قدامى فيرنا 2006 ايه رأيكم

[Karim Emad]

بسم الله الرحمن الرحيم
السلام عليكم ورحمه الله وبركاته
مبدأيا كدا ياجماعه دى اول مشاركه ليا وان شاء الله مش هاتكون اخر مشاركه لانى عايز اتعلم اكترمن خبراتكوا بس يارب الاقى تفاعل معايا
المهم انا ان شاء الله ناوى اخلص فى عربيه فيرنا 2006 حاله ممتازه بس عايز شويه نصائح من اهل الخبره وياسلام لو على تجربه شخصيه
سمعت ان الفيرنا 2008 واطيه وبتحك فى المطبات وكدا الصراحه قلقت شويه بس سمعت انها عيب فى الموديل دا بس يعنى ممكن 2006 تكون براءه وعايز اعرف السحب والثبات بتوعها اخبارهم ايه
عايز كمان افضل زيت للسياره والبنزين 90 ولا 92 ولا كام بالظبط
كمان عايز اخد رأيكم فى السعر
هى حالتها جااااامده جدا جدا ومفيش فيها خربوش - عفشتها ميه ميه - تكييف قوى جدا - موتور 1600cc -عتب - فاميه فى الزجاج الخلفى - مانيوال
صاحبها طالب فيها 48 بس انا هخلصها على 45 ان شاء الله
ايه رأيكوا فى السعر حاسس انه على موديل 2006 ممكن تكون غاليه بس بقول برضه مش لازم الموديل
عايز اعرف رأيكوا فى العربيه بشكل عام
منتظر الردود

[mshmshm3]

بالنسبة للأرتفاع هو واحد في كل موديلات الفيرنا لحد 2009 ولو اخدت المطب بالراحة اوي العربية مش هاتحك
المهم اتأكد ان العربية مش مرشوشة و اكشف عليها في التوكيل ولو طلعت تمام اتوكل علي الله و اشتريها هي عربية كويسة جدا و اقتصادية و اعتمادية و قطع غيارها عند البقال ده بجد تخيل لما تنزل اي حتة و تسأل علي قطع غيار ليها تلاقي بدل المحل 1000 علي عكس ماركات تانية زي الفولفو مثلا مثلا هتلاقيها بس بصعوبة و هتلاقيها غالية الفيرنا بتلاقي قطعة الغيار وتلاقي البديل ليها كمان
لو انت بتحب الجري و عايز تعزز الثبات هات جنوط و نصيحة ركب المقاس الصح علشان ما يحكش في الرفرف او العفشة
و اخيرا استمتع بالعربية و الف مبروك مقدما

[Karim Emad]

بالنسبة للأرتفاع هو واحد في كل موديلات الفيرنا لحد 2009 ولو اخدت المطب بالراحة اوي العربية مش هاتحك
المهم اتأكد ان العربية مش مرشوشة و اكشف عليها في التوكيل ولو طلعت تمام اتوكل علي الله و اشتريها هي عربية كويسة جدا و اقتصادية و اعتمادية و قطع غيارها عند البقال ده بجد تخيل لما تنزل اي حتة و تسأل علي قطع غيار ليها تلاقي بدل المحل 1000 علي عكس ماركات تانية زي الفولفو مثلا مثلا هتلاقيها بس بصعوبة و هتلاقيها غالية الفيرنا بتلاقي قطعة الغيار وتلاقي البديل ليها كمان
لو انت بتحب الجري و عايز تعزز الثبات هات جنوط و نصيحة ركب المقاس الصح علشان ما يحكش في الرفرف او العفشة
و اخيرا استمتع بالعربية و الف مبروك مقدما

الله يبارك فيك
وشكرا يا مشمش على رأيك المهم جدا
بس ماقولتليش رأيك ايه فى السعر هل العربيه فعلا تستحق 45 وعلى فكره هى فابريكا بره وجوه ومش مرشوشه
شكرا مره تانيه

[esam_ayad]

