Tweet
اسمحولي ابدا اولا بتقيمي البسيط للماتريكس:
بالنسبه للشكل الخارجي بصراحه مكنتش حبه بس مع مرور الوقت وتكرار رؤيتي للعربيه كتير في الشوارع كنت بستغرب في ايه في العربيه دي مخليه الناس تحبها بالشكل ده وفضولي خلاني اسئل ناس كتير عليها وكلهم شكرو فيها جدا وسمحتلي الفرصه اني اركبها في كذا معرض ومعرفش ليه ارتحتلها اوي بس الراحه في ركوب العربيه وهي جديده في معرض عمره ما يكون مقياس حقيقي ...ومن هنا بدئت احاول اعرف كل كبيره وصغيره عن العربيه دي سواء ممميزات او عيوب من خلال ملاك العربيه ومن خلال منتدانا الرائع واللي قبلتني بصديقي العزيز احمد عبدالله ومبخلش عليا باي معلومه حتي تجربه السياره ومن خلال تجربه قيادتها ارتحت اكتر وزاد اقتناعي بيها ومن هنا استخرت الله علي شرائها وقد تم بحمد الله...
بالنسبه لمميزات العربيه من وجهي نظري:
1.وضعيه قياده جميله جدا ومريحه.
2.وضعيه العدادات في المنتصف عجباني جدا وخصوصا انه مخلي المؤشرات الخاصه بحاله العربيه امامك خلف الطاره بشكل منفصل ودي شايفها ميزه خصوصا باليل لانها غير مضيئه في الظروف الطبيعه ولكن عند حدوث خلل يظهر الضوء الاحمر الخاص بهذا الخلل بشكل منفصل وملفت جدا للنظر.
3.الباور ناعم ومريح وسلس
4.المريات الجانبيه كبيره وده مخليني كاشف الطريق اللي ورايا بشكل كبير جدا
5.السي دي اللي عندي جميل جدا به وصله usb و aux وده مخليني مستغني خالص عن cd وكل اللي بحب اسمعه بسمعه من خلال فلاشه او mp3.
6.كل اللي قعدو معايا في العربيه سواء اهلي او اصدقائي شكرو اوي في راحه الجلوس وخصوصا اللي قاعدين ورا واكدو الاتساع الملحوظ بالخلف.
7.كثره اماكن التخزين والصواني الخلفيه في قمه الشياكه والعمليه.
8.فكره الكنبه الخلفيه المتحركه لي الا مام والخلف والتحكم في اتساع الشنطه من خلال طي الكنبه كلها او جزء منها عمليه جدا.
9.وجود عازل في الكبوت جيد.
10.الموتور ناعم وسحبه جيد والدبرياج مش تقيل.
11.كل الكماليات الاساسيه متوفره(الباور -التكيف-السنتر-الانذار-مرايات كهربه-الزجاج الكهربائي بالامام والخلف-الفوجات-حامل الاكواب بالامام والخلف-والمخرج الكهربائي في الامام)
12.وبصاحه انا شايف الباكتيات الجلد في جنبي السياره والاكصدمات شكلها جميل والي حد ما بتحمي الابواب والاكصدمات من التجريح.
13.اكصدمات الاماميه والخلفيه اشعر مجرد شعور ليس عن تجربه حقيقيه انها عمليه.
من الحاجات اللي شايفه ميزه وعيب في نفس الوقت عدم رؤيه الكبوت اسناء السير
يعني اخري المساحات مش اكتر من كدا....
الميزه مدي الرؤيه المريحه والممتعه بحس اني كاشف الطريق وملكه كويس.
العيب في ركن السياره في مكان ضيق او لو عاوز تاخد غرز علي سرعات لو مش حافظ ابعاد العربيه بشكل كويس اوي هتسببلك مشاكل ده مجرد رائ.
ايضا من الحاجات اللي شايفها ميزه وعيب خاصيه الغلق الاتوماتيكي....
الميزه ان الابواب بتكون محكمه الغلق وبتكون مطمن وخصوصا الظاهره المنتشره اليومين دول انك ممكن تلاقي واحد فتح باب عربيتك وريركب جنبك ويقوم معاك بالواجب وحصلت مع والد صديق ليا وهو مهدي في اشاره تخيل....
