حد معاه فيرنا 1600 اوتوماتيك ؟ برجاء المساعدة

[MITSUKERO]

السلام عليكم

امبارح اخويا كلمني قالي انه قدامه عربية فيرنا 1600 موديل 2010 كاملة اوتوماتيك و هو نفسه يشتريها لانه تعب جدا من العربية اللي معاه (معاه لادا) و عايز عربية يكون فيها تكييف و ياريت اوتوماتيك

السؤال بقي

هل الفتيس بتاع الفيرنا الاوتوماتيك كويس ؟ هل فيه شكوي منه ؟ هل بيعيش ولا بيحتاج يتغير كل فتره ؟

ياريت تساعدوني لان العربية اللي قدام اخويا دي عليها اقساط و هو هيكمل بدل صاحب العربية و هيزنق نفسه جدا فمش عايزة يلبس في عربية فيها مشاكل

شكرا ليكم

[mody_elmasry]

بص يا سيدي انا هقولك علي معلومه ممكن تفيدك في الموضوع ده.

موتور الفيرنا ال 1600 هو هو موتور الماتريكس والجيتس يعني اكيد الفتيس الاوتو ماتيك هيبقي نفس الفتيس ومظنش ان فيه حد اشتكي من فتيس الجيتس او الماتريكس الاتوماتيك قبل كده واعتقد ان الماتريكس عربيه كويسه وعليها اقبال في البيع والشراء.

لعلي اكون افادتك وربنا يوفقك للاختيار السليم وعموما هي الفيرنا عربيه كويسه وقطع غيارها متوفره ورخيصه وبعدين ديه تعتبر لسه زيرو 2010

[amrelsaqqa]

كريم باشا :) ;)
فتيس الفيرنا الاوتو هو نفسه بتاع الماتريكس والجيتز و الالنترا الشيب القديم
وهو فتيس محترم وكويس جدا ، اهم حاجة يكشف على العربية كويس قبل ما يخلص فيها وياريت في التوكيل وصدقنى مش خسارة 250 جنيه ، احسن بكتير من انك تلبس العربية ويكون فيها حاجة جامدة لا قدر الله ، الكشف بيشمل كل مسمار في العربية وحالة كل جزء فيها من حيث الشاسيه والبودى بالكامل والموتور والفتيس والات الجر والعفشة والتكييف والكهربا + تجربة قيادة من الفنى

[verna2008auto]

معايا فيرنا 2008 اوتو .. والحمد لله تمام التمام
شرط بالنسبة للفتيس ( تغيير الزيت ) كل 40.000 مع الفلتر
بالتوفيق

[mazeen]

لو العربيه سليمه من كل النواحى توكل على الله وما تقلقش من الاوتوماتيك فى الفيرنا خالص

[shisho117]

نفس الشيء هنا انا امتلكت 3 عربيات فيرنا اتوماتيك 2007 و 2010 و 2012 والحمد لله مفيهاش مشاكل في الفتيس, واللي يخليك مطمن اكتر انشاء الله ان الفتيس كله استيراد بيعمل من 1200 ل 1500 جنية لو حالته كالزيرو, بس اهم شيء انك تكشف اول علي العربية كويس وبالتوفيق انشاء الله

[HOSSAM99]

الأعضاء الكرام ذكرو كل شئ
بالإضافه إلي التأكيد علي الكشف في التوكيل و مراجعة ما تم للعربيه من صيانه لكن تأكد في التوكيل علي إن العربيه تخش الهياكل علشان كشف الشاسيه و البودي لأن الكشف اللي بـ210 جنيه كشف ميكانيكا و كهربا و عفشه فقط و لازم تطلب دخول العربيه الهياكل

[hany63]

لو نفس البارت نمبر بتاع الماتريكس يبقى زي الفل

[MITSUKERO]

كريم باشا :) ;)
فتيس الفيرنا الاوتو هو نفسه بتاع الماتريكس والجيتز و الالنترا الشيب القديم
وهو فتيس محترم وكويس جدا ، اهم حاجة يكشف على العربية كويس قبل ما يخلص فيها وياريت في التوكيل وصدقنى مش خسارة 250 جنيه ، احسن بكتير من انك تلبس العربية ويكون فيها حاجة جامدة لا قدر الله ، الكشف بيشمل كل مسمار في العربية وحالة كل جزء فيها من حيث الشاسيه والبودى بالكامل والموتور والفتيس والات الجر والعفشة والتكييف والكهربا + تجربة قيادة من الفنى

عمرو باشا

ايه الصدف دي ههههههه

فعلا انا قولتله مش هنخلص في العربية غير لما نكشف عليها في التوكيل و العربية طلعت 2011 مش 2010

انت هتجيب فيرنا يا عمرو خلاص ؟ علي فكره انا سألت كذا ميكانيكي قالولي اعطال الفيرنا اقل من اعطال الانوس بس الاتنين تقريبا زي بعض في المجمل

ابقي طمني

[MITSUKERO]

شكرا لكل الناس اللي ردت و بجد الواحد كده اطمن و ربنا يسهل و نخلص في العربية دي احسن اخويا قرب يتسلق في الادا

[amrelsaqqa]

عمرو باشا

ايه الصدف دي ههههههه

فعلا انا قولتله مش هنخلص في العربية غير لما نكشف عليها في التوكيل و العربية طلعت 2011 مش 2010

انت هتجيب فيرنا يا عمرو خلاص ؟ علي فكره انا سألت كذا ميكانيكي قالولي اعطال الفيرنا اقل من اعطال الانوس بس الاتنين تقريبا زي بعض في المجمل

ابقي طمني

شفت بقى يا كريم
مصر كلها اوضة وصالة هههههه
انا ان شاء الله هجيب فيرنا ، ما تنساناش بقى لو قدامك حاجة موديل 2007 مثلا 1600 ماانوال لوكانت نضيفة وكاملة وكيلو متر معقول

[MITSUKERO]

شفت بقى يا كريم
مصر كلها اوضة وصالة هههههه
انا ان شاء الله هجيب فيرنا ، ما تنساناش بقى لو قدامك حاجة موديل 2007 مثلا 1600 ماانوال لوكانت نضيفة وكاملة وكيلو متر معقول

حاضر يا باشا اول ما حاجة تيجي قدامي هقولك عليها

انت هتبيع البيجو ؟

[amrelsaqqa]

حاضر يا باشا اول ما حاجة تيجي قدامي هقولك عليها

انت هتبيع البيجو ؟

بعتها خلاص من زمان