رابطه مالكى accent RB

[ibizaman]

ياريت كل الى معاه الار بى نتشارك سوا هنا نناقش اى عيوب موجوده وممكن حلها وتقارير وصور عن عربيه كل واحد والكل يستفيد ويتعرف على العربيه بشكل واقعى

[ibizaman]

هبدا انا معايه اسكنت ار بى هاتش باك هاى لاين
ومدايق من ان المقتاح مش ريموت ممكن يتعمل ؟؟؟

[heart_sugar]

انا معايه العربية لون فيراني موديل 2012
مميزات العربية
سحب ممتاز - موفره في البانزين - شكل جميل - واسعه لاسره متوسطه - تابلو جميل وامكانياته جيده جدا
عيوب
العربية بتتنطط كتير اوي في المشي والمطبات

حل المشكله دي
تروح غبور اي فرع وتعلي صوتك وتشتكي من الموضوع ده وتطلب تغير المساعدين الخلفيين للعربية
ويكون طلبك هو تغير المساعدين بمساعدين متعدلين مش نفس الي راكب في العربية وحتى لما يجبوهم حتتفاجئ بشكلهم لو قرنتهم بالي ركبين في العربية حتحس ان الي راكب في العربية حته حديده

على فكره في العربية دي في مشكله واعتقد ان ناس كتير بتشتكي منها وبرضوا موجوده في الالينترا
في طقه في الدركسيون يمين وشمال
ده عيب يا جماعه في علبه الدريكسيون ومحدش يسكت عليه لو سمعه حتى لو قلولك عادي في الشركه او خدوها وعملوها وادهالك وقلولك زبطنها فبترجع تاني
الحل
اطلب تغير علبه الدريكسيون وفي العادي مش حتبقا موجوده فاطلبهم يطلبوهلاك باسمك وحتجيلك خلال اسبوعين


الخبطات والحكات
مشكله كبيره لان العربية فيها كيرفات كتير ودي بتخليك لو خبطت او حكيت لا قدر الله باظت شكل العربية والشغل الي على البارد مبينفعش
يعني من الاخير لازم تشيل وتركب جديد وترش

الثبات
في ناس بتقول عيب وناس بتقول كويسه
على العموم العربية انا بشوفها جيده لاننا في مصر مش بنمشي بسرعات كتيره اقصى حاجة جوه المدن 100
فثبتها كويس
خارج بقا المدن زي طريق القاهرة اليكس حتى 150 معقول بس خد بالك انك تمر قريب من تريلا او مقطوره او اتوبيس كبير ماشير هو كمان بسرعه

على فكره انا غيرت الفرش بفرش من الحج احمد (جينزا كار) بفرش جلد عمل للعربيه 1500 جنيه ودى اعلا خامه عنده
العربية بقت تحفه واحلوت اكتر الي يقدر يعمله يتوكل على الله بس يستنى الصيف يخلص :))

[Samir Elshahawy]

الاخوة الكرام / نجوم هيونداي مالكي الاكسنت ار بي

كل عام و حضراتكم بخير

برجاء من حضراتكم عمل تقارير تقييم للاكسنت أر بي و تقارير أختبارات القيادة نظرا لعدم وجود أي تقييمات عنها بالمنتدي

[ibizaman]

انا مهايه الهاتش باك محستش بالتنطيط ده لحد دلوقتى بصراحه وبالنسبه لثباتهاا انا عامل 325 كيلو لحد دلوقتى اقصى سرعه جبتها 150 ايوة العربيه مش تقيله بس ثابته والباور بيتقل وبيخلى تحكمك فى العربيه جمييل وانا مكنش عاجبنى الكاسيت ولما شيلت الورق الى ملزوق على السماعات بقى صوته حلوووو جداااا بس انا فعلا حسيت بالطقه دى مرتين فى الاول لما كان الكاوتش لسه فيه 45 بس انا ظبطه 30 بعدها مسمعتهاش خالص بس راى عربيه ميييله بجد اوى سواء تصميم خارجى او داخلى او امكانيات بس كان نفسى يبقى فيها شويه حجات صغره كمان صغيرة زى مفتاح ريموت وتعرف تقفل الازاز بعد متشيل المفتاح من الكونتاك قبل متفتح الباب نور الصالوت يطفى براااحه وينور اول مفتحهاا كده

