لقيت العربيه الحمد الله على كل شى ياريت استفسار ضرورى

[drttemon]

الحكايه ممكن تعرفها من هنا

واحد صاحبى كان رايح الشغل بتاعه النهارده لقى عربيه زى بتاعتى عامله حادثه على الطريق اتثل بيا رحت لفتها هيا

العربيه واخده خابطه من ورا السمكرى جه بص عليها قالى عايزه نص ورا

انا والله معرفشى فيهم على العموم انا صورتها وهرفع الصوره وياريت اى ساعده فى الاسعر وهل فعلا عايزه النص ورا
الحمد الله على كل شى

شكرا مقدما

[motoxp]

الف مبروك وزى ما بيقولو فى المثل نصف العما ولا العما كله

و متخفش حتى لو عايزة نصف خلفى السمكرية محترفين فى الحاجات دى دلوقتى

[virus2007]

الف الف الف مبرووووووك

احمد ربنا واشكر فضلوا دا اولا ومتقلقش لو حتة عاوزة نص خلفى

ارفعلنا الصور واحنا حنفيدك باذن الله :)

[medoghaly]

الف مبروك كويس لحد كده و ارفع الصور و ان شاء الله نفيدك

[semsem7222]

الحمد لله وقدر الله وما شاء فعل اكيد خير ان شاء الله

[drttemon]

شكرا جدا ياجماعه على الردود الطيبه ربنا لا يوريكم

ديه الصوره بتاعتها

[koshary]

شكرا جدا ياجماعه على الردود الطيبه ربنا لا يوريكم

ديه الصوره بتاعتها

مبررررررروك رجوع العربية ياباشا بس انا شايف انك تروح لسمكرى تانى بسيطة ان شاء الله

[drttemon]

لحد دلوقتى اربعه شفوها نفس الكلام كله قال نص ورانى !!!!

[HeMa_LanCeR]

بالفعل هتحتاج نص
لأن الجزء اللي ورا الأكصدام دة استحالة حد يرجعة زي ماكان
بس المهم تختار سمكري بيغير انصاص كتير وليس سمكري عادي

[egyseadragon]

رب ضارة نافعة..،..الخبطة دي هي إلي خليت الحرامي يجري ويسيب العربية....سبحان الله.....ربنا يعوض عليك

[Ashraf_Ibrahim]

انت مش محتاج سمكري عادي يا عزيزي
انت محتاج مركز تجديد عربيات عشان ترجع زي ما كانت
انا اعرف واحد في الفسطاط لو تحب اوصفهولك

[virus2007]

شكرا جدا ياجماعه على الردود الطيبه ربنا لا يوريكم

ديه الصوره بتاعتها

ربنا يعوض عليك ان شاء الله ومتقلقش بسيطة

من الزاوية دى انا شايف ان الشاسية مع الاكصدام والفاونيس والشكمان بس هى الى حتتغير ودول مش حيكلفوك كتير

والرفارف والشنطة ممكن يستعدلوا بس طبعا لازم السمكرى يكون شاطر


سؤال : هل فى اى خبطة تانية ادام مثلا ولا هى بس كدة من ورة ؟

[M.Ayman]

اولا مبروك على انك لقيت العربيه الحمد لله ,,, ثانيا من الصوره شكلها مش مبين انها محتاجه نص خلفى ,,,, بس طبعا انا مش هفهم زى السمكرى الله اعلم ,,, لو نويت تغير النص ياريت بقى تروح لحد ثقه و بيعمل الكلام ده كتير لان لو سمكرى اى كلام او مش متخصص فى الحوار ده عمله مش هتتظبط ,,,,, امانه عليك بس لو فى يوم حبيت تبيع لحد عرفه انها مغيره نص خلفى عشان فى سمكريه جامدين بيخلوها متبانش بس بتبقى ضحك على الناس و اكيد حرام

[m7mda7md]

سبحان الله فعلا.....ساعه ما شوفت الموضوع اﻷول بتاع حضرتك معرفتش اكتب لك ايه و كأنها عربيتي ال اتسرقت و الله. و قولت ربنا يصلح حال البلد ..بصراحه مكنتش متخيل اني اتحط في نفس الموقف و افضل عايش هههههههههههههه.....الحمد لله ان النص ده خلفي مش امامي و الا كنت هتدخل في دوامه حوض بموتور و الله اعلم بالنتيجه.......موضوع تغيير النص بيتعمل كتير و الحمد لله ان عربيتك بردو الخبطه فيها مش واخده النص كامل،يدوب الشنطه و الرفارف و الحمد لله بعيده عن القوايم و متهيألي تطلع مظبوطه و مش محتاج انك تبيع و تجيب حاجه نضيفه.....ربنا يوفقك و ألف مبروك

[atyam]

الحمد لله وقدر الله وماشاء فعل

ومن الاخر اطلع على الحرفيين هما هناك اساتذه وحتى لو هتعوز نص هيرجعوهالك زى ماكانت