الحمدلله استلمت فرنا فيفا سوداء

[kind]

انا مستلم العربية من شهرين نص كماليات لكن موضوع ارتفاع الحرارة مش موجود والسحب ممتاز والكاسيت رودستار متركب فى غبور وفصل بعد اسبوع لكن الراديو شغال ........ عموما عربية جميلة جدا .... عندى سؤال العربية الفيفا النص كماليات سعرها كام الان ؟؟؟

64.5 أو 65

حضرتك عملت ايه فى صيانة الالف

[arch_peter]

باركولى وادعولى يا جماعه انا استملت العربيه امبارح والحمد لله هيا عربيه جميله طبعا انا مش هوضح هيا مميزاتها ايه دلوقتى لان الموضوع قتل بحثا من الاخوه قبل كده وهما ادرى منى بصراحه انا اول مره اسوق عربيات حديثه وناعمه قبل كده كانت كلها عربيات قديمه ومستعمله
العربيه مشيت بيها مشوار واحد بس مفيش اى مشاكل غير 3 حاجات
اولا: العربيه بتسخن مش بتسخن بتولع بتلسع لما اجى افتح الكبوت ومش عارف من ايه ده هوا مشوار واحد
ثانيا: الانوار اللى فى السقف جوه بتاعت الصالون مش بتشتغل فيها اون واوف بس مش شغاله ياترى في حاجه ولا انا مش عارف اشغلها ولا ايه
ثالثا: الكاسيت مش شغال ينور بس لا راديو ولا شريط بيشتغل

على فكره العربيه فل اوبشن مانيوال والكاوتش اللى نازله بيه اسمه باور ياترى ده حلو ولا ايه؟

ياريت اخواتى اللى عندهم فيفا يساعدونى ويعرفونى بعد التليين او الالف كيلو هعمل ايه ولو عندهم نصايح يقولوها وربنا يخليكو ليا يارب

الف مبروك العربية فعلا جميلة ومتحملة جدا وبنزينها مش هاتحس بيه
تعالى نتكلم فى التلات نقط اللى انت قلقان منهم
1 - حتة ان الكبوت يكون سخن ده طبيعى جدا خصوصا بعد المشاوير على طول او اثنائها وخصوصا وان اللون اسود زى حالاتى وهو لون بيسخن الصاج جدا - ولكن ماتقلقش لان العربية نفسها حرارتها بتكون عادية جدا وطبيعية ( حرارة الموتور يعنى)
2 - الانوار شغالة اكيد بس هى ليها ترتيب تشغيل معين يستحسن ترجع له فى الكتاب بتاع العربية لانى مش هاعرف اشرحه هنا لكن انا متاكد انها هاتكون شغالة
3 - نقطة الكاسيت دى ماقدرش افتى فيها - بس يستحسن برضه تقرى الكتاب بتاعها يمكن يفيدك اكتر
4 - اعتقد مش فارقة الكاوتش
بعد التليين او الالف كيلو ممكن تزود الار بى ام عن 3 ( ولو ان ده يحرق بنزين اكتر ) لكن دى طريقتك انت فى السواقة وبراحتك وممكن كمان بعد التليين تشغل التكييف الفظيع بتاعها ( قوى جدااااااااااااااااااااااااااااااااااا ) وماتحسش بتقل فى العربية او حاجة ماشاء الله
نقطة اخيرة مهمة انت بتحط بنزين كام؟؟ عن تجربة يستحسن 92 مش بيخليها تصقف خالص لكن ال 90 لو ماظبطتش النقلات صح ممكن تسقف على خفيف

[kind]