[atyam]

ياه اخيرا يا شباب :)

طيب على العموم انا من ملاك العربية ودى بعض مواضيعى عنها واى استفسار انا فى الخدمه

http://www.nilemotors.net/Nile/266650-rb.html

http://www.nilemotors.net/Nile/269076-dvd-gps-rb.html

http://www.nilemotors.net/Nile/300176-rb.html

http://www.nilemotors.net/Nile/294067-rb.html

http://www.nilemotors.net/Nile/262351-a.html

http://www.nilemotors.net/Nile/296056-rb.html

[john55]

انا معايا اول فئه اوتو العربيه بصراحه جميله اولا شكل انسيابي جميل برستيج سحب 10/10 توفير في البنزين طابلوه تحفه الانوار الزرقاء فيه بتخلي شكله تحفه في الليل مناسبه للاسره المتوسطه العيوب الصاج خفيف زي الورق لو اي حد ريح عليه ممكن يطبقه الدهان ضعيف اي حاجه بتعلم عليه انا عندي العربيه اتملت خطوط بيضاء خفيفه ولو ثلاثه ركبوا معايا في الكنبه اللي ورا بسمع صوت تزييق بس النقطه دي مش مهمه علشان نادر لما بيكون معايا عدد بصراحه انا فرحان ان معايا عربيه زي دي شكل وسحب وبرستيج بس الصاج والدهان هما الللي مزعلني وبلنسبه للثبات انا مشيت بيها لحد120 وكانت كويسه بس انا خفت ازود عن كدا لاني حسيت انها ممكن تكون خفيفه ومقدرش اسيطر عليها بس الطرق المصريه محتاجه اخرها 90او100 بلكتيييييييييير علشان الاسفلت المتكسر ومطبات الهوا وكل 2كيلو كل واحد عامل مطب قدام بيته حتي في الطرق المفتوحه اتملت مطبات وشكرا

[toty_305]

-أنا عندي مشكله محيراني الموتور بيسقف و حاسس أني راكب عربيه قديمه عايزه ظبط كهرباء و التوكيل أي هاتش محدش فاهم حاجه و عمري م هحط بنزين 95
-الطبلوة بيطلع أصوات غريبة في المطبات
-ولسه اللي جاي أحلى بس دول يتحلوا بس

[ibizaman]

-أنا عندي مشكله محيراني الموتور بيسقف و حاسس أني راكب عربيه قديمه عايزه ظبط كهرباء و التوكيل أي هاتش محدش فاهم حاجه و عمري م هحط بنزين 95
-الطبلوة بيطلع أصوات غريبة في المطبات :i_angr1[1]:
-ولسه اللي جاي أحلى بس دول يتحلوا بس

انت قلقتنى اوى واضح انك مش مبسوط خالص منهاا

[john55]

يعني ايه موتوريسقف وعربيتك اوتو ولا مانيوال

[toty_305]

-الحمد لله أنا مقتنع بيها عشان عارف أولها و أخرها ف مش بتوقع زياده قوي منها
-انا أول معايا أول فئه أوتوماتيك
-بس يعني مثلا الصوت اللي في الطابلوه ده يخنق جدا
-التسقيف ده يعني لما تيجي تدوس بنزين تسمع صوت ( تكتكه ) كأنك مسمار جوه علبه كانز كده و طبعا الصوت ده مع التكييف بتبقى حفله تكتكه و أنا و دني بتجيب أي همسه مش تمام في العربيه ف

[john55]

