رابطه مالكى accent RB

[محمد محم عثمان]

انا معايه العربية لون فيراني موديل 2012
مميزات العربية
سحب ممتاز - موفره في البانزين - شكل جميل - واسعه لاسره متوسطه - تابلو جميل وامكانياته جيده جدا
عيوب
العربية بتتنطط كتير اوي في المشي والمطبات

حل المشكله دي
تروح غبور اي فرع وتعلي صوتك وتشتكي من الموضوع ده وتطلب تغير المساعدين الخلفيين للعربية
ويكون طلبك هو تغير المساعدين بمساعدين متعدلين مش نفس الي راكب في العربية وحتى لما يجبوهم حتتفاجئ بشكلهم لو قرنتهم بالي ركبين في العربية حتحس ان الي راكب في العربية حته حديده

على فكره في العربية دي في مشكله واعتقد ان ناس كتير بتشتكي منها وبرضوا موجوده في الالينترا
في طقه في الدركسيون يمين وشمال
ده عيب يا جماعه في علبه الدريكسيون ومحدش يسكت عليه لو سمعه حتى لو قلولك عادي في الشركه او خدوها وعملوها وادهالك وقلولك زبطنها فبترجع تاني
الحل
اطلب تغير علبه الدريكسيون وفي العادي مش حتبقا موجوده فاطلبهم يطلبوهلاك باسمك وحتجيلك خلال اسبوعين


الخبطات والحكات
مشكله كبيره لان العربية فيها كيرفات كتير ودي بتخليك لو خبطت او حكيت لا قدر الله باظت شكل العربية والشغل الي على البارد مبينفعش
يعني من الاخير لازم تشيل وتركب جديد وترش

الثبات
في ناس بتقول عيب وناس بتقول كويسه
على العموم العربية انا بشوفها جيده لاننا في مصر مش بنمشي بسرعات كتيره اقصى حاجة جوه المدن 100
فثبتها كويس
خارج بقا المدن زي طريق القاهرة اليكس حتى 150 معقول بس خد بالك انك تمر قريب من تريلا او مقطوره او اتوبيس كبير ماشير هو كمان بسرعه

على فكره انا غيرت الفرش بفرش من الحج احمد (جينزا كار) بفرش جلد عمل للعربيه 1500 جنيه ودى اعلا خامه عنده
العربية بقت تحفه واحلوت اكتر الي يقدر يعمله يتوكل على الله بس يستنى الصيف يخلص :))

انا عايز اعمل فرش ولكن خايف اخر ج من الضمان لانى لسه مستلم العربيه من 20 يوم وفى غبور قلولى هتطلع من الضمان وانا محتار الصراحه وخايف اعمله وحاسس ان الفرش بيخرب وخصوصا ان عندى اربع اطفال وبيخربو الدنيا

[محمد محم عثمان]

السلام عليكم
الساده مالكي أر بي انا الحمد لله اشتريت أر بي ٢٠١٢اتوماتيك وبرده عندي نفس المشاكل اللي تحدثتم عنها ( ارتفاع السيارة عن الارض غير كافي وكذلك التزييق عند ركوب اي شخص في الخلف ). المفروض أني هاروح اعمل صيانة ال٢٠٠٠٠ قريبا جدا.
انا هاروح ابو رواش فهل من نصيحه تنصحوني بها وماذا افعل في حالة رفضهم تغيير المساعدين والسست.
في انتظار ردودكم
ملحوظة :
هل يوجد رابطه لمالكي الآر بي أرجو ان اتلقي منكم دعوة للمشاركة بها
م : محمود ادريس

وانا اضم صوتى لصوت حضرتك لانى مستلم العربيه من 20 يوم وكل اللى انت بتقولو عندى فى 2015 ومش عارف اعمل ايه ......