العيب انك لو نسيت ونزلت من العربيه وهيا دايره والازاز مرفوع عشان تعمل اي حاجه العربيه بتقفل من نفسها تاني ......واكيد انت عارف الباقي فلازم تكون منتبه جدا للموضوع ده وخصوصا لو مركب وحده رفع.
من الحاجات اللي بالنسبه ليا تقدريها مقبول مش اكتر:
1.التقفيل التركي.
2.فرامل العربيه.
3.الخامات المستخدمه في صالون العربيه.
4.الاضائه سواء الواطي او العالي.
5.العزل جوه الكابينه بس بصراحه صوت الموتور عجبني.
6.اسعار قطع الغيار.
7.دهان السياره.
بالنسبه للعيوب الملحوظه حتي الان:
1.الغيار العكسي سئ جدا وممكن عشان اخد المارشدير احاول كذا مره .
2.صاج العربيه ضعيف شانه شان كثير من السيارات الحديثه.
3.العفشه نشفه بشكل ملحوظ واعتقد انها هتلين بعد فتره من الاستخدام.
4.العفشه محتاجه تربيط ومتابعه واعتقد السبب في كدا العيب رقم 3
5.موضوع الزوايا معتقدتش ان في حد لم يشتكي من موضوع الزوايا من اول استلامي للسياره والعربيه بتحدف يمين وحتي بعد الصيانه.
6.سماعات العربيه مش حلوه.
7.الشئ الغريب بسمع صوت النقلات(زي صوت تكه)في كل نقله.
8.صوت مكنه الزجاج الكهربا عالي.
9.بستغرب ان العربيه مفيهاش غير مروحه تبريد واحده بس مع ان اللي اعرفه ان بيكون في مروحتين تبريد واحده مع الموتور والتانيه لما التكيف بيشتغل وياريت لو المعلومه دي غلط حد يصلحالي.
10.اللي انا شايفه عيب ومش من الرفاهيه بل شئ مهم عدم وجود استوب لايت خلفي.
11.ايضا من الاشياء اللي بعتبرها عيب مقاس العجل ان شايف ان حجمها ده غير مناسب و اقل شي يركب عليه جنط 15 ان لم يكن 16 ده مجرد راي.
12.عوامل الامان المسلوبه من هذه السياره زي الايرباج وabs وabd و esp واللي بفضل هذه الامكانيات اخذت السياره 4 نجوم من خمسه في يورو ان كاب والشي الوحيد اللي لسه محتفظه بيه القضبان الفولاذيه بالابواب وما بين غرفه المحرك والكابينه.
13.اسوء عيب للعربيه دي دون منازع الوكيل بتاعها واكيد عارفين ليه.
في ناس كتير اشتكت من جهاز الانذار انا حتي الان مش شايف منه اي مشكله والجهاز شغال زي الفل مع العلم ان اللي عرفته ان الجهاز والريموت اللي معايا غير اللي الناس بتشتكي منه ...تقريبا غيروه بواحد احسن شويه.
موضوع الثبات مش هقدر اتكلم فيه دلواقتي عشان فتره التلين لم اتجاوز سرعه 90كم .
((بالنسبه لاستهلاك البنزين عملت معايا 425 كم 28لتر))بس .......:
*السرعه لم تتجاوز 90كم .
*بالنسبه لتجميع السرعات بخلي العربيه تاخد رحتها وتشيل نفسها.
*rbm لم يتجاوز 3000 دوره في الدقيقه.
*معظم الكيلوات دي كانت سفر.
*استخدامي للفرامل هادئ ولم الجا للتوقف الصعب الا نادرا جدا.
كدا تقريبا اتكلمت في كل حاجه عن العربيه ولو في اي حاجه كنت نسيها وافتكرتها انشاء الله هذكرها.
نيجي بقي للتقيم عن الوكيل (ايتامكو)غبور:
سمعت شكاوي كتير وتقيمات كتير من الاخوه الافاضل عن مراكز خدمه غبور ووصل الموضوع لدرجه المطالبه بمقاطعه منتجات هيونداي من الاصل من كتر ما الناس غلبت في التوكيل ده ومش شايفين معاه حل تاني غير كدا....
