معدل الاستهلاك الحقيقى

[DEDOPETER]

هل فعلا معدل استهلاك الفيرنا 20لتر لكل 100كيلومتر ؟؟؟

[SAMEH_FOUAD]

لأ طبعا دة كدة كتييييييييييير جدا ال minimum بتاع الفيرنا 180 كيلو فى الصفيحة ( 20 لتر )

[Ashraf_Ibrahim]

اطلاقا يا عزيزي دا كدة يبقا انت ماشي في طريق زحمة جامد وواقف في اشارات كتير ومشغل التكييف
احسب معدل الاستهلاك على طريق سريع وبسرعة ثابتة 90/100 كم

[loshabih]

هل فعلا معدل استهلاك الفيرنا 20لتر لكل 100كيلومتر ؟؟؟

ليه هيا الفيرنا بتنزل بموتور بوجاتي ولا ايه..!!!!!!!!!

[حماده المصري]

مش فاهم انا حد قالك ان الفيرنا 8 سلندر

اقصى حاجه لما تكون 1600 واوتوماتك ومشغل التكييف وواقف في الزحمه 3 ساعات بمعنى الكلمه يادوب تدي اولاني وتقف تاني تعمل معاك 160 كيلو او 150 كيلو في 20 لتر

الطبيعي على الطريق امتيااااااااااز مش عايز اقولك انك لو فعلا مثبت 100 من غير تكييف او حتى بتكييف هتاخد استهلاك يعجبك

[mpop]

طيب انا في وسط البلد ساعات بشغل التكييف وساعات لا .. بتعمل في الحدود دي 100 120 كيلو في ال 20 لتر .. ولو ده استهلاك عالي اعمل ايه ؟

[Ashraf_Ibrahim]

عربيتك عاملة كام كم؟!
لو اقل من 5000 كم يبقا دا طبيعي

[elbeheri]

الصفيحة 230 كم ما بين طرق سريعة ووسط المدينة

[mpop]

عاملة 9200 كيلو ..

[DEDOPETER]

مع احترامى لكل الأراء السابقه ... هو ده المكتوب بمواصفات الفيرنا2012 على كونتكت كار..ممكن تشوفوا بنفسكم

[Ashraf_Ibrahim]

عاملة 9200 كيلو ..

لا كدة يبقا استهلاكها عالي فعلا
خليهم يحطوهالك على الكومبيوتر ويظبطوها يشوفوا ايه المشكلة تحديدا !

مع احترامى لكل الأراء السابقه ... هو ده المكتوب بمواصفات الفيرنا2012 على كونتكت كار..ممكن تشوفوا بنفسكم

يا عزيزي كونتاكت كار يكتب اللي يحبه
انا بتكلم عن استهلاك عربيتي وهي فيرنا زيها زي أي فيرنا
انا سافرت اسكندرية ولفيت هناك ما بين العجمي ومحرم بيك وكدة ورجعت القاهرة كل دا بتفويلة بنزين ! ورجعت واللمبة منورتش كمان
يعني تقريبا مشيت ما يعادل 600 كم بالتكييف بسرعات تدرجت من 100 ل 180 ونقدر نقول متوسط سرعة 120 كل دا ب 45 ليتر تقريبا
يعني تقريبا استهلاكها
100 كم / 7.5 ليتر -ودي تجربة انا عملتها بنفسي -
هو الرقم خزعبلي شوية بس دي تجربة عملية بحتة !