سؤال لمالكى النترا خليجى 2012

[walyas1]

عندى النترا خليجى فيها شاشة كبيرة تاتش سكرين تقوم بعمل كل الوظائف الليله بعد الفطار رحت مشوار بفتح كونتاكت لقيت الشاشه باهته والكلام مش واضح وفى خط فى النص مع انها كانت كويسه لحد الصبح حد عنده فكرة عن المشكله ده وايه احسن مركز يقدر يعملها لان معظم المراكز شغلهم ميكانيكا فقط ما يعرفوش فى الالكترونيات

[walyas1]

الشاشة تعمل راديو وتليفزيون و دى فى دى و جى بى اس ومشغل اسطوانات اديو وفيديو وبلوتوث للتليفون طبعا كل الوظائف ده تعطلت

[Samir Elshahawy]

جرب تعمل لها ريست reset
فيه مفتاح صغير جدا bush button تدوس عليه بأبرة صغيرة بيعمل لها ريست
لو فضلت زي ماهي ممكن تنزل شارع دمشق عند السجان هناك أسأل علي المهندس/ مصطفي و هو أن شاء الله يشوف فيها أيه و يصلحها لك

[walyas1]

انا قفلتها وفتحتها عادى لكن الريسيت ده مكنتش اعرفه هو مكان الريسيت من الابره فين

[AoA]

طالاما حضرتك بتقول خط فى النص
يبقى اعتقادى ان الريست مش هايعمل حاجة عموما جرب لو ماعملش حاجة
يبقى هاتحتاج شاشه جديده للكاسيت , بس يارب مايطلع دة العيب
جرب وشوف

[walyas1]

هو الخط بيظهر اثناء تحميل الشاشه فقط لكن بعد التشغيل يختفى المشكله فى بهتان الشاشه بحيث الكتابه تصبح غير مميزه كنت عاوز اعرف مكان الريسيت اعلى او اسفل الشاشه لانى ما لاحظتوش خالص

[AoA]

هو الخط بيظهر اثناء تحميل الشاشه فقط لكن بعد التشغيل يختفى المشكله فى بهتان الشاشه بحيث الكتابه تصبح غير مميزه كنت عاوز اعرف مكان الريسيت اعلى او اسفل الشاشه لانى ما لاحظتوش خالص

طالاما بتختفى يبقى بسهوله تقدر تدخل على السيتنج ومنها على سكرين ومنها فى انك تعدل
brightness على الوضع اللى يعجبك وبكده الكتابه والصوره هاتزبطها زى ما تحب

[AshTurbo]

هو في أحتمال تاني ممكن يكون السبب وهو أن الشاشة دي مش شاشة العربية الأصلية وأنها تكون متركبة هنا في مصر ورديئة الصنع فحضرتك تتأكد من نوعها بأي طريقة لأن في حاجات صيني كتير تعبانة .... حاجة كمان هو حضرتك بتركن العربية كتير في الشمس ؟ لو آه ده ممكن يكون سبب تاني في ضعف الشاشة وأبقى طمننا عملت أيه اول بأول واحنا معاك بأذن الله .

[Rsarabia]

هى دى العربية نازلة بيها ولا حضرتك اللى مركبها ؟

[walyas1]

انا شارى العربية زيرو بالشاشه الاصليه محمل عليها برنامج تشغيل خاص بهيونداى ده بتنزل فى المواصفات الخليجى لان المعرض اللى جايبها منه بيستوردها لحسابه بعيد عن غبور اللى بتنزل بشاشه صغيرة تانيه

[AoA]

انا شارى العربية زيرو بالشاشه الاصليه محمل عليها برنامج تشغيل خاص بهيونداى ده بتنزل فى المواصفات الخليجى لان المعرض اللى جايبها منه بيستوردها لحسابه بعيد عن غبور اللى بتنزل بشاشه صغيرة تانيه

دى شاشه صينى مش اصليه على فكره
فيه بتكون جايه متركبه من بره
وفيه بيركبوها هنا فى مصر وياخدوا الكاسيت الأصلى
ومش متحمل عليها برنامج هيونداى ولا حاجة
دة مجرد لوجو هيونداى بيظهر
والكاسيت بيعمل كده مع اى عربيه بيظهر اللوجو بتاعها
المشكله بتكون ان فيه انواع رديئه جدا من الكاسيت دة فا التجار بيحطوها لأن كده طبعا هايكسبوا اكتر

انا يوم ماكنت نازل اشترى
لقيت اسعار من اول 1500 ل 3200 وكلهم نفس الشكل ونفس الامكانيات والاختلاف فى الجوده فقط لا غير

ماقولتش عملت ايه فى المشكله؟

[freeman207]

عندى النترا خليجى فيها شاشة كبيرة تاتش سكرين تقوم بعمل كل الوظائف الليله بعد الفطار رحت مشوار بفتح كونتاكت لقيت الشاشه باهته والكلام مش واضح وفى خط فى النص مع انها كانت كويسه لحد الصبح حد عنده فكرة عن المشكله ده وايه احسن مركز يقدر يعملها لان معظم المراكز شغلهم ميكانيكا فقط ما يعرفوش فى الالكترونيات

انا كان حصلى موقف ان التاتش وقف مرة واحدة وهنج عملتله سوفت ريسيت هن طريق بتفتح الحتة اللى ركب فى كارت الجى بى اس هتلاقى خرم صغير تجيب دبوس طرحة تحطه فيه لمدة خمس ثوانى هتلاقى الشاشة عملت ريستارت
بعد كده هتلاقى كلمة brightness فى اسفل الشاشة على الشمال هتقعد تضغط عليها لحد مالكلام يتقل وفى الاخر واحد نصحنى قالى متسيبش العربية فى الشمس عشان التاتش بيبوظ قلتله وافرض اتزنقت قالى غطيه بفوطة بس جرب وطمنى لو اى حاجة انا معاك

[fddf512]

يا جماعه انا بفكر اشتري النترا خليجي ( سعودي ) وعاوز اعرف موضوع الضمان ايه نظام حلو ومريح ولا ممكن نتباع