Tweet
يا جماعة انا معايا النترا 2010 عاملة 40000 كم , وامبارح سمعت صوت طقة وانا بلف الدريكسيون فى اخر اليمين وهو قرب يجيب اخره من ناحية اليمين , انا قلقان اوى العربية تقريبا بره الضمان عشان مش متابع الصيانات كلها عندهم معملت غير 3 صيانات بس , يا ترى ده صوت ايه وهل ممكن اعالجه بره ؟؟ هل هو حاجة بسيطة ولا الموضوع كبير انا قلقلان جدا , انا شارى اصلا العربية مستعملة وكانت عاملة 28000كم
-
-
الموضوع بسيط (الكوبلن عايز يتغير)[frame="7 50"][B][SIZE="3"]إن الله يعطيك ما ينفعك وليس ما تطلبه ، إلا أذا ما تطلبه هو النافع لك ، وذلك لأنك كثيرا ما تطلب ما لا ينفعك[/SIZE][/B][/frame] -
لو الصوتده بيخصل وانت واقف بالعربيه ...اكشف علي صليبه الدركسيون غالبا هاتلاقيها مبوشه شويه علشان هي عامه فبر ضعيف
الطقه دي كانت في عربيتي وروحت عملتها وبعدين رجعت بعديها بسنه بس مش شغلاني لاني عارف سببها...لو هاتغير الصليبه جديده ب 1500 تقريبا ..ومش عارف تمنها كام استيراد
لو الطقه بتحصل اثناء المشي وانت كاسر الدركسيون وبصوره متصله تبقي كبالن ( لو مش عارف صوتها اركب 128 مع اي حد واتعرفه ساعتها)[SIZE=5][COLOR=Navy][B]سبحان الله وبحمدة...سبحان الله العظيم[/B][/COLOR][/SIZE]Comment
-
لا هى صوت طقة واحدة مش متكررة سواء انا ماشى او واقف وناحية لف الدركسيون يمين, دلوقتى انا محتار هى قطمة دركسيون ولا وصلة دركسيون (صليبة) ولا علبة دركسيون ولا كوبلن انا عايز اعرف العيب على الاقل عشان مغيرش على الفاضىComment
-
في الغالب ده كوبلن بس في أول النهاية الحتمية لهالمشاركة الأصلية كتبت بواسطة eslam9002011 مشاهدة المشاركة
يعني خليه يأخد باقي عمره لحد أما الطقطقة تزيد جدا و تبقي من الجانبين و بعد كده تغييرهم الجوز مع بعضComment
-
متابع
انا عندى الطقة دى برضه ومحدش عرف يعملهالى
بس ماشى بيها عادى
بس ياريت حد يفيدنا بسعر الكوبلن ونغيره منين فى اسكندرية
عايزين مركز صيانة محترم فى اسكندرية للهيونداىComment
-
طبعا الكشف علي العربيه هو الفيصل بس انا كان ليا حوار مع الطقه دي ودوخت بالعربيه علشان كنت خايف انها تكون قطمه دركسيون وكانت الاعراض متشابهه مع حضرتك والكل قاللي انها صليبه ودي منتشره في الهيونداي كله وكبسهالي شحم وما اتكلفتش غير 30 جنيه بالمصنعيه والصوت اختفي تماما بعدها بس رجع تاني بعدها بسنه وانا مش شاغل بالي بيه ومش باحاول اكسر الدركسين علي الاخر[SIZE=5][COLOR=Navy][B]سبحان الله وبحمدة...سبحان الله العظيم[/B][/COLOR][/SIZE]Comment
-
نفس المشكلة حصلت معى فى عربية النترا 2011 وبردة معملتش غير 3 صيانات فى التوكيل وبعدين طنشتهم المهم رحت التوكيل فى طنطا كشفوا على العربية وبعد مشادات طويلة مع مهندس الصيانة قالى دة عيب فى الاسكترا وانت كدة برة الضمان وسعرها 2500 جينة المهم اخدت العربية ورحت على توكيل ابو رواش بعد ماكشفوا على العربية قالولى العيب من وصلة الدريسكيون وهيغيروها على الضمان وتم تغيرها فعلا وراحت الطقة بالفعل لاكن بعد 3 شهور بدات تظهر على خفيف اوى خصوصا ونا بلف الدريكسون والعربية واقفةComment
-
ربط البطاحات بتاعة العربيه لانها ساعات بتعمل الطقه ديهComment
-
يا جماعة انا رحت التوكيل النهاردة فرع قليوب وقالولى ده عيب وصلة دركسيون وغيرولى الوصلة بتاع الدركسيون وبعد ما روحت بالليل لقيت الصوت لسه موجود وبقى ناحية الشمال , بس الاكيد انه مش كبلن ده اللى اكدهولى لان الصوت فى الدركسيون مش فى العفشة , اعمل ايه ايه رايكمComment
-
أنا زيك بالضبط و دوخت السبع دوخات لغاية ما في الأخر عملت نفسي مش سامع أي حاجة لغاية أما الكبالن بقت عاملة زي البسيسة و لما غيرتها راح الصوت تماما
طبعا مش شرط تبقي مشكلتك نفس مشكلتي
بس قصدي أقولك ماتقلقشي من الصوت دهComment
Comment