كونسول الماتريكس

[meshocall]

مساء الخير للجميع
انا عربيتي ماتريكس 2006 ، للاسف حصل كسر في الكونسول الرمادي اللي ف التابلوه "الوش" اللي من اول الهوايات ونازل لحد الكاسيت و الطفايه ، بسبب كهربائي وهو بيغير لي كاسيت العربيه

وسألت على اكسسوارات النيكل اللي بتتلزق ف الفيرنا و الالنترا قولت الزقها عليها وخلاص بس للاسف ملقتش للماتريكس ، لو في حد عنده حل ياريت يقوللي ، او يقوللي اغير القطعه دي منين ضرووووووري بعد اذنكم

مستني مساعدتكم ، وشكراً

[meshocall]

في انتظار ردكم

[Ashraf_Ibrahim]

ممكن تروح عند اي حد بتاع اكسسوارات يعملهالك كاربون سيلفر او اي لون انت عاوزه وبكدة تداري الكسر دا نهائيا

[meshocall]

ميرسي جدا لرد حضرتك بس ممكن معلومات اكتر عشان انا اول مره اسمع الموضوع ده
يعني اروح اقوله ايه مثلا او لو حضرتك عارف حد ممكن تقولي عليه

[Ashraf_Ibrahim]

الكاربون دا نوع من انواع الجلود اللي الناس بتعمل بيه الكابوت والشنطة واحيانا اجزاء من العربية لو اتخبطت واتعملت على البارد مثلا او حتت قشرت وهو مش عاوز يرش ا وفي بعض الاحيان حماية للبوية بتاعة العربية
هتروح لأي محل اكسسوارات وتوريله الكونسولة وقله عاوز اعملها كاربون وقله اللون اللي انت عاوزه وهو هيوريلك الالوان اللي عنده وهيظبطك يعني
الناس اللي اعرفهم في شبرا مصر لو قريب من حضرتك أوصفلك واحد كويس هناك

[ahmedhilmy]

بس انا متهيالي شكل الكاربون في تابلوه العربيه مش هيبقي حلو هيبقي مش متناسب مع المظهر العام عموما هما في ناس كتيرور بتوع اكسسوار بيعملوه و في التوفيقيه عندهم تشكيله كبيره جدا و بالوان مختلفه و سمعت ان في منهم بيطبلعك اللون اللي انت عايزه
بس لو حضرتك عايز تحل الموضوع جذريا انزل الحرفيين و اشتري واحد استيراد لان نفس اللي حصل عند حضرتك حصل في عربيتي النيو اكسنت و لقيته هناك فعلا بس غالي كان من 250 - 450 فاستكترت المبلغ فقلت هسيبه لغايه ميبوظ خالص و بعدين ابقي اغيره

[Ashraf_Ibrahim]

ممكن لو مش عاجبه الكاربون بدل الكاربون يحط لزق على هيئة خشب الابانوس برده هيبقا شكله جامد :d
او ينزل يشتري كونسولة جديدة حسب دماغه

[ahmedhilmy]

نسيت اقول لحضرتك ان ده الشرخ التاني عندي الاول لما حصل لحمته عند واد بتاع فايبر و طلع و لا كانه موجود نهائي يدوبك تشعيره خفيفه دا محدش يقدر يلاحظها اساسا و مخدش فيها شغل ٥ دقايق و خد ساعتها ٢٠ جنيه انا قلت اقول لحضرتك الاقتراح د كمان

[meshocall]

متشكر اوي لمساعدتكم وكنت متأكد اني هلاقي حل ف المنتدى هنا

انا من الهرم وممكن اروح شبرا عادي مش مشكله بس احل الموضوع ، فين ف شبرا ؟

وفكرة الفايبر دي كويسه ممكن ألحمه وخلاص لو نفع وسمعت ان في ناس بتوع فايبر ممكن يعملوا الجزء ده من اول وجديد ، طيب فين بتاع الفايبر ده ؟؟

[Ashraf_Ibrahim]

حضرتك تقدر تكلمني ونروح سوا انا معنديش مشكلة وبالمرة اتعرف على حضرتك طبعا :]

01113014761

[ahmedhilmy]

متشكر اوي لمساعدتكم وكنت متأكد اني هلاقي حل ف المنتدى هنا

انا من الهرم وممكن اروح شبرا عادي مش مشكله بس احل الموضوع ، فين ف شبرا ؟

وفكرة الفايبر دي كويسه ممكن ألحمه وخلاص لو نفع وسمعت ان في ناس بتوع فايبر ممكن يعملوا الجزء ده من اول وجديد ، طيب فين بتاع الفايبر ده ؟؟

بتاع الفيبر كان في الحرفيين عملته عنده لما قررت ان مشتريش الوش الجديد و مش حد معين عديت عليه سالته ينفع يتلحم قال ايوه فكه لحمه و ركبه