[drcobra]

انا عايز اعمل فرش ولكن خايف اخر ج من الضمان لانى لسه مستلم العربيه من 20 يوم وفى غبور قلولى هتطلع من الضمان وانا محتار الصراحه وخايف اعمله وحاسس ان الفرش بيخرب وخصوصا ان عندى اربع اطفال وبيخربو الدنيا

يعنى اية فرش العربية يطلعك من الضمان
اعملة وخلى حد يفتح بقة

انا غيرت الجنوط من 14 الى 15 سبور لما المهندس بيتكلم معايا قلتلة بص بقا تعالى افهمك مقاس الكاوتش وازاى تغير وان المقاس الجديد نفس الاصلى بفرق بسيط جدا والحدود المسموح بيها
والله قفل بقة وما اتكلمش

[drcobra]

وانا اضم صوتى لصوت حضرتك لانى مستلم العربيه من 20 يوم وكل اللى انت بتقولو عندى فى 2015 ومش عارف اعمل ايه ......

يا جماعة لازم تغيروا المساعدين ضرورى
العربية بالمساعدين الفابريكا بتتنطط ولو واحد بس تقيل ركب ورا هتحك
اولا اتكلم مع الفرع اللى انت متابع معاة ولو رفضوا او قالولك استنى فترة طويلة ابعت ايميل لهيونداى مصر وهيكلموك ويحددوا ميعاد للتغير

بصراحة دى مشكلة الار بى الوحيدة

[محمد محم عثمان]

يعنى اية فرش العربية يطلعك من الضمان
اعملة وخلى حد يفتح بقة

انا غيرت الجنوط من 14 الى 15 سبور لما المهندس بيتكلم معايا قلتلة بص بقا تعالى افهمك مقاس الكاوتش وازاى تغير وان المقاس الجديد نفس الاصلى بفرق بسيط جدا والحدود المسموح بيها
والله قفل بقة وما اتكلمش

[محمد محم عثمان]

يا جماعة لازم تغيروا المساعدين ضرورى
العربية بالمساعدين الفابريكا بتتنطط ولو واحد بس تقيل ركب ورا هتحك
اولا اتكلم مع الفرع اللى انت متابع معاة ولو رفضوا او قالولك استنى فترة طويلة ابعت ايميل لهيونداى مصر وهيكلموك ويحددوا ميعاد للتغير

بصراحة دى مشكلة الار بى الوحيدة

انا عايز اعرف حاجه واحده بس موديل 2015 المساعدين اللى موجوده فيها هى اللى بتكلمو عليها .....انا سمعت كلمكو وروحت التوكيل وقولتلهم على الحكه وقولتلهم عايز اغير المساعدين علشان وحشه .....رد عليه البش مهندس وقلى المساعدين اللى نازله فى ال2015 مش زى اللى الموديلات اللى فاتت وهيونداى تداركت الموقف وعدلتها وخلتها غاز على هيدروليك ودا احسن حاجه .......وخلانى امشى وانا بضرب اخماس فى اسداس وخصوصا انى مش بعرف اعمل مشاكل ولا اعلى صوتى .....افيدونى بسرعه .....علشان انا مضايق جدا علشان كنت امبارح مركب اولادى الصغننين فى الكنبه ور وكنت باخد مطب مش كبير جدا ولا حاجه كان متوسط ولقيت العربيه بتحك ...اتجننت

[matantawy]

انا عايز اعرف حاجه واحده بس موديل 2015 المساعدين اللى موجوده فيها هى اللى بتكلمو عليها .....انا سمعت كلمكو وروحت التوكيل وقولتلهم على الحكه وقولتلهم عايز اغير المساعدين علشان وحشه .....رد عليه البش مهندس وقلى المساعدين اللى نازله فى ال2015 مش زى اللى الموديلات اللى فاتت وهيونداى تداركت الموقف وعدلتها وخلتها غاز على هيدروليك ودا احسن حاجه .......وخلانى امشى وانا بضرب اخماس فى اسداس وخصوصا انى مش بعرف اعمل مشاكل ولا اعلى صوتى .....افيدونى بسرعه .....علشان انا مضايق جدا علشان كنت امبارح مركب اولادى الصغننين فى الكنبه ور وكنت باخد مطب مش كبير جدا ولا حاجه كان متوسط ولقيت العربيه بتحك ...اتجننت

صور المساعدين لو تقدر و نزلهم و احنا نحاول نقولك دول ايه

[lelouch]