بالنسبه ليا فعلا اللي سمع غير اللي شاف وانا سمعت وبعدين شوفت ويارتني ماشوفت....المهم:
عرفت من احد اصدقائي ان الحجز قبل الصيانه باسبوعين علي الاقل ده لفرع ابو رواش لكثره الزحام وقولت هحاول اظبط نفسي علي موضوع الاسبوعين ده وفعلا اتصلت بيهم علي الرقم المختصر وفوجئت انهم بيدوني ميعاد بعد يومين وبصراحه مكنتش مصدق واخذت ميعاد الحجز كان يوم 22/6 الساعه الواحده والنصف ظهرا وكان يوم الاحد وبالفعل كنت علي البوابه الخاصه بالمركز في الموعد المحدد بالظبط واليكم الاتي:
كان رقم حجزي 143 قلي عامل الامن انت مع المهندس فلان اركن العربيه في اي يمين وادخل اسئل عليه وفعلا عملت كدا وقبلت المهندس وجه عاين العربيه وسئلني في اي شكوي قولته ايوه وكانت الشكوه الفتيس الغيار العكسي وظبط الزوايا قلي لو هتظبط زوايا العربيه هتتاخر عشان مفيش غير جهاز واحد بس قولتو يعني هستلم العربيه امتي قلي الساعه السادسه والنصف مساءا
قولته حضرتك دي صيانه الالف يعني فلتر وتغير زيت وتربيط عفشه قلي بس ظبط الزوايه هياخر العربيه
قولت مش مهم اهو يوم وهيعدي ...قعدت مستني في الاستراحه شويه ونزلت المعرض شويه ولفيت شويه لحد الساعه السادسه ورحت الاستقبال اشوف العربيه
علي فكره المهندس كان مديني رقم تليفونه واتصلت بيه كذا مره وبصراحه متاخرش عليا في اي مساعده بس كم العربيات والبشر كان رهيب لدرجه اني كنت حاسس ان مفيش عربيات في مصر غير هيونداي بس وكمان ده مركز الخدمه الوحيد من كتر الزحمه.
المهم لما وصلت عند الاستقبال سمعت العجب كم من الخناقات والمشاكل بين العملاء ومهندسين الاستقبال حسسني اني في موقف ميكروباص بس بصراحه بردو كان المهندسين بمديرهم في منتهي الذوق وحسيت اد ايه هما عاجزين .
والغريب ان التاخير مش في الصيانه بس لا ده كمان في دفع الفاتوره والجميل ايضا ان كان في ناس من الساعه 10 صباحا لم يستلمو سيارتهم حتي الساعه السابعه مساء .
بالنسبه ليا مع اني رايح بعد ناس بس عربيتي خلصت في ميعاده ولقتهم بيندهو عليا مجرد نداء بان سيارتي انتهت من الصيانه والتوجه لدفع الفاتوره وقعدت مستني ساعه لحد ما جه دوري بس في الساعه دي معظم اللي خرجو قبلي بعربيتهم رجعم تاني بيشتكو ان عربياتهم فيها نفس العيب اللي اتو بيه ولم يتغير شي بدء الفار يلعب ويعمل شغل معايا ولقيت الناس خرجت عن شعوره وكان هتوصل للضرب والشتايم بصراحه معذورين بعد كل هذا الانتظار والعربيه زي ماهيا والجميل ان مدير الورشه بيرمي العيب علي مهندس الاستقبال والعكس... ياجدعان والله مولد وصاحبه غايب
جه دوري دفعت الفاتوره واستلمت كتيب الضمان ومدير الاستقبال كتبي الصيانه في الفتر بدون اي اختام او امضائات مش المهم........ز
المهم لما خلصت الفاتوره وروحت علشان استلم المفتاح من مكتب الجوده عشان استلم العربيه قولت لنفسي ابص علي العربيه الاول قبل ماستلم المفتاح من باب الاحتياط ولقيت المفاجاءه الكبيره لقيت الاكصام الامامي من الناحيه اليمين واخد حكه فوق فانوس الشبوره وتقشير في الاكصدام اسفل الفانوس الكبير