الف مبروك العربية فعلا جميلة ومتحملة جدا وبنزينها مش هاتحس بيه
تعالى نتكلم فى التلات نقط اللى انت قلقان منهم
1 - حتة ان الكبوت يكون سخن ده طبيعى جدا خصوصا بعد المشاوير على طول او اثنائها وخصوصا وان اللون اسود زى حالاتى وهو لون بيسخن الصاج جدا - ولكن ماتقلقش لان العربية نفسها حرارتها بتكون عادية جدا وطبيعية ( حرارة الموتور يعنى)
2 - الانوار شغالة اكيد بس هى ليها ترتيب تشغيل معين يستحسن ترجع له فى الكتاب بتاع العربية لانى مش هاعرف اشرحه هنا لكن انا متاكد انها هاتكون شغالة
3 - نقطة الكاسيت دى ماقدرش افتى فيها - بس يستحسن برضه تقرى الكتاب بتاعها يمكن يفيدك اكتر
4 - اعتقد مش فارقة الكاوتش
بعد التليين او الالف كيلو ممكن تزود الار بى ام عن 3 ( ولو ان ده يحرق بنزين اكتر ) لكن دى طريقتك انت فى السواقة وبراحتك وممكن كمان بعد التليين تشغل التكييف الفظيع بتاعها ( قوى جدااااااااااااااااااااااااااااااااااا ) وماتحسش بتقل فى العربية او حاجة ماشاء الله
نقطة اخيرة مهمة انت بتحط بنزين كام؟؟ عن تجربة يستحسن 92 مش بيخليها تصقف خالص لكن ال 90 لو ماظبطتش النقلات صح ممكن تسقف على خفيف

انا شفت الزيت وتقريبا زى ما حضرتك بتقول عشان اللون فعلا دى حاجه

الانوار والكاسيت تمام كان فيوز مفصول

بالنسبه للبنزين انا بحط 90 ومش بتسقف معايا نهائى عشان انا مش بشد ولابسحب وسواقتى هاديه جدا

ان شاء الله هشغل التكييف بعد التليين وانا عارف انه ممتاز

بس ياريت حضرتك تقولى اعمل ايه يعد الالف عشان انا مش هروح غبور يعنى لما اعملها بره اعمل ايه

وكمان ياريت حضرتك توضحلى هيا الكامله بتنزل سنتر وانذار ولا سنتر بس

وشكرا انا تعبك معايا بجد

[smsmbakr]

الف مبروووووووووووووك

[kind]

محدش عاوز يقولى اعمل ايه فى صيانه الالف عشان انا هعملها بره مش عند غبور

حد يقولى يا جماعه

[Mzeid]

1000 1000 مبروك ..
و ربنا يعطيك خيرها و يكفي عنك و عنها أي شر و يحفظهالك و يبارك لك فيها إن شاء الله ..
و حافظ عليها ..
:):)

[bishoo33]

مبروك
الفيفا سيارة حلوه واللون الأسود فيها جميل جدا نوبيرا على صغير
ربنا يكفيك شرها ويديك خيرها

[kind]

ربنا يكرمكو يا جماعه ويخليكو

بس ياريت حد يقولى اعمل ايه فى صيانة الالف عشان هعملها بره التوكيل

ولازم اربط العفشه ولا عادى ؟

[loai-omar]

1000 مبروك ..

ربنا يعطيك خيرها و يكفي عنك و عنها أي شر و يحفظهالك

[Eng.Mina]