السلام عليكم
حاليا معايا فيرنا 2010 وبفكر اجيب الاكسنت هاي لاين abs و اير باج
اتكل علي الله واجيبها ولا في مشاكل وتنصحوني ببديل؟

[Amostafa1985]

ندعو جميع ملاك هيونداى اكسنت ار بى للانضمام الينا فى الصفحه الخاص بلسياره ... علشان نستفيد من خبرات بعض ونشارك الاراء ده لينك والجروب

https://www.facebook.com/groups/Hyundai.AccentRB.Club

Hyundai Accent RB Club Egypt
اتمنى الانضمام وشكرا للاداره نايل موتور ستظل المرجع لينا ديما واكبر منتدى سيارات

https://www.facebook.com/groups/Hyundai.AccentRB.Club

Hyundai Accent RB Club Egypt

[hesham elkady1]

السلام عليكم ورحمة الله بداية انا سعيد جدا اني انضميت أخيرا إلى هذا المنتدى و أقسم بالله العظيم أنا متأبع المنتدى منذ أكثر من أربع سنوات و استفدت به كثيرا و افدت به أصدقاء لي كثيرا و كل هذا من القراءه فقط كل عام وانتم بخير بمناسبة شهر رمضان و ارجو منكم نصيحتي لشراء سياره من ثلاث رينو لوجان اوتوماتيك هاي لاين أو اكسنت 2015 أو ريو اول فئه. أرجو الحيادية في الرد و جزاكم الله خيرا

[mif]

السلام عليكم ورحمة الله بداية انا سعيد جدا اني انضميت أخيرا إلى هذا المنتدى و أقسم بالله العظيم أنا متأبع المنتدى منذ أكثر من أربع سنوات و استفدت به كثيرا و افدت به أصدقاء لي كثيرا و كل هذا من القراءه فقط كل عام وانتم بخير بمناسبة شهر رمضان و ارجو منكم نصيحتي لشراء سياره من ثلاث رينو لوجان اوتوماتيك هاي لاين أو اكسنت 2015 أو ريو اول فئه. أرجو الحيادية في الرد و جزاكم الله خيرا

خرج لوجان من اختياراتك لانها فئة اقل من الاكسنت و الريو و سعرها مبالغ
و مفيش حاجة اسمها لوجان هاي لاين ... دول شوية نصابين لان اعلى فئة فى اللوجان اخرها 85 بالسعر العادل (لكن التوكيل محتكر استيرادها لان مفيش منها في دول الخليج او دول اورومتوسطة بتيجي من المغرب حصري للتوكيل بتخفيضات كبيرة فى الجمارك و مفيش تاجر حيروح يجيبها من روسيا او رومانيا او الهند لانه حياخدها بسعر اعلى ما بتيجي من المغرب و تكلفة نقلها حيزيد و بكدا التوكيل محتكر و ضارب ارقام بالنسبة لامكانيات العربية فى السما )
لوجان تكييف سئ
لوجان تكنولوجيا التسعينات
لوجان استهلاك اعلى من ريو و ريو استهلاك اعلى من اكسنت
لوجان قطع غيار محتكرة و مبالغة عكس الكوري
لوجان سيارة فقراء شرق اوروبا (اللى مش عايز يركب لادا ب 5000 دولار بيركب لوجان ب
لوجان اعادة بيع مقبولة


الاكسنت اوسع و اكثر اقتصادية و اكثر انتشارا من الريو

اكسنت سيارة ممتازة للمدينة و العائلة و جيدة جدا فى السفر

[hesham elkady1]

شكراً لاهتمام حضرتك بس انا سمعت عن مشاكل للاكسنت زي الصاج الخفيف جداً التكيف و الأهم انها واطيه جداً و دي مشكله لأن طريق شغلي زفت. و بالنسبة للوجان انا سألت أصحابها الكل بيشكر فيها جدا خصوصا بعد ما نزلت اتوماتيك

[hesham elkady1]

الريو عاجباني جدا و شكلها تافه بس خايف من الموتور 1400 مش عارف ده تأثير ه ايه على السحب و التكيف

[hesham elkady1]

قصدي تحفه

[hesham elkady1]

هي الناس راحت فين عاوز خبراء نايل موتورز