سؤال بخصوص النترا 2011

[mysafy]

السلام عليكم
كل عام وحضراتكم بخير

انا كنت عاوز اسأل عن التسخين بالنسبة لعربية النترا 2011
انا مش بسخن العربية الصبح لا صيف ولا شتا وبدور واتحرك علطول
هل ده بيضر العربية ولا دي ميزه في العربية(زي ماسمعت قبل كده)

وجزاكم الله خيرا

[Samir Elshahawy]

في العربيات الجديدة كلها المفروض تعمل الاتي :
- تدور المحرك و تسيبه لمدة 30 ثانية علي الاقل علشان الزيت يتحرك و يتخلل كل أجزاء المحرك
- تفك فرامل اليد
- تعشق الموتور و تبدأ في الحركة علي السلانسيه
- تبدأ في رفع السرعة تدريجيا بحيث لايتجاوز عدد لفات المحرك 1500 لفة/دقيقة أو 2000 لفة/دقيقة كحد اقصي قبل ان يرتفع مؤشر حرارة المياه أو تنطفئ لمبة بيان الحرارة باللون الازرق
- بعد كده تقدر تحمل علي الموتور بأنك تتحرك بسرعتك الاعتيادية

لكن تشغيل المحرك بدون تحميل لفترة طويلة يضر به علي المدي الطويل

[mysafy]

شكرا عالمعلومة القيمة يابشمهندس
جزاك الله خيرا

[AshTurbo]

زي ما البشمهندس سمير قالك ومش هتتأخر 5 دقائق مش كتير .

[mysafy]

زي ما البشمهندس سمير قالك ومش هتتأخر 5 دقائق مش كتير .

لا انا اللي فهمته ان الحوار كله هاياخد 30 ثانية مش اكتر.....

[Samir Elshahawy]

حسب درجة حرارة الجو
يعني في الشتا الوقت بيكون أطول علشان مؤشر الحرارة يبدأ يقرأ أو يرتفع

زمن ال 30 ثانية هو الزمن مابين تشغيل المحرك و بدء الحركة علي سرعة منخفضة (السلانسيه) حتي يبدأ مؤشر درجة الحرارة في الارتفاع أو لمبة بيان الحرارة باللون الازرق تختفي

[mysafy]

حسب درجة حرارة الجو
يعني في الشتا الوقت بيكون أطول علشان مؤشر الحرارة يبدأ يقرأ أو يرتفع

زمن ال 30 ثانية هو الزمن مابين تشغيل المحرك و بدء الحركة علي سرعة منخفضة (السلانسيه) حتي يبدأ مؤشر درجة الحرارة في الارتفاع أو لمبة بيان الحرارة باللون الازرق تختفي

طب هو انا ماعنديش مؤشر حراره واللمبة ماشفتهاش منورة باي لون من ساعة ما جبتها من حوالي 3 سنين(النترا 2011)