هيونداى النترا 2009 خليجى اوتوماتيك كاملة

[jasonnn]

السلام عليكم و رحمة الله وبركاته
و رمضان كريم عليكم
ياريت حد يدلنى على افضل وسيلة واقعية لحماية السيارة من السرقة و منين اجيبها
و برضه نفسى اركب مخدع للعربية دى بس مش لاقى حاجة تليق
و كمان بالنسبة للموتور العربية بتبطل احيانا وودتها لحد يشوفها فا زود الموتور بقا الrpm عالى عند المور او البارك ولما تنقل تنطر معاك بس مش دايما
ده ساعات ساعات
مين اروحله يشوفلى المشكلة دى او سببها ايه لو حد عنده فكرة
انا فى اسكندرية على فكرة
و سؤال اخير العربية دى تجيب كام دلوقتى هى عربيتى الشخصية ومحدش بيركبها غيرى وصارف عليها كتير يعنى مش حارمها من حاجة زى ما بيقولو و الحمد لله هى فابريكة مافيش اكتر من رشات النضافة و اكصدام ورا و طلبمة المياة اتغيرت تقريبا ده اللى اتغير فيها وماشية 200000 كم
و اعتذر للاطالة

[jasonnn]

ولا رد حتى ؟
ارجو الاهتمام

[virus2007]

اولا لحماية العربية : جيب انذار سباى 2 وجيب قفل للطارة حتلاقيهم فى التوفيقية فى القاهرة

ثانيا لتسعير العربية : اسال استاذ شريف وهبة اخصائى التسعير على اللنك دا http://www.nilemotors.net/Nile/249687-a.html

ثالثا لمشكلة العربية: اسال بشمهندس هانى http://www.nilemotors.net/Nile/28764...r-enghany.html

يا رب اكون افدتك :)

[حماده المصري]

ايه الهجص ده ازاي يزود المتور من نفسه دي عربيه ليها كنترول يونيت وليها ستاندرد نازله بيها مينفعش انه يشتغل بمزاجه

حضرتك تروح التوكيل او مركز معتمد يحط العربيه على الاسكانر ويرجع المتور تاني للحاله الطبيعيه بتاعته

بيبقى عن طريق في الغالب الميكانيكي الي روحتله فتح مسمار الهوا سنه لازم يرجع تاني وتتاكد من الجهاز قرايه الاربي ام لان حتى لو العداد قاري غلط الجهاز بيقرى صح وخلي بالك لو المسمار رجع اكتر من لازم العربيه هتتخنق


لو من ساعه ما علاها بدات تنتش ف ده طبيعي لما ترجع لطبيعتها هترجع صح
موضوع تبطل ده ليه اسباب كتير حضرتك ممكن تقول ايه اللي بيحصل معاك
لانه ممكن تبقى حساس ممكن تبقى طرمبه

[jasonnn]

ايه الهجص ده ازاي يزود المتور من نفسه دي عربيه ليها كنترول يونيت وليها ستاندرد نازله بيها مينفعش انه يشتغل بمزاجه

حضرتك تروح التوكيل او مركز معتمد يحط العربيه على الاسكانر ويرجع المتور تاني للحاله الطبيعيه بتاعته

بيبقى عن طريق في الغالب الميكانيكي الي روحتله فتح مسمار الهوا سنه لازم يرجع تاني وتتاكد من الجهاز قرايه الاربي ام لان حتى لو العداد قاري غلط الجهاز بيقرى صح وخلي بالك لو المسمار رجع اكتر من لازم العربيه هتتخنق


لو من ساعه ما علاها بدات تنتش ف ده طبيعي لما ترجع لطبيعتها هترجع صح
موضوع تبطل ده ليه اسباب كتير حضرتك ممكن تقول ايه اللي بيحصل معاك
لانه ممكن تبقى حساس ممكن تبقى طرمبه