ولم اتمالك نفسي وذهبت الي مدير الاستقبال وصوتي كان لسه هيعلي والغلط هيشتغل اخدني ميرالاستقبال علي جنب وقعد يهدي فيا بشكل صعب عليا فيه وخصوصا اني شايف كم الاهانات اللي اخدها من الناس اللي قبلي وطيت صوتي وقلي اايه الي حصل بالظبط فكيت ليه اللي شوفته وقولته لو سمحت تعالي معايا شوف اللي حصل فقلي:
انا مصدق كلامك ومضالي علي بيان الصيانه بعمل اللزم ومن غير ما يشوف حاجه قولته يافندم بعد اذنك ياريت تبعت معايا مهندس يعاين اللي حصل ويكتب تقرير
وفعلا بعت معايا مهندس شاف اللي حصل وكتب تقرير علي نفس بيان الاصلاح ومضي عليه وقلي في وقت حضرتك تشرفنا واحنا هنرجعها زي الاول واحسن
وهو والمدير كررو اسفهم كتير وبصراحه ذوقهم احرجني جدا
الملخص عن التوكيل من وجه نظري:
انا شايف المهندسين شغلين زي النمل ومن الاستراحه العلويه كذلك الفنيين يس المشكله الاساسيه عدم النظام والهمجيه عشان تحقيق الربح المبالغ فيه المركز بيقبل اي عدد من السيارات حتي السيارات اللي مش حاجزه...
بمعني اخر لو المهندسين اللي شغالين والفنيين دول من كوريا نفسها مع الكم الهائل من السيارات اللي بيقبلوها كل يوم دون حساب او دراسه ضربين بعرض الحائط سعه المركز وعدد العاملين وقدرتهم اكيد المركز هيقع وهتكون الصيانات كلها اي كلام غير محكمه او مرضيه مهما كانت الكفائات اللي شغاله...
لكن لو في نظام والمركز بيقبل عدد محدود حسب سعه المركز سواء مكان للسيارت او عدد العاملين وقدراتهم هتكون النتيجه افضل بكتير ومرضيه جدا
بس اكيد لا حياه لمن تنادي عشان احنا اكيد في *********ام الدنيا
انا اسف جد علي الاطاله ياخواتي الاعزاء
تامر عابد
بالنسبه للشكل الخارجي بصراحه مكنتش حبه بس مع مرور الوقت وتكرار رؤيتي للعربيه كتير في الشوارع كنت بستغرب في ايه في العربيه دي مخليه الناس تحبها بالشكل ده وفضولي خلاني اسئل ناس كتير عليها وكلهم شكرو فيها جدا وسمحتلي الفرصه اني اركبها في كذا معرض ومعرفش ليه ارتحتلها اوي بس الراحه في ركوب العربيه وهي جديده في معرض عمره ما يكون مقياس حقيقي ...ومن هنا بدئت احاول اعرف كل كبيره وصغيره عن العربيه دي سواء ممميزات او عيوب من خلال ملاك العربيه ومن خلال منتدانا الرائع واللي قبلتني بصديقي العزيز احمد عبدالله ومبخلش عليا باي معلومه حتي تجربه السياره ومن خلال تجربه قيادتها ارتحت اكتر وزاد اقتناعي بيها ومن هنا استخرت الله علي شرائها وقد تم بحمد الله...
بالنسبه لمميزات العربيه من وجهي نظري:
1.وضعيه قياده جميله جدا ومريحه.
2.وضعيه العدادات في المنتصف عجباني جدا وخصوصا انه مخلي المؤشرات الخاصه بحاله العربيه امامك خلف الطاره بشكل منفصل ودي شايفها ميزه خصوصا باليل لانها غير مضيئه في الظروف الطبيعه ولكن عند حدوث خلل يظهر الضوء الاحمر الخاص بهذا الخلل بشكل منفصل وملفت جدا للنظر.
3.الباور ناعم ومريح وسلس
4.المريات الجانبيه كبيره وده مخليني كاشف الطريق اللي ورايا بشكل كبير جدا
5.السي دي اللي عندي جميل جدا به وصله usb و aux وده مخليني مستغني خالص عن cd وكل اللي بحب اسمعه بسمعه من خلال فلاشه او mp3.
