منين اقدر اجيب زجاج امامى للالنترا 2009

[top_10group]

الزجاج الامامى اتشرخ وكنت عايز اغيره بس بره التوكيل عشان قالولى هناك ب 3700 جنيه بالضريبة 4000 جنيه.
فكنت عايز اركب الزجاج بره بس يكون اصلى اصلى هيونداى وكنت عايز اعرف ثمنه فى حدود كم عشان انا هدفع وبعدين احاسب التامين
ارجو الافادة من الاخوة الافاضل وكل عام وانتم يخير

[mahamede]

انزل الحرفيين فى شارع المرسيدس وروح عند علاء المتوكل أو الجعفرى واسأل عندهم هتلاقيه هما فى اول الشارع على اليمين من ناحية شارع جمال عبد الناصر .........

[Ashraf_Ibrahim]

من وجهة نظري الزجاج الكوري هيكون غالي جدااااا
ممكن حضرتك تركب جريش او امان من مصانعهم هيركبوه كويس وبدقة عالية جدا والزجاج كويس جدا وبسعر معقول جداااااااااااااااااااااا
بتاع الفيرنا اخر مرة سألت عليه جريش كان 280 وأمان كان 260
يعني قول الالنترا يزيد عنه شوية بس مش كتير

[mahamede]

من وجهة نظري الزجاج الكوري هيكون غالي جدااااا
ممكن حضرتك تركب جريش او امان من مصانعهم هيركبوه كويس وبدقة عالية جدا والزجاج كويس جدا وبسعر معقول جداااااااااااااااااااااا
بتاع الفيرنا اخر مرة سألت عليه جريش كان 280 وأمان كان 260
يعني قول الالنترا يزيد عنه شوية بس مش كتير

الأصلى بتاعها هيكون أفضل من جريش وأمان وحتى لو غالى عنهم شوية هيكون أفضل وأضمن ليه .........

[top_10group]

متشكر جدا لحضراتك وانا لسة بدور على الاصلى حتى لو غالى مش مشكلة عشان التامين

[top_10group]

محدش بردو قالى اجيبه منين

[mahamede]

محدش بردو قالى اجيبه منين

مهو انا قولت لسيادتك فى المشاركة اللى قبل قبل دى :-

(( انزل الحرفيين فى شارع المرسيدس وروح عند علاء المتوكل أو الجعفرى واسأل عندهم هتلاقيه هما فى اول الشارع على اليمين من ناحية شارع جمال عبد الناصر .........))

[KING_A841]

مصنع أمان في أكتوبر المنطقه الصناعيه السادسه قطعه 51 جنب مصنع جهينه الدوليه أنا شغال فيه على فكره وهيكون في حدود 280 جنيه ولعلمك أصلا القزاز ألأصلي بتاع العربيه من عندنا مش كوري ولا حاجه لأن احنا اللي بنقفل قزاز الفيرنا بالكامل وبالمناسبه انا عربيتي فيرنا 2012 وقزازها كله امان بردو ومخدتش بالي الا لما اشتغلت في المصنع

[Ashraf_Ibrahim]

مصنع أمان في أكتوبر المنطقه الصناعيه السادسه قطعه 51 جنب مصنع جهينه الدوليه أنا شغال فيه على فكره وهيكون في حدود 280 جنيه ولعلمك أصلا القزاز ألأصلي بتاع العربيه من عندنا مش كوري ولا حاجه لأن احنا اللي بنقفل قزاز الفيرنا بالكامل وبالمناسبه انا عربيتي فيرنا 2012 وقزازها كله امان بردو ومخدتش بالي الا لما اشتغلت في المصنع

الأخ العزيز جزاك الله خيرا على الرد
بس زميلنا هنا بيتكلم على ازاز النترا مش فيرنا وازاز الالنترا بيكون كوري بالفعل لكن لو هو عاوز يركب امان او جريش فدا طبعا ممكن جدا وبسعر كويس جدا والزجاج كأداء معقول مش سيء اطلاقا

