حملة ايه اللي نفسك فيه

[alaamousa]

السلام عليكم اعضاء المنتدى الكرام
بفضل الله بعد حصولي على لقب هيونداي تيم حبيت اول موضوع اعمله
يكون ليه تأثير فعلا على القسم ويمكن ان شاء الله يدخل مسابقة الشهر كماااان
وفكرته هي ايه اللي نفسك فيه .... باذن الله تشوفه في المنتدى اي حاجة كانت في بالك نفسك تشوفها في منتدانا المحترم
اي تطوير اي فكرة اي اقتراح ان شاء الله نقدر ننفذهولك ياريت كل الاعضاء في القسم يتفاعلوا معانا في هذا الموضوع اي اي حاجة وان كانت بسيطة يمكن تكون السبب في فكرة اكبر في المستقبل ان شاء الله........ لكم مني جزيل الشكر

[Ashraf_Ibrahim]

اقتراح وفكرة طيبة
في انتظار التفاعل من الاعضاء

[amrelsaqqa]

نفسى يبقى الفيرنا ليها قسم لوحدها وتاخد حقها شوية في المواضيع عشان مالهاش مواضيع كتير بنفس نسبة انتشارها على الارض
بصوا على قسم الدايو وهتفهموا قصدى

[koshary]

نفسى كل عربية هيونداى يكون ليها تقرير كامل وشامل عنها فى كل حاجة

[akmm]

,ورؤيه حضرتك ايه اواللى تحبه يتعمل او يكون مضافا للمنتدى ؟؟؟

[amagroup]

نفسي تكون هناك اقسام لكل موديل اكسنت لوحدها والنترا لوحدها .,...

[akmm]

وانا نفسى قسم سبيرانزا يكون انشط من كده وايضا وده هام ان اللى يكتب على مشكله يرجع تانى ويكتب ازاى اتحلت او كيفيه التغلب عليها لتعم الفائده ...

[ahmedeihab]

نفسى هيونداى تبطل فتى و تعمل عربيه زى الناس

و تفكها من الاوبشن و تعتمد على الامان و الاعتماديه

و مش هدخل فى جدال مع حد علشان محدش يطلع يقولى هيونداى اعتماديه و الجو اللى مش بيخلص ده

^_^

[amrelsaqqa]

نفسى هيونداى تبطل فتى و تعمل عربيه زى الناس

و تفكها من الاوبشن و تعتمد على الامان و الاعتماديه

و مش هدخل فى جدال مع حد علشان محدش يطلع يقولى هيونداى اعتماديه و الجو اللى مش بيخلص ده

^_^

معلش يعنى بس ايه علاقة الكلام ده بالموضوع
ولا كل موضوع لازم يتحول لخناقة وخلاص

[ahmedeihab]

معلش يعنى بس ايه علاقة الكلام ده بالموضوع
ولا كل موضوع لازم يتحول لخناقة وخلاص

باشا هو انا كلامى مش واضح

انت بتقول نفسك فى ايه

و انا بقولك اهو نفسى ان هيونداى تبطل فتى و تعمل عربيه زى الناس فيها اعتماديه و امان


^_^

[alaamousa]

السلام عليكم
اولا احب اشكر كل اللي اتفاعل معانا وخصوصا من خارج قسم هيونداي وده بيدل على ان فعلا كلنا نفسنا ان المنتدى يرتقي بغض النظر عن ما هو القسم احب احييكم ثانيا مكنتش متصور ان التفاعل يكون سريع كده والناس فعلا نفسها في حاجات كتيير تشوفها في القسم ود ايضا بيدل على حرص الاعضاء مشاهدة القسم في تطور او كما يرغبون ان شاء الله كل الافكار اللي تتقال هتتناقش باذن الله في اجتماع هيونداي وستكون محض اهتمام بالغ
باذن الله تتنفذ في اقرب وقت

[alaamousa]

السلام عليكم

,ورؤيه حضرتك ايه اواللى تحبه يتعمل او يكون مضافا للمنتدى ؟؟؟

اولا احب اشكر حضرتك على الاهتمام
ثانيا ان شاء الله رؤيتي هتكون في موضوع منفضل وبه تفاصيل اكثر ان شاء الله
جزاك الله خيرا

[alaamousa]

دايما سباق

اقتراح وفكرة طيبة
في انتظار التفاعل من الاعضاء

تسلم يا باشا على تفاعلك السريع ان شاء الله الفكرة تكون اكثر تفاعل وايجابية والواحد يقدر ان شاء الله يخدم هذا المنتدى المحترم

[Samir Elshahawy]

أستاذ علاء ..

تحياتي لك و شكرا علي هذا الموضوع الهام , لذلك أنا بأطلب من حضرتك تتولي مسئولية تجميع أراء الاعضاء و عمل ملخص لها في نقاط محددة و عرضها علي هيونداي تيم في الاجتماع القادم أن شاء الله , و ايضا ستكون مسئولا عن متابعة تنفيذ ماسنأخذ به من أفكار و أقتراحات الاعضاء

الاخوة الأعضاء الكرام ..
نشكركم علي تفاعلكم معنا و هذه هي الروح التي نسعي أليها و نرجو منكم المزيد من الافكار و الأقتراحات و سنعمل جاهدين علي تنفيذها أن شاء الله

بالنسبة للأقتراحات الخاصة بموضوعات الفيرنا و باقي سيارات هيونداي أحب أطمنكم أننا فعلا بنجمع الموضوعات المهمة و بنعمل لها فهرس شامل سيتم وضعه في قسم الموضوعات المثبته علي غرار فهرس موضوعات الالنترا MD و الجيتز

http://www.nilemotors.net/Nile/277467-md.html

http://www.nilemotors.net/Nile/282401-a.html

ياريت حضراتكوا تلقوا نظرة علي الموضوعين و تقولوا لنا أيه رأيكم

[alaamousa]

أستاذ علاء ..

تحياتي لك و شكرا علي هذا الموضوع الهام , لذلك أنا بأطلب من حضرتك تتولي مسئولية تجميع أراء الاعضاء و عمل ملخص لها في نقاط محددة و عرضها علي هيونداي تيم في الاجتماع القادم أن شاء الله , و ايضا ستكون مسئولا عن متابعة تنفيذ ماسنأخذ به من أفكار و أقتراحات الاعضاء

الاخوة الأعضاء الكرام ..
نشكركم علي تفاعلكم معنا و هذه هي الروح التي نسعي أليها و نرجو منكم المزيد من الافكار و الأقتراحات و سنعمل جاهدين علي تنفيذها أن شاء الله

بالنسبة للأقتراحات الخاصة بموضوعات الفيرنا و باقي سيارات هيونداي أحب أطمنكم أننا فعلا بنجمع الموضوعات المهمة و بنعمل لها فهرس شامل سيتم وضعه في قسم الموضوعات المثبته علي غرار فهرس موضوعات الالنترا md و الجيتز

http://www.nilemotors.net/nile/277467-md.html

http://www.nilemotors.net/nile/282401-a.html

ياريت حضراتكوا تلقوا نظرة علي الموضوعين و تقولوا لنا أيه رأيكم

جاهز بامر الله يا بشمهندس