6.كل اللي قعدو معايا في العربيه سواء اهلي او اصدقائي شكرو اوي في راحه الجلوس وخصوصا اللي قاعدين ورا واكدو الاتساع الملحوظ بالخلف.
7.كثره اماكن التخزين والصواني الخلفيه في قمه الشياكه والعمليه.
8.فكره الكنبه الخلفيه المتحركه لي الا مام والخلف والتحكم في اتساع الشنطه من خلال طي الكنبه كلها او جزء منها عمليه جدا.
9.وجود عازل في الكبوت جيد.
10.الموتور ناعم وسحبه جيد والدبرياج مش تقيل.
11.كل الكماليات الاساسيه متوفره(الباور -التكيف-السنتر-الانذار-مرايات كهربه-الزجاج الكهربائي بالامام والخلف-الفوجات-حامل الاكواب بالامام والخلف-والمخرج الكهربائي في الامام)
12.وبصاحه انا شايف الباكتيات الجلد في جنبي السياره والاكصدمات شكلها جميل والي حد ما بتحمي الابواب والاكصدمات من التجريح.
13.اكصدمات الاماميه والخلفيه اشعر مجرد شعور ليس عن تجربه حقيقيه انها عمليه.
من الحاجات اللي شايفه ميزه وعيب في نفس الوقت عدم رؤيه الكبوت اسناء السير
يعني اخري المساحات مش اكتر من كدا....
الميزه مدي الرؤيه المريحه والممتعه بحس اني كاشف الطريق وملكه كويس.
العيب في ركن السياره في مكان ضيق او لو عاوز تاخد غرز علي سرعات لو مش حافظ ابعاد العربيه بشكل كويس اوي هتسببلك مشاكل ده مجرد رائ.
ايضا من الحاجات اللي شايفها ميزه وعيب خاصيه الغلق الاتوماتيكي....
الميزه ان الابواب بتكون محكمه الغلق وبتكون مطمن وخصوصا الظاهره المنتشره اليومين دول انك ممكن تلاقي واحد فتح باب عربيتك وريركب جنبك ويقوم معاك بالواجب وحصلت مع والد صديق ليا وهو مهدي في اشاره تخيل....
العيب انك لو نسيت ونزلت من العربيه وهيا دايره والازاز مرفوع عشان تعمل اي حاجه العربيه بتقفل من نفسها تاني ......واكيد انت عارف الباقي فلازم تكون منتبه جدا للموضوع ده وخصوصا لو مركب وحده رفع.
من الحاجات اللي بالنسبه ليا تقدريها مقبول مش اكتر:
1.التقفيل التركي.
2.فرامل العربيه.
3.الخامات المستخدمه في صالون العربيه.
4.الاضائه سواء الواطي او العالي.
5.العزل جوه الكابينه بس بصراحه صوت الموتور عجبني.
6.اسعار قطع الغيار.
7.دهان السياره.
بالنسبه للعيوب الملحوظه حتي الان:
1.الغيار العكسي سئ جدا وممكن عشان اخد المارشدير احاول كذا مره .
2.صاج العربيه ضعيف شانه شان كثير من السيارات الحديثه.
3.العفشه نشفه بشكل ملحوظ واعتقد انها هتلين بعد فتره من الاستخدام.
4.العفشه محتاجه تربيط ومتابعه واعتقد السبب في كدا العيب رقم 3
5.موضوع الزوايا معتقدتش ان في حد لم يشتكي من موضوع الزوايا من اول استلامي للسياره والعربيه بتحدف يمين وحتي بعد الصيانه.
6.سماعات العربيه مش حلوه.
7.الشئ الغريب بسمع صوت النقلات(زي صوت تكه)في كل نقله.
8.صوت مكنه الزجاج الكهربا عالي.
9.بستغرب ان العربيه مفيهاش غير مروحه تبريد واحده بس مع ان اللي اعرفه ان بيكون في مروحتين تبريد واحده مع الموتور والتانيه لما التكيف بيشتغل وياريت لو المعلومه دي غلط حد يصلحالي.
10.اللي انا شايفه عيب ومش من الرفاهيه بل شئ مهم عدم وجود استوب لايت خلفي.
11.ايضا من الاشياء اللي بعتبرها عيب مقاس العجل ان شايف ان حجمها ده غير مناسب و اقل شي يركب عليه جنط 15 ان لم يكن 16 ده مجرد راي.