[tito29]

مع أحترامي للجميع
أنا عندي ألنترا و بأمشي كل يوم علي الدائري اللعين أكتر من مرة
و لبست كمية زلط و حجارة و ألله بالهبل و كافة أنواع الشروخ بمعدل شبه يومي من الأفاضل سائقي النقل
و بصراحة شديدة و مع أحترامي للصناعة المصرية بس لا تقارن أبدا بالكوري
الزجاج المصري كبيره زلطة واحدة و يعمل شرخ رهيب حتي ما ينفعش يتصلح
أما الزجاج الكوري بيأخد كمية طوب و زلط لا تعد و لا تحصي و يدوبك نقرة صغيرة

أعتقد أن لو صورت الزجاج الحالي بتاعي ممكن يدخل موسوعة جينيس للأرقام القياسية من كثرة الشروخ و النقر معظمها تم تصليحه و لازال الزجاج صامد حتي الأن
أما المصري سواء جريش أو الأستثماري للأسف الجودة أقل بكثير و قدرة الأستحمال لا تقارن أبدا بالكوري

لذا نصيحة أخوية لو تقدر علي ثمن المستورد فأشتريه فورا بلا تردد حقيقي يستاهل

[KING_A841]

زجاج الألنترا بردووا موجود أنا كنت فاكر عربيتك فيرنا

[Ashraf_Ibrahim]

مع أحترامي للجميع
أنا عندي ألنترا و بأمشي كل يوم علي الدائري اللعين أكتر من مرة
و لبست كمية زلط و حجارة و ألله بالهبل و كافة أنواع الشروخ بمعدل شبه يومي من الأفاضل سائقي النقل
و بصراحة شديدة و مع أحترامي للصناعة المصرية بس لا تقارن أبدا بالكوري
الزجاج المصري كبيره زلطة واحدة و يعمل شرخ رهيب حتي ما ينفعش يتصلح
أما الزجاج الكوري بيأخد كمية طوب و زلط لا تعد و لا تحصي و يدوبك نقرة صغيرة

أعتقد أن لو صورت الزجاج الحالي بتاعي ممكن يدخل موسوعة جينيس للأرقام القياسية من كثرة الشروخ و النقر معظمها تم تصليحه و لازال الزجاج صامد حتي الأن
أما المصري سواء جريش أو الأستثماري للأسف الجودة أقل بكثير و قدرة الأستحمال لا تقارن أبدا بالكوري

لذا نصيحة أخوية لو تقدر علي ثمن المستورد فأشتريه فورا بلا تردد حقيقي يستاهل

يا عزيزي الزجاج لمصري مش سيء ابدا بالطريقة دي
انا عندي في عربيتي -فيرنا - زجاج امان ويوميا على الدائري لأن بيتي بينه وبين الدائري 400 متر فكل حركتي عن طريق الدائري وطبعا التريلات والزلط وغيره وما شابه والزجاج زي الفل

[tito29]

يا عزيزي الزجاج لمصري مش سيء ابدا بالطريقة دي
انا عندي في عربيتي -فيرنا - زجاج امان ويوميا على الدائري لأن بيتي بينه وبين الدائري 400 متر فكل حركتي عن طريق الدائري وطبعا التريلات والزلط وغيره وما شابه والزجاج زي الفل

يا أفندم ده عن تجربة و أكتر من مرة
الزجاج المصري سواء جريش أو الأستثماري عمره ما عاش معايا أكتر من أسابيع قليلة و ألله في أحدي المرات ما كمل 15 يوم
أما الكوري بصراحة حاجة تانية خالص مع أن المفروض أن دي مواصفات واحدة و المفروض أن الخامة تبقي واحدة
بس الواضح أن التصنيع المصري فيه غش في الخامات أو ضعف مراقبة الجودة