[QUOTE=toty_305;3874481255]-الحمد لله أنا مقتنع بيها عشان عارف أولها و أخرها ف مش بتوقع زياده قوي منها
-انا أول معايا أول فئه أوتوماتيك
-بس يعني مثلا الصوت اللي في الطابلوه ده يخنق جدا
-التسقيف ده يعني لما تيجي تدوس بنزين تسمع صوت ( تكتكه ) كأنك مسمار جوه علبه كانز كده و طبعا الصوت ده مع التكييف بتبقى حفله تكتكه و أنا و دني بتجيب أي همسه مش تمام في العربيه ف [/QUOTE k انا معنديش كدا خالص لا صوت طابلوه او التسقيف اللي انت شرحته بس لازم تشوف مشكله التسقيف علشان الموتور اكيد في تاثير عليه قلهم في التوكيل وخلي المهندس يركب معاك وسمعه اي مشكله تقبلك واكيد ليها حل وشكرا

[ibizaman]

دى صور عربيتى ياريت كل واحد يحط صور لعربيته

[drcobra]

السلام عليكم انا من ملاك العربية
عربيتى اول فئة اوتوماتيك اللون ازرق بيبسى
العربية عاملة خوالى 32000 كيلو لسة عامل صيانة 30000 .......
تقييمى للعربية ,, بعد فترة عشرة اشهر العربية ما شاء اللة عليها اقدر اقول بكل فخر مفيش زيها .
فى نفس الفئة السعرية ومحدش لو سمحتوا يقولى اصل الاوروبى واليابانى لانى بصراحة شايف ان موديلات هيونداى الجديدة هى بداية ان الكورى واليابانى راس براس وعلى فكرة انا تقيمى للعربيات كان ( المانى - امريكى -اوروبى عام - يابانى - كورى - هندي +صينى +ايرانى+كل الباقى فئة واحدة ) ........
العربيات بالنسبة ليا ميزة + عيب + سعر + انا عايز اية منها... علشان كدة صفقتى رابحة والحمد لله لانى بوزن الامور بالطن مش بالكيلو..
نيجى بقة للعربية :
الميزة:
*الشكل مفيش زية كل اللى حوالى بيتمنوا شكل عربيتى وبابقى ماشى جنب مرسيدس موديل السنة والله بسمع احسن كلام على العربية
*استهلاك البنزين رائع والله رحت من الغردقة لمرسى علم 300 كيلو ب 17 لتر ومتوسط استهلاك 6 لتر لكل 100 كيلو والعربية اوتو
*الثبات انا شايف العربية ثابتة على السرعات العالية معنديش مشكلة انا بامشى بيها الطبيعى 160 على اى طريق وبامشى على طريق القاطمية السخنة 200 -180 والله بدون مشاكل لفترة طويلة والله وانا رايح من الغردقة للقاهرة مفيش عربية شدت معايا الا جيب جراند شيروكى وكان بيهدى فى الملفات غصب عنة لكن النقر كان بيدوس عليها وانا مقدرش طبعا.
العيب:
العربي واطية مع تحميل الشنطة و3 راكبين ورا العربية لازم تحك والسبب ان السست الخلفية طرية جدا ودا مش عيب لكن ميزة بس مش عندنا لكن برا مصر لكنى سألت بتحك فى اية والله ولا حاجة فمش مسببة اى مشكلة ليا والحمد للة انا طلعت فوق 3 بلاعات قبل كدة والعربية اترفعت وبقت مش فوق الكاوتش ولكن فوق البلاعة وسمعت صوت احتكاك رهيب ورحت رفعت العربية والله ولا الهوا.
العيب التانى برضو مع التحميل ومطبات الهوا فى الطرق السريعة بيحصل تنطيط بسيط فى العربية
*السعر
بالنسبة ليا كان مناسب جدا والمنافس اللى كنت حاطة فى تفكيرى الجين 2 .
*انا عايز اية من العربية
انا دكتور صغير وعيلة صغيرة وحركتى 70% فى المدينة 30% على الطرق السريعة عفشة ناعمة بنزين ممتاز...


