دعوة لنجوم هيونداي لأفطار المنتدي

[Samir Elshahawy]

الأخوة و الأخوات الكرام / نجوم هيونداي

كل عام و حضراتكم بخير
و رمضان كريم

كما عودنا منتدي نايل موتورز كل عام أن نتجمع خلال شهر رمضان الكريم و نلتقي معا علي وجبة الأفطار كي تزداد أواصر الصداقة و المحبة بين أعضائه الذين يجمعهم هدف واحد و هواية واحدة مشتركة تحولت مع الوقت من مجرد لقاء لمنتدي سيارات الي لقاءات اجتماعية عائلية

لذا أدعوكم الي المشاركة في لقاء الافطار هذا العام و أن نتشرف بحضوركم جميعا و أرجو أن تكون نجوم هيونداي ساطعة هذا العام في لقاء الافطار

الرابط التالي به تفاصيل الموضوع و تفاصيل الحجز :

http://www.nilemotors.net/Nile/300736-2012-6.html

كما أن هذا الموضوع سيكون ايضا للحجز بافطار المنتدي فمن يرغب في المشاركة عليه أن يسجل اسمه و عدد الافراد هنا أو في رابط الموضوع الاصلي

مكان المقابلة :

مطعم و كافيه "باين" بالحديقة الدولية
الموعد : الجمعة 3/8/2012 قبل الافطار

[Samir Elshahawy]

مرة اخري رابط الموضوع الاصلي مع أقتباس للمشارك التي بها تفاصيل اللقاء و تحويل مبلغ الحجز :

http://www.nilemotors.net/Nile/300736-2012-5.html

[frame="2 80"]



تم الاتفاق مع مطعم باين داخل الحديقة الدولية بمدينة نصر
الافطار هايكون اوبن بوفيه وبه 3 انواع بروتين
نوع شوربه او اثنان
مشروب رمضاني للافطار
سلطات
محاشي
حلو بعد الافطار
قيمة حضور الفرد ان شاء الله 80 جنيه فقط :-)
خلاص خلاص محدش يبوس ولا يحضن احنا في رمضان :-)
ما تتخيلوش اسعار السنادي عاملة ازاي وتاخدو بيها ايه
كلها معدي ال 100 مستريح وتاخد كلام فاضي واصناف تعبانة
الميزة في المطعم انه مطعم وكافية
مساحتة كبيرة جوة الحديقة الدولية
مكيف طبعا
وليه مساحة خضراء خاصة بيه ده غير مساحة الحديقة الدولية نفسها
للاسف للاسف المطعم فيه شيشة (سامحني يا رب) وان شاء الله هاحاول مخليهوش ينزل منها
طبعا في مسجد كبير للصلاة
مساحة للاطفال وفي تقريبا العاب داخل الحديقة الدولية يقدرو يستخدموها بسهولة لكن بمقابل
تقدر تسيب عربيتك برة وتدخل على رجلك الفرد ب 2 جنيه
او تدخل بعربيتك وتدفعلها 3 جنيه وتركنها جنب المطعم
اي طلبات بعد ذلك هاتتم بشيك منفصل
وسعر الطلب زي اي كافية برة اعتقد في رينج ال 10 جنيه
محدش يقولي الميزانية وبتاع مفيش عرض احسن من كدة بقي
ده فاضل اجيبلكم كنافة بالمانجة (محدش يجيبلي سيرتها)
اهم ما في الموضوع
تفاوضات حتي النخاع اننا نجيب المية بتاعتنا من برة :-) لانننا هانتحول لسفنج يابس طبعا :-)
ونجحت في التفاوض والحمد لله
خلاص محدش يبوس انتو عرقانين :-)

شكرا جزيلا لاحمد مصطفي لانه اللي عرفنا بالمكان وكان واسطة مع استاذ ايهاب صاحب المكان انه يعمل احسن عرض لنايل موتورز
وطبعا الحاج احمد مشعل كان صاحب وصاية جامدة في الموضوع
في انتظاركم ان شاء الله واللي هايجي لازم ياكد الحجز بتحويل المبلغ مقدما
[/frame]


رقم الحساب :
[frame="2 80"]

736-10029904283-96
كريم سراج منير
nsgb (البنك الاهلي جنرال سوسيتيه)


[/frame]

[Kareem Fawzy]

نتمنى نشوف جميع اعضاء هيونداى فى الفطار ان شاء الله

[Samir Elshahawy]

هو مافيش حد من النجوم ناوي ييجي مقابلة أفطار المنتدي و لا أيه ؟

[Samah AbdAllah]

ايه ده
مفيش غير سمير وكريم من هيونداى ؟؟؟
لا كده مش حلو فى حقكم خالص
فين الناس :-)
انت خطفتهم يا كريم ولا ايه :-)

[Ashraf_Ibrahim]

:D
بتوزعوا عربيات هناك طيب :D
لو فيه عربيات اان راشق بس تكون مدفوعة الضريبة كمان :lol:

[Kareem.ElAraby]

انا مش هينفع أجي مع الاسف

[Ashraf_Ibrahim]

ليه ياض؟!

[Samah AbdAllah]

عنده اسبيشيال اوردر :-)

[AshTurbo]

أنا مسافر حالياً وبتمنى للجميع صوماً مقبولاً وأفطاراً شهياً ومقابلة تكون متميزة كالعادة مع تحياتي للجميع .

[Samir Elshahawy]

يا جماعة ياريت اللي هايحضروا الافطار يسجلوا أسمائهم هنا أو بالموضوع الرئيسي علي العام علشان نلحق نحجز غدا أن شاء الله

طبعا اللي هاييجي بعد الافطار ان شاء الله مافيش مشكلة بدون حجز و بنحاول حاليا نلغي الحد الادني للمشروبات

و كل عام و حضراتكم بخير

[BUNSH]

كـــــــــان نفــــــــسى اكون معاكوااا بس للأسف خميس / جمعة / سبت (معــــــــــــــزوم)
تعــــــــــوض مرة تانية