بخصوص الالنترا الجديدة

[Rsarabia]

الالنترا الجديدة ضمان كام سنة او كام كيلو ؟
ايه هى فئات او اسعار العربية بضمان الوكيل و ليس الخليجى ؟؟

شكرا

[AoA]

الالنترا الجديدة ضمان كام سنة او كام كيلو ؟
3 سنين او 60 الف كيلو
ايه هى فئات او اسعار العربية بضمان الوكيل و ليس الخليجى ؟؟
الموجود حاليا 2013 مش عارف 2012 فيه لسه منها او لأ
2012 بتبتدى من 114 المانيوال اول فئه مع وجود فئه تانيه مانيوال و 124 الاوتوماتيك اول فئه مع وجود 7 فئات تانيه اوتوماتيك
2013 بتبدى من 118 المانيوال اول فئه مع وجود فئه تانيه مانيوال و 127 الاوتوماتيك اول فئه مع وجود 7 فئات تانيه اوتوماتيك

[Rsarabia]

ايوة انا عارف رينج الاسعار بس عاوز فئة فيها ABS و فتحة سقف و جنوط و واحد ايرباج
هل فى فئة كدا بس متكونش ال fully loaded ?

[AoA]

ايوة انا عارف رينج الاسعار بس عاوز فئة فيها ABS و فتحة سقف و جنوط و واحد ايرباج
هل فى فئة كدا بس متكونش ال fully loaded ?

للاسف مفيش اى فئه فيها الحاجات دى مع بعض غير الفوللى لودد والخليجى

[Rsarabia]

للاسف مفيش اى فئه فيها الحاجات دى مع بعض غير الفوللى لودد والخليجى

طيب اتنازل عن فتحة السقف ال abs اهم طبعا

[AoA]

طيب اتنازل عن فتحة السقف ال abs اهم طبعا

بالنسبه ليا انا ال abs والاير باج من الحاجات المهمه جدا فى العربيه
فيه ناس كتير مش بتفرق معاها ومش بترضى تضحى بالحاجات التانيه زى فتحه السقف او الجنوط .. الخ..

دى حاجة ترجع فى الأخر ليك .

[esam_ayad]

الفئة اللي انتا عايزها دي ياباشا اعتقد الفئة قبل الفولي لودد.وكنت قريت ان سعرها بيلعب في حدود 140 ألف.

[AoA]

الفئة اللي انتا عايزها دي ياباشا اعتقد الفئة قبل الفولي لودد.وكنت قريت ان سعرها بيلعب في حدود 140 ألف.

انت تقصد الفئه دى
1.6 F/O A/T S/R High line
دى سعرها فى موديل 2012
142 الف جنيه
مفيهاش abs بس فيها فتحه سقف وجنوط ووساده هوائيه واحده

[Rsarabia]

حاجة تحير و انا مش مقتنع بفرق 10 الاف جنيه عشان يبقى معايا فتحة سقف و abs و جنوط
فى حين انى ممكن اوفرهم عشان اما ا خد حاجة او حاجة تانية
طيب ما يحط فئة وسط ولو هيلعب بالشكل دا يحط الحاجة الاهم فالمهم
فتحة السقف ملهاش لازمة مقابل ال abs
ميجان فيها كل الحاجات دى و ببلاش :)

[AoA]

حاجة تحير و انا مش مقتنع بفرق 10 الاف جنيه عشان يبقى معايا فتحة سقف و abs و جنوط
فى حين انى ممكن اوفرهم عشان اما ا خد حاجة او حاجة تانية
طيب ما يحط فئة وسط ولو هيلعب بالشكل دا يحط الحاجة الاهم فالمهم
فتحة السقف ملهاش لازمة مقابل ال abs
ميجان فيها كل الحاجات دى و ببلاش :)

العربيات الاوربيه والفرنسيه فيها الحاجات دى بشكل اساسى طبقا لتوجيهات الاتحاد الاوروبى

لكن العربيات الكورى واليابانى طبقا للمواصفات المطلوبه من التوكيل الخاص بكل بلد يحط ويشيل زى ما هو عايز

وانا برضه مش مقتنع بالفرق زيك بس نعمل ايه فى سياسه التسويق الخاصه بالتوكيلات المصريه !!

[Hosam_Optrawy]

ايوة انا عارف رينج الاسعار بس عاوز فئة فيها abs و فتحة سقف و جنوط و واحد ايرباج
هل فى فئة كدا بس متكونش ال fully loaded ?

الفئه دى موجوده فى موديل 2013 وزياده عليهم مرايات ضم

فئة هاى لاين سعرها 143,500

[acmc]

يا جماعه هيا النترا 2013 نزلت أساسا اللى نزل من زمان 2012

[Rsarabia]

الفئه دى موجوده فى موديل 2013 وزياده عليهم مرايات ضم

فئة هاى لاين سعرها 143,500

يعنى موديل 2013 هاى لاين ب 143.5 و فيها abs و ايرباج و فتحة سقف و جنوط و مرايات ضم ؟؟
ازاى و الفولى لودد ب 158 ؟
هل هى خليجى ؟؟

[AoA]

يعنى موديل 2013 هاى لاين ب 143.5 و فيها abs و ايرباج و فتحة سقف و جنوط و مرايات ضم ؟؟
ازاى و الفولى لودد ب 158 ؟
هل هى خليجى ؟؟

هى ممكن تكون تعديل فى فئه من الفئات لأن بدايه من تانى فئه فى الاوتو 2013 ضافوا فيها مرايات الضم لكن معرفش الاسعار صراحه
بس بما ان حضرتك من المنصوره افضل شئ تنزل شارع قناه السويس جمب اولاد رجب هتلاقى غبور فاتح هناك وتقدر تسألهم عن اى حاجة انت عايزها
او تتصل بيهم زى ما تحب

[Rsarabia]

هى ممكن تكون تعديل فى فئه من الفئات لأن بدايه من تانى فئه فى الاوتو 2013 ضافوا فيها مرايات الضم لكن معرفش الاسعار صراحه
بس بما ان حضرتك من المنصوره افضل شئ تنزل شارع قناه السويس جمب اولاد رجب هتلاقى غبور فاتح هناك وتقدر تسألهم عن اى حاجة انت عايزها
او تتصل بيهم زى ما تحب

انا فعلا كلمتهم و أكدولى المعلومة ان اضاف مرايات ضم
و فى فعلا فئة مش موجودة فى ال 2012
abs + فتحة سقف + ايرباج + جنوط + مرايات ضم ب 143.5
بتحجز و بتستلم خلال ( اسبوعين )

باى زا واى الالنترا الفولى لودد بقت ب 161
يعنى ادفع 17.5 فى فتيس جلد و فرش جلد و مثبت سرعة و مفتاح بصمة !!