المعادلة اللى عايز اغيرها وهاقول عليها قبل ماعملها ان شاء الله,, ان شاء الله هاغير السست الخلفية بسست كيا سيراتو وعارف ان العفشة هاتنشف شوية لكن الثبات عندى اهم وبعد ما اعملها ان شاء الله هاعمل تقرير كامل عن الموضوع.

يا ريت كل الملاك يكتبوانا تقريرهم عاشان الكل يستفيد

[ibizaman]

السلام عليكم انا من ملاك العربية
عربيتى اول فئة اوتوماتيك اللون ازرق بيبسى
العربية عاملة خوالى 32000 كيلو لسة عامل صيانة 30000 .......
تقييمى للعربية ,, بعد فترة عشرة اشهر العربية ما شاء الله عليها اقدر اقول بكل فخر مفيش زيها .
فى نفس الفئة السعرية ومحدش لو سمحتوا يقولى اصل الاوروبى واليابانى لانى بصراحة شايف ان موديلات هيونداى الجديدة هى بداية ان الكورى واليابانى راس براس وعلى فكرة انا تقيمى للعربيات كان ( المانى - امريكى -اوروبى عام - يابانى - كورى - هندي +صينى +ايرانى+كل الباقى فئة واحدة ) ........
العربيات بالنسبة ليا ميزة + عيب + سعر + انا عايز اية منها... علشان كدة صفقتى رابحة والحمد لله لانى بوزن الامور بالطن مش بالكيلو..
نيجى بقة للعربية :
الميزة:
*الشكل مفيش زية كل اللى حوالى بيتمنوا شكل عربيتى وبابقى ماشى جنب مرسيدس موديل السنة والله بسمع احسن كلام على العربية
*استهلاك البنزين رائع والله رحت من الغردقة لمرسى علم 300 كيلو ب 17 لتر ومتوسط استهلاك 6 لتر لكل 100 كيلو والعربية اوتو
*الثبات انا شايف العربية ثابتة على السرعات العالية معنديش مشكلة انا بامشى بيها الطبيعى 160 على اى طريق وبامشى على طريق القاطمية السخنة 200 -180 والله بدون مشاكل لفترة طويلة والله وانا رايح من الغردقة للقاهرة مفيش عربية شدت معايا الا جيب جراند شيروكى وكان بيهدى فى الملفات غصب عنة لكن النقر كان بيدوس عليها وانا مقدرش طبعا.
العيب:
العربي واطية مع تحميل الشنطة و3 راكبين ورا العربية لازم تحك والسبب ان السست الخلفية طرية جدا ودا مش عيب لكن ميزة بس مش عندنا لكن برا مصر لكنى سألت بتحك فى اية والله ولا حاجة فمش مسببة اى مشكلة ليا والحمد لله انا طلعت فوق 3 بلاعات قبل كدة والعربية اترفعت وبقت مش فوق الكاوتش ولكن فوق البلاعة وسمعت صوت احتكاك رهيب ورحت رفعت العربية والله ولا الهوا.
العيب التانى برضو مع التحميل ومطبات الهوا فى الطرق السريعة بيحصل تنطيط بسيط فى العربية
*السعر
بالنسبة ليا كان مناسب جدا والمنافس اللى كنت حاطة فى تفكيرى الجين 2 .
*انا عايز اية من العربية
انا دكتور صغير وعيلة صغيرة وحركتى 70% فى المدينة 30% على الطرق السريعة عفشة ناعمة بنزين ممتاز...


المعادلة اللى عايز اغيرها وهاقول عليها قبل ماعملها ان شاء الله,, ان شاء الله هاغير السست الخلفية بسست كيا سيراتو وعارف ان العفشة هاتنشف شوية لكن الثبات عندى اهم وبعد ما اعملها ان شاء الله هاعمل تقرير كامل عن الموضوع.

يا ريت كل الملاك يكتبوانا تقريرهم عاشان الكل يستفيد

ربنا يباركلك فيها يادكتور وكلنا مستيين موضوع تغير المساعدين ورا دى وهل انت سالت واتاكدت انهم يركبم بكل سهوله ؟؟