تكييف الار بي

[john55]

مش عارف في مشكله عندي في التكييف ولا لا التكيف الصبح بلاحظ بياخد حوالي ريع ساعه علشان يبدا يسقع العربيه وانا عمله علي max اعلي درجه فيه ولكن في الليل مبياخدش وقت خالص هل للشمس تاثير علي قوه التكييف وايه افضل وضعيه للتكييف بلنسبه لسرعه المروحه ودرجه الضبط اليدوي له والاوضاع المرسومه علي المؤشر وهل مرتبط تشغيله بسرعه معينه للمحرك ولا ممكن اشغله في وضع الثبات وشكرا

[khalid_adel]

الصح انك تشغل التكيف وانت واقف او على السلانسيه
كون ان التكيف درجه سقوعيته تفرق من الصبح لبليل ده الطبيعي في اي تكيف
بالنسبة للصبح هل العربيه بتبقى سخنه او واقفه في الشمس مده في الحاله دي طبيعي انه يقعد مده عشان يسقع
وكمان غلط انك تجيبه على الماكس كده على طول يعني على اتنين لحد ماتحس انه سقع وبعد كده زود ل 3 وبعد كده 4
او لو العربيه سخنه اوي من جوه تجيبه على 4 وتفتح كل الشبابيك لحد ماتحس بسقوعيه تقفل الشبابيك وتجيبه على 2 وتكمل زي اللي فات
لو كل ده وحاسس انه مش قده برضه يبقى عايز يتزود شحن
انت عربيتك موديل كام واخر مره شحنته امتي ؟؟

[atyam]

عادى ياباشا هو فعلا الصبح بياخد وقت شوية عن بليل بس بلاش تفتح على 4 انا بفتح على2 واديلو 10 دقايق كمان ويكون برد العربية

[Samir Elshahawy]

لما العربية تكون واقفة في الشمس فترة طويلة و مقفولة بتكون محتفظة بدرجة الحرارة لذا يفضل أنك تعمل الاتي :

1- أفتح باب العربية و أتركه مفتوح دقيقة او دقيقتين قبل ماتدخل العربية علشان الهواء يدخل و يتجدد جواها

2- بعد ماتدخل العربية أفتح الشبابيك كلها و دور العربية و أتحرك علي السلانسية لحد ما مؤشر الحرارة يبدأ يقرأ

3- بعد كده شغل مروحة التكيف علي أقصي سرعة بدون تشغيل الكومبرسور علشان تطرد الهواء الساخن من العربية و ده لمدة دقيقة مثلا أثناء حركة العربية

4- شغل كومبرسور التكييف و خفض سرعة المروحة الي 2 أو 1 كي تسمح بسريان الهواء ببطء علي مواسير التكييف فيحدث تبادل حراري مابين الهواء الساخن و الفريون داخل المواسير بشكل افضل

5- بعد أن تشعر بالهواء ببدء تدفق الهواء البارد من الهوايات أغلق زجاج العربية و ابدأ في ظبط سرعة المروحة علي الدرجة اللي أنت عايزها

[SAMEH_FOUAD]

تكييف ال rb اصلا مش قوى وهو فعلا بياخد وقت عشان يبدأ يبرد العربية ومابتبقاش بالدرجة المطلوبة

حاول ماتركنهاش فى الشمس عشان كدة ممكن تخلص مشوارك ولسة التكييف ماسقعش العربية كويس

[amagroup]

تكييف ال rb اصلا مش قوى وهو فعلا بياخد وقت عشان يبدأ يبرد العربية ومابتبقاش بالدرجة المطلوبة

حاول ماتركنهاش فى الشمس عشان كدة ممكن تخلص مشوارك ولسة التكييف ماسقعش العربية كويس

مين قال انه مش قوي عن تجربة ولا بتقارنه بعربيه تانية

[SAMEH_FOUAD]

مين قال انه مش قوي عن تجربة ولا بتقارنه بعربيه تانية

لا ياباشا والله عن تجربة لمرات عديدة فى اوقات مختلفة

[john55]

اولا انا بشكر حضرتك علي المعلومات اللي حضرتك قلها انا عربيتي موديل 2012اكسنت

[john55]

لما العربية تكون واقفة في الشمس فترة طويلة و مقفولة بتكون محتفظة بدرجة الحرارة لذا يفضل أنك تعمل الاتي :

1- أفتح باب العربية و أتركه مفتوح دقيقة او دقيقتين قبل ماتدخل العربية علشان الهواء يدخل و يتجدد جواها

2- بعد ماتدخل العربية أفتح الشبابيك كلها و دور العربية و أتحرك علي السلانسية لحد ما مؤشر الحرارة يبدأ يقرأ

3- بعد كده شغل مروحة التكيف علي أقصي سرعة بدون تشغيل الكومبرسور علشان تطرد الهواء الساخن من العربية و ده لمدة دقيقة مثلا أثناء حركة العربية

4- شغل كومبرسور التكييف و خفض سرعة المروحة الي 2 أو 1 كي تسمح بسريان الهواء ببطء علي مواسير التكييف فيحدث تبادل حراري مابين الهواء الساخن و الفريون داخل المواسير بشكل افضل

5- بعد أن تشعر بالهواء ببدء تدفق الهواء البارد من الهوايات أغلق زجاج العربية و ابدأ في ظبط سرعة المروحة علي الدرجة اللي أنت عايزها

شكرا لحضرتك انا عملت زي ماقلت حسيت بفرق كبييييير

[Samir Elshahawy]

شكرا لحضرتك انا عملت زي ماقلت حسيت بفرق كبييييير

أي خدمة و ياريت لو كل فترة تنظف فلتر التكييف خاصة لو بتفتح السحب من الخارج

[john55]

أي خدمة و ياريت لو كل فترة تنظف فلتر التكييف خاصة لو بتفتح السحب من الخارج

انا بخليه علي وضع اللي بيدور الهواء داخل العربيه لكن ايهما افضل وازاي انظف فلتر التكيف انا معايا اربي اكسنت