اين الماتريكس

[DEDOPETER]

كنت املك لانوس ومتابع صيانتها دائما عبر انشط وافضل صفحات ومسئولى صفحات الموقع وهى صفحه الدايوو
والان اود شراء احدى سيارات هيونداى (وذلك لانى افضل السيارات الكورى) ولأحظت من خلال الصفحه ندره الحديث عن الماتريكس فهل هذا لقله عيوبها فعلا ام ماذا ؟
ارجو الافاده بأراء محايده عن الماتريكس من كل النواحى .
[marq="3;right;3;scroll"] التحيه والشكر مقدما لكل من سيساهم[/marq]

[koshary]

الماتريكس عربية عائلية متنفعش تكون حاجه غير كدا وموفرة فى كل حاجه

[DEDOPETER]

يعنى حلوه ولا وحشه ؟؟ !!!

[ahmedhilmy]

الماتريكس عربيه رائعه و ان شاء الله توفق فيها

[Ashraf_Ibrahim]

كموتور فهي نفس موتور الفيرنا دون اختلاف وهو موتور رائع قليل الاعطال
ملاكها يفيدوا حضرتك في الباقي بقا :d

[meshocall]

الماتريكس من انجح العربيات اللي نزلت مصر ، مش ف الهيونداي بس انا معايا موديل 2006
والحمدلله معملتش صيانه ليها غير الزيت و السيور و التيل

عربيه عاليه نسبيا في المطبات
عائليه من الطراز الاول
تعتمد عليها جدااااا في السفر و الرحلات
موفره جدا
صالون واسع وتحس انك مرتاح ف قعدتها ومش عايز تنزل
تكييف تلاجه بمعنى الكلمه ومش بتحس بيه وانت سايق اصلا ولا تأثر ع الموتور ولا اي حاجه
شكلها كويس ، بس بحب الشكل القديم عن الجديد
بجد لو جبتها هتعجبك ومش هتندم ابداااااااا ، ده غير طبعا ان قطع غيار الهيونداي عند البقال وباسعار ممتازه واي حد يصلحها ، وده اللي خلى الهيونداي عموما تنجح

[DEDOPETER]

يعنى ايه اشهر مشاكلها ؟ ومتى تظهر تقريبا اى بعد كام كيلومتر ؟

[Samir Elshahawy]

أخي الكريم ..

أولا.. أرحب بك معنا في قسم هيونداي (قسم النجوم) و ان شاء الله توفق و تنال ماتتمني و تصبح من مالكي الماتريكس

ثانيا.. أود ان أقدم لك بعض روابط الموضوعات التي تمت كتابتها عن الماتريكس :

(1).. http://www.nilemotors.net/Nile/10569-a-2.html

(2).. http://www.nilemotors.net/Nile/13525-a.html

(3).. http://www.nilemotors.net/Nile/18707-a-2.html

و أن شاء الله نحن في سبيلنا لأعداد أول فهرس عن موضوعات الماتريكس و عند الانتهاء منه سيتم تثبيته و التنويه عنه

[ENG_AAHMED]

استاذ سمير

فعلا انا قرات وسمعت كلام كتير عن قلة مشاكل الماتركس وانا لسه حديث العهد بيها
ماتركس 2005

توكل على الله

[ENG_AAHMED]

الماتريكس من انجح العربيات اللي نزلت مصر ، مش ف الهيونداي بس انا معايا موديل 2006
والحمدلله معملتش صيانه ليها غير الزيت و السيور و التيل

عربيه عاليه نسبيا في المطبات
عائليه من الطراز الاول
تعتمد عليها جدااااا في السفر و الرحلات
موفره جدا
صالون واسع وتحس انك مرتاح ف قعدتها ومش عايز تنزل
تكييف تلاجه بمعنى الكلمه ومش بتحس بيه وانت سايق اصلا ولا تأثر ع الموتور ولا اي حاجه
شكلها كويس ، بس بحب الشكل القديم عن الجديد
بجد لو جبتها هتعجبك ومش هتندم ابداااااااا ، ده غير طبعا ان قطع غيار الهيونداي عند البقال وباسعار ممتازه واي حد يصلحها ، وده اللي خلى الهيونداي عموما تنجح

-------------------------------------------------------------------
انا لسه مشترى ماتركس 2005 ممكن موبايل حضرتك وممكن تقولى الاسعار ايه خصوصا انى مقبل على تعير السيور والزيوت لزوم الامان

[samyomar]

العربيه معايا بقالها سنه ماشيه 60 الف كم لحد دلوقتى و بسم الله ما شاء الله ممتازه جدا و اعطالها نادره . مميزاتها باختصار الصالون الواسع جدا جدا و اماكن التخزين الكثيره بالسياره و قلة الاعطال و قوة تكييفها .يعيبها من وجهة نظرى الضيق النسبى للشنطه ( و دى مبتزعلنيش الا فى السفر بالعائله ) و من عيوبها ايضا صوت الموتور عالى ( خصوصا فى الاوتوماتيك ) , الثبات بتاعها معقول نسبيا يعنى انا كل مشاويرى بيها سفر تقريبا و بامشى بيها على سرعة 160- 170 تقريبا و مش حاسس فيها بمشكله من حيث الاتزان و الثبات حتى فى الملفات باقدر اخدها على سرعه مناسبه جدا . مشكلة الاوتو منها ان التسارع بتاعها ضعيف مقارنة بالمانوال . العربيه عائليه من الدرجه الاولى يعنى لو ناوى على حرق و شد و جرى يبقى طلعها من دماغك لانها مش بتاعة الكلام ده . ربنا يوفقك لافضل اختيار ان شاء الله

[amagroup]

كموتور فهي نفس موتور الفيرنا دون اختلاف وهو موتور رائع قليل الاعطال
ملاكها يفيدوا حضرتك في الباقي بقا :d

انا اول مره اعرف انها موتور الفيرنا

تبيكال يعني ولا قريب منها

[DEDOPETER]

شكر جزيل لكل من ساهم وانتظر المزيد عن مميزات وعيوب السياره

[DEDOPETER]

الا يوجد جديد ؟

[HOSSAM99]

أتفضل يا فاندم
الموضوع ده فيه شوية معلومات عن الماتريكس

http://www.nilemotors.net/Nile/303775-1000.html

و يا ريت كل مالكي الماتريكس يتفاعلو فيه

و لو حابب تسأل عن حاجه معينه أسأل و إن شاء الله نجاوبك