مشكلة فى فيرنا اوتوماتيك 2007

[incredible]

السلام عليكم يا جماعة
العربية شاريها مستعملة من حوالى اسبوع..مغيرتش فيها حاجة وكانت ماشية زى الفل انهاردة ركنتها ورجعتلها لقيتها مبتتحركش من مكانها مع العلم انها دارت وكنت بفرجها لواحد وشغلت التكييف وكان شغال وزى الفل فجأة قطع والعربية متحركتش..جبنا ميكانيكى وشخص الموضوع انه من طرمبة البنزين مش عارف بقى تتنضف ولا تتغير..هل الكلام دا صح؟؟..ولو مش صح يبقى العيب منين مع العلم انى بحطلها بنزين 92 ومش عارف الكائن الحى اللى قبلى كان بيحطلها ايه..ادونى خبرتكو بقى يا ايها الوحوش عشان اعرف اعمل ايــــــــــــــــــــــه

[muhammed essa]

بص يا باشا افتح كونتاكت وشيل خرطوم البنزين من عند فلتر البنزين اللى فى صدر العربيه
لو ضغط البنزين كويس يبقى الطرمبه تمام
لوضعيف اومفيش بنزين ممكن تغير الموتور فقط بتاع الطرمبه
ماتور الطرمبه تقريباً من 120:250ويصل الي 550 في التوكيل
موفق ان شاء الله