12.عوامل الامان المسلوبه من هذه السياره زي الايرباج وabs وabd و esp واللي بفضل هذه الامكانيات اخذت السياره 4 نجوم من خمسه في يورو ان كاب والشي الوحيد اللي لسه محتفظه بيه القضبان الفولاذيه بالابواب وما بين غرفه المحرك والكابينه.
13.اسوء عيب للعربيه دي دون منازع الوكيل بتاعها واكيد عارفين ليه.
في ناس كتير اشتكت من جهاز الانذار انا حتي الان مش شايف منه اي مشكله والجهاز شغال زي الفل مع العلم ان اللي عرفته ان الجهاز والريموت اللي معايا غير اللي الناس بتشتكي منه ...تقريبا غيروه بواحد احسن شويه.
موضوع الثبات مش هقدر اتكلم فيه دلواقتي عشان فتره التلين لم اتجاوز سرعه 90كم .
((بالنسبه لاستهلاك البنزين عملت معايا 425 كم 28لتر))بس .......:
*السرعه لم تتجاوز 90كم .
*بالنسبه لتجميع السرعات بخلي العربيه تاخد رحتها وتشيل نفسها.
*rbm لم يتجاوز 3000 دوره في الدقيقه.
*معظم الكيلوات دي كانت سفر.
*استخدامي للفرامل هادئ ولم الجا للتوقف الصعب الا نادرا جدا.
كدا تقريبا اتكلمت في كل حاجه عن العربيه ولو في اي حاجه كنت نسيها وافتكرتها انشاء الله هذكرها.
نيجي بقي للتقيم عن الوكيل (ايتامكو)غبور:
سمعت شكاوي كتير وتقيمات كتير من الاخوه الافاضل عن مراكز خدمه غبور ووصل الموضوع لدرجه المطالبه بمقاطعه منتجات هيونداي من الاصل من كتر ما الناس غلبت في التوكيل ده ومش شايفين معاه حل تاني غير كدا....
بالنسبه ليا فعلا اللي سمع غير اللي شاف وانا سمعت وبعدين شوفت ويارتني ماشوفت....المهم:
عرفت من احد اصدقائي ان الحجز قبل الصيانه باسبوعين علي الاقل ده لفرع ابو رواش لكثره الزحام وقولت هحاول اظبط نفسي علي موضوع الاسبوعين ده وفعلا اتصلت بيهم علي الرقم المختصر وفوجئت انهم بيدوني ميعاد بعد يومين وبصراحه مكنتش مصدق واخذت ميعاد الحجز كان يوم 22/6 الساعه الواحده والنصف ظهرا وكان يوم الاحد وبالفعل كنت علي البوابه الخاصه بالمركز في الموعد المحدد بالظبط واليكم الاتي:
كان رقم حجزي 143 قلي عامل الامن انت مع المهندس فلان اركن العربيه في اي يمين وادخل اسئل عليه وفعلا عملت كدا وقبلت المهندس وجه عاين العربيه وسئلني في اي شكوي قولته ايوه وكانت الشكوه الفتيس الغيار العكسي وظبط الزوايا قلي لو هتظبط زوايا العربيه هتتاخر عشان مفيش غير جهاز واحد بس قولتو يعني هستلم العربيه امتي قلي الساعه السادسه والنصف مساءا
قولته حضرتك دي صيانه الالف يعني فلتر وتغير زيت وتربيط عفشه قلي بس ظبط الزوايه هياخر العربيهقولت مش مهم اهو يوم وهيعدي ...قعدت مستني في الاستراحه شويه ونزلت المعرض شويه ولفيت شويه لحد الساعه السادسه ورحت الاستقبال اشوف العربيه
علي فكره المهندس كان مديني رقم تليفونه واتصلت بيه كذا مره وبصراحه متاخرش عليا في اي مساعده بس كم العربيات والبشر كان رهيب لدرجه اني كنت حاسس ان مفيش عربيات في مصر غير هيونداي بس وكمان ده مركز الخدمه الوحيد من كتر الزحمه.