العربيه دي جامده جدا وأخويا بيموت فيها جدا وناوي يشتريها
انا كنت امبارح في فرح أخت زوجتي وكان ماشي قدامنا فيرنا قريبه من الموديل بتاعك وكان راكب فيها اتنين جمب السواق وتلاته ورا وكانت ماشيه حلو جدا بس بصراحه ماكانش في مطبات عاليه أوي علشان اقدر احكم عليها انها بتحك ولا لأ؟ وبالنسبه للسعر الناس هنا في المنتدي هايفيدوك ان شاء الله

[ahmedbasto]

هو السعر حلو وطالما العربية حالة زى ما حضرتك بتقول يبقى تستاهل بس أكشف عليها كويس

[Karim Emad]

العربيه دي جامده جدا وأخويا بيموت فيها جدا وناوي يشتريها
انا كنت امبارح في فرح أخت زوجتي وكان ماشي قدامنا فيرنا قريبه من الموديل بتاعك وكان راكب فيها اتنين جمب السواق وتلاته ورا وكانت ماشيه حلو جدا بس بصراحه ماكانش في مطبات عاليه أوي علشان اقدر احكم عليها انها بتحك ولا لأ؟ وبالنسبه للسعر الناس هنا في المنتدي هايفيدوك ان شاء الله

شكرا استاذ عصام
وان شاء الله اخوك موفق فى شرائها قريب

[Karim Emad]

هو السعر حلو وطالما العربية حالة زى ما حضرتك بتقول يبقى تستاهل بس أكشف عليها كويس

شكرا استاذ احمد
فعلا العربيه حلوه جدا بس انا مش هاجيبها
الموتور بتاعها جامد وكلها قويه جدا بس اكتشفت انها راشه خارجى كاااااامل ومتغيرلها رفرفين قدام هم الرفرفين مش مأثرين فى حاجه بس رش العربيه قلقنى وسألته قبل كدا على الرش وقالى فابريكا ومادام بدايتها كذب يبقى مش عايزها

[ahmedbasto]

شكرا استاذ احمد
فعلا العربيه حلوه جدا بس انا مش هاجيبها
الموتور بتاعها جامد وكلها قويه جدا بس اكتشفت انها راشه خارجى كاااااامل ومتغيرلها رفرفين قدام هم الرفرفين مش مأثرين فى حاجه بس رش العربيه قلقنى وسألته قبل كدا على الرش وقالى فابريكا ومادام بدايتها كذب يبقى مش عايزها

بصراحة طالما صاحبها كذب فى حاجة يبقى توقع انه كذب فى حاجات تانية كتير وان شاء الله تلاقى احسن منها

[mshmshm3]

الله يبارك فيك
وشكرا يا مشمش على رأيك المهم جدا
بس ماقولتليش رأيك ايه فى السعر هل العربيه فعلا تستحق 45 وعلى فكره هى فابريكا بره وجوه ومش مرشوشه
شكرا مره تانيه

العفو ياباشا علي ايه
لا طالما مرشوشة يبقي استني شوية و دور هتلاقي منها كتير اوي موديلات مختلفة و هتلاقي فابريقة برة و جوة و ممكن تلاقي في حدود 45 او 50 الف و مش ماشية كتير بس ما تتسرعش

[Ashraf_Ibrahim]

مبدئيا حتى لو هي كانت فابريكا فالسعر عالي
لعربية دي اخرها 40000 متزيدش عنه عشان الموديل
اما كاية انها راشة هل هي راشة حزام واللا راشة كله وسقف كمان؟!
لو راشة حزام يعني العربية كلها عدا السقف والقوايم دي مفيهاش مشكلة متقلقش منها خالص لأنها ممكن كان متأمن عليها وهو ب يستغل التأمين او اتخبطت مثلا ودخلت تأمين او ما شابه فدا ميقلقش اهم شيء ان العربية قوايمها وسقفه تمام وفابريكا ودا معناه انها متقلبتش او خدت خبطة اثرت على اساسيات العربية
ايا ما كان السعر دا ممكن تزود عليه وتوصل 50000 وتجيب حتة 2010 بس هتكون فاضية -ودي محلول فيها مشكلة ارتفاع العربية -

