استفسار ضرورى من خبراء الفيرنا

[mina_888]

اولا بشكر المنتدى الرائع دا و كل خبرائه
ثانيا : انا معايا فيرنا زيرو عامله 250 كم لسه و كان فى كام ملاحظه كدا عاوز رأيكم

1- العربيه بتمسك حراره و مبتنزلش بسهوله حتى لو بطلت ساعه او اكتر
2- بشم ريحه شياط كدا مش عارف مصدرها ايه
3- عاوز اعرف احسن نوع زيت اغيره على صيانه 1000 كم و افضل مكان اعمل فيه صيانه و اسألهم على ايه فى الصيانه لانى غالبا مش هكمل فى التوكيل

[Ashraf_Ibrahim]

* دا طبعي في مواتير هيونداي
العربية مبتبردش بسرعة بس دا متقلقش منه ما دام مؤشر الحرارة بتاعك مظبوط لا تقلق
* العربية لسة متحركتش فالشياط دا مش دليل على حاجة وبرده طبيعي لا تقلق
* صيانة الألف سيانة مجانية يبقا تعملها في التوكيل
اعملها في توكيل قليوب وتابع العربية بورقة وقلم وشوف ايه ملاحظاتك عليها واكتبها اول بأول عشان متنساش حاجة ويعملوهالك كلها في الصيانة ان شاء الله
اما عن الزيت فالتوكيل بيحط شيل -لو هتحط شيل حط شيل هيليكس الترا - ودا 10000 كم
وهتلاقي انواع تانية زي فالفولين وليكوي مولي وكاسترول وفيسكو وحجات كتيرة
انا عن نفسي بحط كاسترول ايدج ودا بيمشي 15000 كم او سنة ايهما أقرب

وربنا يحفظهالك ويديلك خيرها ويحميك من شرها
اللهم امين

[Samir Elshahawy]

أولا .. ألف مبروك علي العربية و ربنا يعطيك خيرها و يكفيك شرها

ثانيا.. بالنسبة لصيانة ال 1000 كم بتكون مجانية و لو حضرتك من سكان مصر الجديدة او مدينة نصر او قريب منهما أنصحك بالصيانة في مركز خدمة هيونداي الجديد بالعبور - أول طريق الاسماعيلية

و ياريت تخلي معاك ورقة و قلم أو بلوك نوت صغير و تكتب كل ملاحظاتك عن العربية أولا باول و لما تروح التوكيل قولهم عليها

و مرحبا بك معنا .. نجما جديدا من نجوم هيونداي

[m7mda7md]

مبروك يا باشا.....اتأكد ان فرامل اليد بتنزل لﻵخر و انت ماشي عشان الموضوع ده حصل معايا بردو لما كانت العربيه جديده....انصحك تحط زيت ليكوي مولي توب تك بيمشي 12000

[mina_888]

شكرا جدا لاهتمامكم الكبير اللى اتعودت عليه من يوم ما شفت المنتدى دا
طب انا من سكان المنصوره و عاوز اعرف افضل و اقرب فرع لتوكيل هيونداى منى
كمان كنت عاوز استفسر عن الزيت
ينفع احط زيت عادى 5000 فى اول صيانه و بعد كدا ابقا احط زيوت تخليقيه زى كاسترول ايدج بعد كدا ولا دا غلط ؟

[Ashraf_Ibrahim]

مركز الخدمة الالكترونية

شارع المدينة المنورة، مدينة الزهراء - المنصورة
Tel.: 0502240958 - 0105146854


مفيش اي مشكلة لو حطيت لمرة واحدة زيت 5000 كم بس متزودش عن كدة