مشكــــــــــــــــــــلة غريبــــــــــــــــــــه

[ahmad33hussein]

السلام عليكم ورحمة الله وبركاته

ازيكم يا شباب , كل سنة وانتوا طيبين وعيد سعيد عليكم

عندي مشكلة مش عارف الاول هي كهرباء ولا ايه.
وهي



انا غسلت عربيتي وهي النترا 2011
غسلتها بنفسي وبعد ما خلصت واتحركت بيها لاحظت

إن صوت الانذار وانا بقفلها او افتحها مش مظبوط وواطي شوية قولت
اكيد حصلته ميه من الغسيل
وقولت يوم ويتعدل لوحده لما تنشف الميه مثلا,
بس الموضوع منتهاش علي كده

الموضوع مستمر معايا لغاية النهاردة وعدي عليه تقريبا اكتر من شهر
المشكلة بقي

- صوت الانذار مش طبيعي
- ممكن افتح العربيه بالريموت وتفضل لمبة الانذار اللى فوق التابلوه منوره بعد فتح الباب
وكمان بعد تشغيل العربية وبعدها بشوية يبدأ يحس ان العربية اتحركت
ويدي الانذار !! وبسكته بالريموت وانا ماشي بيها
- كل المشاكل دي مش بتحصل بأستمرار اوقات كتيره العربية بتفتح وتقفل
كأنها لسه خارجه من المعرض
- مع العلم العربية بتسمكر في كل الحالات

وسؤال كمان هو الانذار ليه ضمان . وانا كده اغير الانذار كله ولا ايه مظنش ان مشكلة فيوز والا كان فصل خالص . ايه رأيكم

[alaamousa]

غالبا جهاز الانذار حصل فيه قافله الكهربائي ان شاء الله يظبطهالك في وقت قليل

[john55]

السلام عليكم ورحمة الله وبركاته

ازيكم يا شباب , كل سنة وانتوا طيبين وعيد سعيد عليكم

عندي مشكلة مش عارف الاول هي كهرباء ولا ايه.
وهي



انا غسلت عربيتي وهي النترا 2011
غسلتها بنفسي وبعد ما خلصت واتحركت بيها لاحظت

إن صوت الانذار وانا بقفلها او افتحها مش مظبوط وواطي شوية قولت
اكيد حصلته ميه من الغسيل
وقولت يوم ويتعدل لوحده لما تنشف الميه مثلا,
بس الموضوع منتهاش علي كده

الموضوع مستمر معايا لغاية النهاردة وعدي عليه تقريبا اكتر من شهر
المشكلة بقي

- صوت الانذار مش طبيعي
- ممكن افتح العربيه بالريموت وتفضل لمبة الانذار اللى فوق التابلوه منوره بعد فتح الباب
وكمان بعد تشغيل العربية وبعدها بشوية يبدأ يحس ان العربية اتحركت
ويدي الانذار !! وبسكته بالريموت وانا ماشي بيها
- كل المشاكل دي مش بتحصل بأستمرار اوقات كتيره العربية بتفتح وتقفل
كأنها لسه خارجه من المعرض
- مع العلم العربية بتسمكر في كل الحالات

وسؤال كمان هو الانذار ليه ضمان . وانا كده اغير الانذار كله ولا ايه مظنش ان مشكلة فيوز والا كان فصل خالص . ايه رأيكم

لو حضرتك في الضمان ومتابع مع التوكيل هيعمله من غير اي فلوس انا كان عندي مشكله في السنتر واتحلت

[Karim Emad]

دى تقريبا قفله فى الانذار
ان شاء الله بسيطه
روح التوكيل او كهربائى متمكن
بس انا افضل التوكيل
ربنا يوفقك وتتحل بسرعه

[koshary]

كدا فى مشكلة فى برمجة جهاز الانذار لو حضرتك فى الضمان هيصحلوه غير كدا اى محل اكسسوارات هيخلع الجهاز من مكانو وهياخدو المحل يشيل السيستم من عليه ويحط سيستم من اول وجديد وبتتكلف 20 جنية

[ahmad33hussein]

متأسف للرد المتأخر نظرا لظروف النت عندي.
متشكر جدا يا جماعه لردودكم الطيبه
وإن شاء الله هظبطه في التوكيل
جزاكم ربي كل خير ...

[Samir Elshahawy]

أستاذ / أحمد

ياريت تقول لنا عملت ايه و ماهي النتيجة النهائية لحل المشكلة حتي يكتمل الموضوع و تعم الفائدة بأذن الله

[ahmad33hussein]

طبعا هقولكم علي النتيجه
بس لما اروح التوكيل وقت ما اعملها صيانة ال 10000
خصوصا ان اقرب توكيل في محافظة تانيه :(((