما انوي الاقي حد خدشها اقوم سايبها :)

[hanosh]

سلام عليكم على احلى رجالة
انا ناوى ارش العربية او اجزاء منها يعنى تلات ابواب ورفرف واكصدامين
هيا كلها حاجات عبيطة وخرابيش يدوب حته سمكرة صغيرة كده فى الباب الشمال ورا
المهم ان الناس كلها تقولى مترشش وسعرها هينزل ولسه جديدة وحسسونى انى هرتكب جريمة فى حق العربية
بس بصراحة انا ليا وجهة نظر تانية يعنى انا راكب زيرو وعاوز دايما شكلها يبقى حلو وكمان مأمن عليها وكله تبع التأمين ويدوب بدفع عشرة فى المية عشان بصلح فى مركز معتمد

انتو ايه رأيكم ارشها واستمتع بيها وتبقى وكأنها زيرو ولا اعمل زى الناس اللى يبقى خايف على سعر اعادة البيع والكلام ده مع ان انا متأكد ان اى حد فاهم وبص عليها هيعرف انها كانت مجرد رشة نضافة

ايه رأيكم؟؟؟

معلش نسيت اقولكم انها النترا 2012

السلام عليكم
فى البداية انا زيك ومش بستحمل حاجة على العربية ولما بيحصل حاجة فى العربية برشها بس فى التوكيل مش مركز معتمد علشان درجة اللون متختلفش بعد فترة وكمان الشغل نظيف جدا زى ما تكون طالعة زيرو
بس حضرتك متنساش انى التأمين مش بيغطى الخدوش وكده ولو نقرة بسيطة كمان مش بيغطيها لازم تكون خبطة
ثانيا : قسط التأمين حيزيد بصورة غبية تانى سنة لانك صلحت على حسابهم وده ثابت فى جميع شركات التأمين حتى ولو فيه معرفة
وربنا يعينك بقى

[toty_305]

السلام عليكم
فى البداية انا زيك ومش بستحمل حاجة على العربية ولما بيحصل حاجة فى العربية برشها بس فى التوكيل مش مركز معتمد علشان درجة اللون متختلفش بعد فترة وكمان الشغل نظيف جدا زى ما تكون طالعة زيرو
بس حضرتك متنساش انى التأمين مش بيغطى الخدوش وكده ولو نقرة بسيطة كمان مش بيغطيها لازم تكون خبطة
ثانيا : قسط التأمين حيزيد بصورة غبية تانى سنة لانك صلحت على حسابهم وده ثابت فى جميع شركات التأمين حتى ولو فيه معرفة
وربنا يعينك بقى

سؤال برئ عشان أنا ناوي ارش هو في فرق بين مركز رئيسي أو مركز معتمد في الرش

[hanosh]

[QUOTE=toty_305;3874448075]سؤال برئ عشان أنا ناوي ارش هو في فرق بين مركز رئيسي أو مركز معتمد في الرش [/QU
واللهى انت لو سألت حيفلولك انهم واحد بس للاسف مش واحد من ناحية المعدات وكمان الخبرة والصنايعى الممتاز وكمان تحديد درجة اللون بدقة حتى لو مر سنين بس حتلاقى سعر الوكيل ازيد حتة بسيطة علشان بيحطوا ضريبة مبيعات 10 فى المية
بس فى التوكيل بتبقى مطمن على العربية لانها بتبات فى مكان محترم ومش بتخرج بره التوكيل ابدا وشغل نظيف
اما الموزع المعتمد ممكن تتركن العربية بره وومكن يتعاملوا معاها بشئ من الاستهتار يعنى ممكن تلاقى خدوش حدثت اثناء بقائها هناك لانى الرش بياخد حسب الحالة وحسب الزحمة عندهم واقل مده بتكون من 3 ايام لاسبوع بتسيبها هناك
انا عن نفسى بفضل التوكيل عن الموزع المعتمد بس بكون مطمن على عربيتى

[aatif]