المهم لما وصلت عند الاستقبال سمعت العجب كم من الخناقات والمشاكل بين العملاء ومهندسين الاستقبال حسسني اني في موقف ميكروباص بس بصراحه بردو كان المهندسين بمديرهم في منتهي الذوق وحسيت اد ايه هما عاجزين .
والغريب ان التاخير مش في الصيانه بس لا ده كمان في دفع الفاتوره والجميل ايضا ان كان في ناس من الساعه 10 صباحا لم يستلمو سيارتهم حتي الساعه السابعه مساء .
بالنسبه ليا مع اني رايح بعد ناس بس عربيتي خلصت في ميعاده ولقتهم بيندهو عليا مجرد نداء بان سيارتي انتهت من الصيانه والتوجه لدفع الفاتوره وقعدت مستني ساعه لحد ما جه دوري بس في الساعه دي معظم اللي خرجو قبلي بعربيتهم رجعم تاني بيشتكو ان عربياتهم فيها نفس العيب اللي اتو بيه ولم يتغير شي بدء الفار يلعب ويعمل شغل معايا ولقيت الناس خرجت عن شعوره وكان هتوصل للضرب والشتايم بصراحه معذورين بعد كل هذا الانتظار والعربيه زي ماهيا والجميل ان مدير الورشه بيرمي العيب علي مهندس الاستقبال والعكس... ياجدعان والله مولد وصاحبه غايب
جه دوري دفعت الفاتوره واستلمت كتيب الضمان ومدير الاستقبال كتبي الصيانه في الفتر بدون اي اختام او امضائات مش المهم........ز
المهم لما خلصت الفاتوره وروحت علشان استلم المفتاح من مكتب الجوده عشان استلم العربيه قولت لنفسي ابص علي العربيه الاول قبل ماستلم المفتاح من باب الاحتياط ولقيت المفاجاءه الكبيره لقيت الاكصام الامامي من الناحيه اليمين واخد حكه فوق فانوس الشبوره وتقشير في الاكصدام اسفل الفانوس الكبير
ولم اتمالك نفسي وذهبت الي مدير الاستقبال وصوتي كان لسه هيعلي والغلط هيشتغل اخدني ميرالاستقبال علي جنب وقعد يهدي فيا بشكل صعب عليا فيه وخصوصا اني شايف كم الاهانات اللي اخدها من الناس اللي قبلي وطيت صوتي وقلي اايه الي حصل بالظبط فكيت ليه اللي شوفته وقولته لو سمحت تعالي معايا شوف اللي حصل فقلي:
انا مصدق كلامك ومضالي علي بيان الصيانه بعمل اللزم ومن غير ما يشوف حاجه قولته يافندم بعد اذنك ياريت تبعت معايا مهندس يعاين اللي حصل ويكتب تقرير
وفعلا بعت معايا مهندس شاف اللي حصل وكتب تقرير علي نفس بيان الاصلاح ومضي عليه وقلي في وقت حضرتك تشرفنا واحنا هنرجعها زي الاول واحسن
وهو والمدير كررو اسفهم كتير وبصراحه ذوقهم احرجني جدا
الملخص عن التوكيل من وجه نظري:
انا شايف المهندسين شغلين زي النمل ومن الاستراحه العلويه كذلك الفنيين يس المشكله الاساسيه عدم النظام والهمجيه عشان تحقيق الربح المبالغ فيه المركز بيقبل اي عدد من السيارات حتي السيارات اللي مش حاجزه...
بمعني اخر لو المهندسين اللي شغالين والفنيين دول من كوريا نفسها مع الكم الهائل من السيارات اللي بيقبلوها كل يوم دون حساب او دراسه ضربين بعرض الحائط سعه المركز وعدد العاملين وقدرتهم اكيد المركز هيقع وهتكون الصيانات كلها اي كلام غير محكمه او مرضيه مهما كانت الكفائات اللي شغاله...
لكن لو في نظام والمركز بيقبل عدد محدود حسب سعه المركز سواء مكان للسيارت او عدد العاملين وقدراتهم هتكون النتيجه افضل بكتير ومرضيه جدا
بس اكيد لا حياه لمن تنادي عشان احنا اكيد في *********ام الدنيا
انا اسف جد علي الاطاله ياخواتي الاعزاء
تامر عابد
Comment