مساء الخير يا استاذ kind اولا الف الف مبروك علي العربية وربنا يحافظلك عليها انا حبيت اجاوبك بخصوص صيانة الالف بص ياسيدي اللي بيحصل بالظبط انك بتحجز ميعاد للصيانة في ابو رواش او قليوب وتروح علي ميعادك ويستحسن لو قبله اول ماتوصل تقابل مهندس من مهندسين الصيانة حايسألك اذا كان العربية فيها حاجة (ودي اهم نقطة) لو انت حاسس ان في عربيتك اي عيب انت مش شايفه طبيعي لازم تقوله عليه وماتطلعش من التوكيل الا لما العيب ده يتصلح وبعدين المهندس حايسألك تغير الزيت بشل اللي بيعد 5000 وللا اللي بيعد 10000 طبعا من كتر الكلام في موضوع الزيوت ده انصحك تحط اللي بيعد 10000 و كمان حايغيرولك الفلتر بالنسبة الزيت والفلتر انا كنت لسه مغيرهم من شهر من بره التوكيل كان زيت شل تمنه 225 جنيه والفلتر تمنه 30 جنيه بس دلوقتي انا مش عارف سعر الزيت والفلتر بالظبط لاني انا عملت صيانة الالف عندي من سنة تقريبا في التوكيل عموما ده كل اللي بيحصل في صيانة الالف وطبعا المشكلة في التوكيل الملل الفظيع اللي بتحس بيه من انتظار اكتر من 5 ساعات علشان يغيرولك زيت وفلتر
اتمني اني اكون افدتك والف مبروك

[kind]

مساء الخير يا استاذ kind اولا الف الف مبروك علي العربية وربنا يحافظلك عليها انا حبيت اجاوبك بخصوص صيانة الالف بص ياسيدي اللي بيحصل بالظبط انك بتحجز ميعاد للصيانة في ابو رواش او قليوب وتروح علي ميعادك ويستحسن لو قبله اول ماتوصل تقابل مهندس من مهندسين الصيانة حايسألك اذا كان العربية فيها حاجة (ودي اهم نقطة) لو انت حاسس ان في عربيتك اي عيب انت مش شايفه طبيعي لازم تقوله عليه وماتطلعش من التوكيل الا لما العيب ده يتصلح وبعدين المهندس حايسألك تغير الزيت بشل اللي بيعد 5000 وللا اللي بيعد 10000 طبعا من كتر الكلام في موضوع الزيوت ده انصحك تحط اللي بيعد 10000 و كمان حايغيرولك الفلتر بالنسبة الزيت والفلتر انا كنت لسه مغيرهم من شهر من بره التوكيل كان زيت شل تمنه 225 جنيه والفلتر تمنه 30 جنيه بس دلوقتي انا مش عارف سعر الزيت والفلتر بالظبط لاني انا عملت صيانة الالف عندي من سنة تقريبا في التوكيل عموما ده كل اللي بيحصل في صيانة الالف وطبعا المشكلة في التوكيل الملل الفظيع اللي بتحس بيه من انتظار اكتر من 5 ساعات علشان يغيرولك زيت وفلتر

الف شكر ياباشا بس بالنسبه لموضوع تغيير الزيوت والفلاتر ده مفيش مشكله انا فاهمه

كنت بس عاوز اسأل هل لازم العفشه تتربط بعد الالف كيلو ولا ده مش ضرورى.

[Eng.Mina]

العفو ياباشا انت تأمر بالنسبة للعفشة صدقني انا مش عارف هما عملوا ايه بالظبط لان يومها العربية اتأخرت جامد جدا في الورشة وعملنا مليون خناقة عموما مش حاتخسر حاجة لما تخلي حد شاطر يتمملك عليها بس انا زي ماقلتلك اهم حاجة في صيانة الالف ان العربية لو فيها اي عيب مهما كان صغير لازم تقول عليه في صيانة الالف علشان يظبطوه وكمان انا كنت عايز اقلك علي حاجة في الفيرنا المصري زي اللي معايا فيها عيب ان الكنبة اللي ورا لو ركب فيها شخص واحد العربية بتحك في المطبات بطريقة غبية وفي المنتدي هنا كان في ناس قالولي انهم غيروا علبة الشكمان في التوكيل تبع الضمان (ببلاش يعني ) فانت تبقي جرب الموضوع ده وشوف العربية ايه نظامها وعلي فكرة انا عملت صيانة الالف في التوكيل وبعد كده ماعتبتوش تاني لانه كان يوم ممل جدا ومقرف لاقصي درجة وفي اهمال جامد جدا من المهندسين والعاملين اللي في التوكيل
بس دلوقتي في حاجة انا افتكرتها انك في صيانة الالف دي بتختم الكتاب بتاع الصيانة من عندهم (الكتاب الصغير اللي مكتوب عليه كتيب الخدمة والضمان) علشان يحددولك نوع الضمان بتاعك اذا كان بالكيلومترات وللا بالسنين متهيألي انك لازم تروح صيانة الالف علشان تحدد نوع ضمانك يعني حاول لو تقدر تروح صيانة الالف علشان تظبط موضوع الضمان ده وبعدين ابقي نفضلهم