اولا اشكركم على الرد و كل سنة ونتو طيبين
حاولت اوديها زمان الوكيل مجرد امان ليا و للعربية بس قالو الخليجى كخ
قلت براحتكو
و اساسا كان شغل اكصدام يتظبط
حزام نظافة
كشف
بس الحمد لله من ساعتها محصلش حاجة تقريبا فى العربية مع انى بسافر كتير بس مش ببخل عليها بحاجة ومش بسترخص
مشكلة التبطيل بتحصل كل سنة مرة
انما النتشة دى بتحصل غالبا لما اقرس عليها شوية بلاقى العربية ماشية فى العادى بس مثلا لو هديت او وقفت فى اشارة و اجيب على المور مؤقتا ونا متعود على كدة الاقى الار بى ام على و بقا 1.5 مثلا
او 1
مع ان الطبيعى كان بيبقا 0.6
طبعا فى الف
الاقى صوتها على
او لو جيت اركن او كدة
اجيب الغيار ال d تنتش و مارشدير تنتش
بس نتشة خفيفة يعنى
بس مع اى غيار الار بى ام عادى جدا
انما المور او البارك الاقى صوتها على والار بى ام طبعا زى ما قلتلكو
بس ساعات متحصلش خالص
على حسب ونا مش شايفلها سبب
انا فى اسكندرية و عايز واحد يشوفلى الموضوع ده لو حد يقدر يفيدنا

[jasonnn]

رمضان كريييم

[jasonnn]

ارجو الافادة

[حماده المصري]

مش عارف الناس نايمه ليه

بس الي انت بتتكلم فيه محلول لازم مركز صيانه معاه كمبيوتر غير كده فكك

طبيعي ان العربيه تنتش مدام الار بي ام على 1ونص

هي موديل كام وايه حالتها في الرش والكلام ده

------------------

لازم مركز صيانه اي مركز صيانه معتمد من التوكيل ممكن يدخلهالك على ما اظن

يااما تروح التوكيل تعمل هندي وتقولهم انك هتبعت رساله للشركه الام لان ده استهبال

[jasonnn]

ماهو اللى كنت بروحله كان بيحطها عالجهاز وكان كل شىء تمام
انا اساسا مش عايز اوديها للوكيل لان معامتهم زفت بصراحة ومعووجين مش فاهم على ايه
كانى كنت هروح اعملها ببلاش مثلا
المهم هى 2009 و حالتها نادرة لان كل مشاويرى سفر تقريبا و ده اللى معلى العداد
والرش بعا دواخل فابريكة
و هى اعلى فئة على فكرة فى الاوتوماتيك فتحة سقف و جنوط و اي بي اس و ايرباج و فوجات بس انا مغيرها ومركبلهم زينون لايت
و مغيرلها الكاسيت و السماعات (سماعات يابانى)
رشة حزام كل سنة تقريبا كنت اروح اديها وش نظافة بس ولو اكصدام فيه حاجة كنت بغيره بالتامين
اللى اتغير الاكصدامين و مراية شمال وطرمبة المياة و من اسبوعين كدة غيرت المساعدين ادام
بس كدة
تقريبا ده كل اللى عملته فيها من ساعة ما جبتها
غير كدة زيت موبيل وان علاطول
كاوتش كونتننتال
مافيش غير موضوع الار بى ام و ده مش علاطول على فترات
متهيالى هى حاجة مش كبيرة
لو تعرف مركز مضمون فى اسكندرية ممكن نشوفها عنده

[حماده المصري]

اسكندريه معرفش

بس احب اوضحلك مش اي جهاز بيقرا صح

جهاز التوكيل والمراكوز المعتمده هو اصح حاجه

[ahmad--ezzat]

ماشيه كتير جدا

بس ماشاء الله

[jasonnn]

كتير فعلا
بس مشى السفر مش بيهلك العربية زى المشى جوة البلد
غير برضه اهتمامك بالعربية و سواقتك ازاى
الحاجات دى بتفرق برضه