السلام عليكم
فى البداية انا زيك ومش بستحمل حاجة على العربية ولما بيحصل حاجة فى العربية برشها بس فى التوكيل مش مركز معتمد علشان درجة اللون متختلفش بعد فترة وكمان الشغل نظيف جدا زى ما تكون طالعة زيرو
بس حضرتك متنساش انى التأمين مش بيغطى الخدوش وكده ولو نقرة بسيطة كمان مش بيغطيها لازم تكون خبطة
ثانيا : قسط التأمين حيزيد بصورة غبية تانى سنة لانك صلحت على حسابهم وده ثابت فى جميع شركات التأمين حتى ولو فيه معرفة
وربنا يعينك بقى

والله مركز مودرن سيرفيس مريحنى جدا والتأمين بيتعامل معاه وبيعرفو يخلصولى موضوع الخدوش ده مع بعضهم كده بعيد عنى انا كل اللى بعمله بروح اسيب العربية وهما يتعاملو بعد ما اعمل الأخطار طبعا

وموضوع التأمين ده حوار تانى اصلا كان محيرنى يعنى ليه وليه ادفع 5 الاف جنيه السنة اللى فاتت يدوب اصرف منهم 800 جنية وادفع زيهم تانى السنة دى والظروف يعنى مش احسن حاجه فى الدنيا

فقررت انى مش هأمن معاهم تانى

[aatif]

سؤال برئ عشان أنا ناوي ارش هو في فرق بين مركز رئيسي أو مركز معتمد في الرش

بأمانة مفرقش معايا من ناحية العربية واصلا لو انت شايف اى حاجه فى العربية بيعملوهالك تانى مجانا
انا مشكلتى مع التوكيل بس انه بعيد وعشان ارجع بتاكسى للبيت واروح اخد العربية هدفع مبلغ كبير سبب اهبل بس اهو

[aatif]

مفيش عربيه بتفضل زيرو في البلد دي. يعني لو رشيتها برضه هتتخربش (لا قدر الله)
سيبها زي ماهي بس مش عشان سعرها هينزل بس عشان ماحدش هيسيبهالك جديده :)

انا برضه عندي اكصدام عاوز يترش وكل ما انوي الاقي حد خدشها اقوم سايبها :)

اه ماهو كله على التأمين وانا عاوز استفيد بفلوسى لأن قالولى شركة تأمين تكافلى وليك فلوس هترجعلك فى الأخر ولا شفت ابيض ولا اسود

[Ashraf_Ibrahim]

بص يا عزيزي
عربيتك موديل 2012 يعني انت مش ناوي تبيع دلوقتي خالص
صور عربيتك قبل ما تترش وخلاص على كدة
ورشها واستمتع بالتأمين وحافظ على عربيتك
وربنا يحفظهالك يا رب

[mahmoud_afifi]

اه ماهو كله على التأمين وانا عاوز استفيد بفلوسى لأن قالولى شركة تأمين تكافلى وليك فلوس هترجعلك فى الأخر ولا شفت ابيض ولا اسود

طب خليها دلوقتي تاخد العين وقبل السنه بتاعت التأمين ما تخلص روح رشها.

[BUNSH]

أنـــــــــــــا عندى كدة برضك !! شـــــــــــــــــووية خدوش على كدمـــــــــــــــــــــــــات وبعد نصيحة من الاخوة هـــــــــــــــــنا هــــــــــــــــاصبر وخليها تلم شــــــــــــــــوية :(

[drttemon]

والله نفس الحال كل ماجى ارش واحد يطلعلى يقلى سيبها هتنزل السعر بس انا عن نفسى اتقنعت لانى كل شويه بجراحها فقلت استنى سنه كدا اعمل شويه جروح نضيفه وبعدين ابقى ارش قبل التجديد بتاع الرخصه :-) واهو الواحد بيتعلم كل شويه حاجه جديده
انما بقى سعر العربيه انا مش عارف ايه علاقه الرش بالسعر الناس بتخوفنى وتقلى السعر هينزل والموضع هيخسر معاك بصراحه خفت اصلى جديد والغلم لسه شويه علىه :-)
وربنا يولى من يصلح هههههههههههههههههههههههههه