[Karim Emad]

العفو ياباشا علي ايه
لا طالما مرشوشة يبقي استني شوية و دور هتلاقي منها كتير اوي موديلات مختلفة و هتلاقي فابريقة برة و جوة و ممكن تلاقي في حدود 45 او 50 الف و مش ماشية كتير بس ما تتسرعش

عندك حق يامشمش انا اول مالقيتها رشه مادورتش على الباقى
وادينى صابر وربنا يوفق
شكرا على اهتمامك

[Karim Emad]

مبدئيا حتى لو هي كانت فابريكا فالسعر عالي
لعربية دي اخرها 40000 متزيدش عنه عشان الموديل
اما كاية انها راشة هل هي راشة حزام واللا راشة كله وسقف كمان؟!
لو راشة حزام يعني العربية كلها عدا السقف والقوايم دي مفيهاش مشكلة متقلقش منها خالص لأنها ممكن كان متأمن عليها وهو ب يستغل التأمين او اتخبطت مثلا ودخلت تأمين او ما شابه فدا ميقلقش اهم شيء ان العربية قوايمها وسقفه تمام وفابريكا ودا معناه انها متقلبتش او خدت خبطة اثرت على اساسيات العربية
ايا ما كان السعر دا ممكن تزود عليه وتوصل 50000 وتجيب حتة 2010 بس هتكون فاضية -ودي محلول فيها مشكلة ارتفاع العربية -

متشكر جدا استاذ اشرف انا بردو كنت بقول ان 45 عليها كتير
العربيه راشه كامل حزام وسقف وابواب ومتغيرلها رافارف قدام وجنوط
صاحبها بيقول انه لما اشتراها كان لونها ابيض وعليها باتشات علشان كدا اداها لون اسود
انا ماصدقتش لانه قبل ماشوفها كان قايل انها فابريكا بره وجوه
كمان الفرش مضروب بالنار والدركسيون متأكل
وكمان ضيقه من ورا اساسا انا اول ماشوفت الرش قفلت منها خالص
ومعاك حق زى ماقولت ازود 5 الاف واشوف حته فيرنا او ممكن اشتريها جديد
انا هنزل بكره اخد لفه كدا على حاجه تانيه ولو فى اى حاجه هاجى اخد رأى اهل الخبره فى المنتدى الجامد دا
ان شاء الله ربنا يوفق بكره
ومتشكر ليك مره تانيه

[ahmedbasto]

ربنا يقدم لحضرتك اللى فيه الخير ان شاء الله

[Ashraf_Ibrahim]

متشكر جدا استاذ اشرف انا بردو كنت بقول ان 45 عليها كتير
العربيه راشه كامل حزام وسقف وابواب ومتغيرلها رافارف قدام وجنوط
صاحبها بيقول انه لما اشتراها كان لونها ابيض وعليها باتشات علشان كدا اداها لون اسود
انا ماصدقتش لانه قبل ماشوفها كان قايل انها فابريكا بره وجوه
كمان الفرش مضروب بالنار والدركسيون متأكل
وكمان ضيقه من ورا اساسا انا اول ماشوفت الرش قفلت منها خالص
ومعاك حق زى ماقولت ازود 5 الاف واشوف حته فيرنا او ممكن اشتريها جديد
انا هنزل بكره اخد لفه كدا على حاجه تانيه ولو فى اى حاجه هاجى اخد رأى اهل الخبره فى المنتدى الجامد دا:copy of m-s5:
ان شاء الله ربنا يوفق بكره
ومتشكر ليك مره تانيه

تحت أمرك في أي وقت يا عزيزي وربنا يكرمك يا رب
ولو تسمع نصيحتي هاتها زيرو او كسر زيرو تكون ماشية سكة 10000 كم مثلا او حاجة ودا مش معناه ان المستعمل وحش بس دا أضمن

[Karim Emad]

ربنا يقدم لحضرتك اللى فيه الخير ان شاء الله

ربنا يكرمك استاذ احمد
الف شكر على اهتمامك