السفر بالفيرنا

[ezzeldin1234]

الاخوه الافاضل
السلام عليكم ورحمة الله وبركاته
وكل عام وانتم بخير
قررت انى افك الكيس شوية واسافر صباح الاحد القادم باذن الله شرم الشيخ بفيرنتى المانوال موديل 2011
وديه اول مره اسافر فيها بالعربيه مسافه كبيره زى كده
وطبعا هسافر انا والاولاد والمدام
كنت عايز اعرف ايه اخبار السفر بالفيرنا
وفى اى نصايح حد يحب يقولهالى قبل ما اسافر او اثناء السفر
وكنت اسمع عن ارقام الاغاثه على الطرق يا ريت لوحد يعرف الارقام دى يبلغنى بيها

ومتشكر ليكم ولمنتداكم الجميل ده جدا

[koshary]

اهم حاجه شيك على الاستبن ومية العربية وزيت الموتور وحاول متقرصش اوى على العربيه فى السفر بالذات لو عديت على الكهربائى شيكلك على شحن الدينامو والبطاريه يبقا تمام لحسن البطارية لما بتعملها فى السفر بتبقا بايخه جدا جدا عادة وانت طالع على اول الطريق هتلاقى ارقام الاوناش والاستغائه ابقا اكتبهم على تليفونك

[mshmshm3]

التزم بالسرعة المحددة و اعمل تشيك علي المياة و الزيوت ( الصيانة السريعة )
طول ما تحافظ علي العربية عمرها ما هتقولك لا في اي مشوار في اي وقت
و خد ريست في مكان يكون في تجمع ناس كتير زي ماستر ( مصر الاسكندرية الصحراوي )
رقم الاغاثة السريعة علي الطرق ده سمعته من الراديو من فترة و اعتقد ما اتغيرش : 01221110000
راجع ضغط الكاوتش و يفضل تملا الكاوتش نيتروجين

[SAMEH_FOUAD]

تروح وترجع بالسلامة ان شاء الله

لازم عند السفر تتبع الخطوات دية :

1- تعمل فحص على الكاوتش كضغط وحالة , وتتأكد من كفاءة الاستبن

2- تشيك على مياة الردياتير والقربة وتتأكد من سلامة الخراطيم وان مافيش تسريب مياة من اى حاجة

3- تربيط عفشة

4- حاول تشيل اى متعلقات ليس ليها اى فائدة فى السيارة عشان استهلاك البنزين

5- اتاكد من سلامة الانوار

6- لازم تاخد معاك ادوات ( مفكات- مفاتيح - كماشة )

7- تاخد معاك مياة كافية عشان لاقدر الله فية حاجة نقصت

8- تفول العربية من بنزينة نظيفة

9- نظف فلتر الهواء
10- فحص زيت المحرك + زيت الفتيس+ سائل الدبرياج + سائل الفرامل

يفضل ان سرعتك ماتعديش 120 كيلو لان الجو هيكون حر

وان شاء الله رحلة موفقة وتروح وترجع بالسلامة

[john55]

تروح وترجع بالسلامة ان شاء الله

لازم عند السفر تتبع الخطوات دية :

1- تعمل فحص على الكاوتش كضغط وحالة , وتتأكد من كفاءة الاستبن

2- تشيك على مياة الردياتير والقربة وتتأكد من سلامة الخراطيم وان مافيش تسريب مياة من اى حاجة

3- تربيط عفشة

4- حاول تشيل اى متعلقات ليس ليها اى فائدة فى السيارة عشان استهلاك البنزين

5- اتاكد من سلامة الانوار

6- لازم تاخد معاك ادوات ( مفكات- مفاتيح - كماشة )

7- تاخد معاك مياة كافية عشان لاقدر الله فية حاجة نقصت

8- تفول العربية من بنزينة نظيفة

9- نظف فلتر الهواء
10- فحص زيت المحرك + زيت الفتيس+ سائل الدبرياج + سائل الفرامل

يفضل ان سرعتك ماتعديش 120 كيلو لان الجو هيكون حر

وان شاء الله رحلة موفقة وتروح وترجع بالسلامة

[Ashraf_Ibrahim]

كلام سليم جدا واحب اضيف حاجة للاحتياط ليس الا اغسل السربنتينة كويس لأنك اكيد هتشغل التكييف
وتروح وترجع بالسلامة

[ezzeldin1234]

متشكر جدا جدا ليكم هو بالنسبه لطريق القاهره السويس ونفق احمد حمدى وطريق راس سدر والطور لحد شرم الشيخ كان لى سؤال لو فى حد مشى ع الطريق ده قبل كده يا ريت يقولى اخباره ايه وفين الاقى بنزينه فى نصه فى انهى مكان بالظبط وكمان الاستراحه مكانها فين ؟

[ahmedhilmy]

حضرتك ممكن تشوف الموضوع ده اكيد هيسعدك شويه و ان شاء الله اجازه سعيده و تروحوا و ترجعوا بالسلامه

http://www.nilemotors.net/Nile/292571-a.html

[alaamousa]

الاعضاء ما شاء الله مسابوش حاجة لكن لازم ابصم برضه

لا تنسى دعاء الركوب وتوكل على الله
سبحان الذي سخر لنا هذا وما كنا له مقرنين وانا الى ربنا لمنقلبون
الحمد لله الحمد لله الحمد لله الله اكبر الله اكبر الله اكبر سبحانك اللهم اني ظلمت نفسي فاغفر لي فانه لا يغفر الذنوب الا انت يا ارحم الراحمين

[ezzeldin1234]

الحمد لله سافرت ورجعت بالسلامه وكانت رحله ممتعه جدا والاولاد استمتعوا جدا هناك
والطريق كان كويس والحمد لله وكل 25 كيلو تقريبا فى كمين بيفتش ويشوف الرخص ظو بصراحه الجيش والشرطه مظبطين الطريق تمام ربنا يحمى مصر يا رب ويحفظ جيشها الجميل حتى وانا راجع لاقيت استراحه عن عيون موسى قبل النفق ب 30 كيلو بتاعت الجيش كانت جميله جدا ونظيفه والاسعار فيها زى اسعار البلد العادية وتحس فيها بالامان لان حواليك ظباط وعساكر
اما بقى الملحوظه الجامده ان فعلا يا جماعه الفيرنا دى طلعت مجرمه على الطريق فى السفر
انا كنت بمشى على 160 والثبات كويس وكنت بعدى اللى قدامى كمان بالسرعه دى
وانا متشكر جدا لكل اعضاء هيونداى اللى ساعدونى هنا وانا تحت امر اى استفسار بالنسبه لو حد رايح قريب
وشكرا

[Ashraf_Ibrahim]

ألف حمدا لله على السلامة يا صديقي العزيز