[kind]

العفو ياباشا انت تأمر بالنسبة للعفشة صدقني انا مش عارف هما عملوا ايه بالظبط لان يومها العربية اتأخرت جامد جدا في الورشة وعملنا مليون خناقة عموما مش حاتخسر حاجة لما تخلي حد شاطر يتمملك عليها بس انا زي ماقلتلك اهم حاجة في صيانة الالف ان العربية لو فيها اي عيب مهما كان صغير لازم تقول عليه في صيانة الالف علشان يظبطوه وكمان انا كنت عايز اقلك علي حاجة في الفيرنا المصري زي اللي معايا فيها عيب ان الكنبة اللي ورا لو ركب فيها شخص واحد العربية بتحك في المطبات بطريقة غبية وفي المنتدي هنا كان في ناس قالولي انهم غيروا علبة الشكمان في التوكيل تبع الضمان (ببلاش يعني ) فانت تبقي جرب الموضوع ده وشوف العربية ايه نظامها وعلي فكرة انا عملت صيانة الالف في التوكيل وبعد كده ماعتبتوش تاني لانه كان يوم ممل جدا ومقرف لاقصي درجة وفي اهمال جامد جدا من المهندسين والعاملين اللي في التوكيل
بس دلوقتي في حاجة انا افتكرتها انك في صيانة الالف دي بتختم الكتاب بتاع الصيانة من عندهم (الكتاب الصغير اللي مكتوب عليه كتيب الخدمة والضمان) علشان يحددولك نوع الضمان بتاعك اذا كان بالكيلومترات وللا بالسنين متهيألي انك لازم تروح صيانة الالف علشان تحدد نوع ضمانك يعني حاول لو تقدر تروح صيانة الالف علشان تظبط موضوع الضمان ده وبعدين ابقي نفضلهم

مهوا ده السبب انى انا مش عاوز اروح التوكيل وده اللى خايف منه
بالنسبه لموضوع الحكه انا اسمع ان الفيفا عاليه عن الارض بس برده هجرب واقولك
وبالنسبه لختم كتب الضمان كده انا هروح بقى وامرى لله
والف شكر بجد انا تاعبك معايا

[ows212]

10000 مبرووووك

[Eng.Mina]

العفو يا kind ومعلش تعالي علي نفسك هو حايبقي يوم رخم وطويل بس اهم حاجة انك تدعي ان العربية تطلع سليمة من عندهم لانك هناك حاتشوف العجب ناس بتزعق وناس بتتخانق بس المهم بص علي العربية كويس قبل ماتطلع من عندهم وتمم عليها كويس وعلشان تبقي في الامان خللي معاك رقم الباشمهندس عاطف عبد السلام علشان لاقدر الله لو حصل اي حاجة يبقي ليك واسطة تخلصلك الموضوع (0126778884)الراجل مشكور بيخدم علي اد مابيقدر وحل مشاكل لكذا عضو في المنتدي وبرده اسأل اذا كان ممكن تحدد الضمان من غير ماتروحلهم في صيانة الالف ولو اني ماظنش ان ده ممكن يحصل بس اسأل برده علشان تبعد عن موال التوكيل ده لان الواحد بصراحة بيخاف يوديلهم العربية سليمة تطلع من عندهم فيها حاجات بايظة