ساعدونى : عايز أكسنت 1500

[drahmed80]

أنا معايا مشاء الله حوالى 37 - 40 الف جنية:
ونفسى اشترى عربية نضيفة وتكون حالتها كويسة وموفرة للبنزين عشان السفر .....
بصراحة فكرت فى الاكسنت 1500 ..... ياترى المبلغ دة
يجيب اكسنت موديل كام ؟
واية هى عيوب ومميزات الاكسنت ؟
( من حيث الثبات / العفشة / نوع البنزين / استهلاكها قد اية فى البنزين / قطع الغيار متوفرة ولا لاء - وفين ؟ )
واية هو احسن موديل نزل فى الاكسنت من 2000 لحد 2006 ؟

ياريت تجاوبونى على كل الاسئلة دى

وشكرا لكل اعضاء المنتدى المحترمين

[pop2107]

دور احسن على 1300 لانها كربيراتير .. تحط بنزبن 80 براحتك و موفرة جدا هى مع اخويا 8

سنين وزى الفل وعمرها ما اشتكت وكفاية انها تاكسيات فى كل محافظات مصر . دى عربية

اسطورة بجد .. بس ياريت تلاقى واحدة نظيفة ..لان اصحابها لا يفرطوا فيها بسهولة ..

[dragking]

الاكسنت ال 1500 ممتازة وبردوه موفره في البنزين وقطع غيار حدث ولا حرج و2 زجاج كهرباء وباور وده مش متوفر في ال 1300 وطبعا التكييف متوفر في المودلين ، بس هي واطيه حاجة بسيطة قوي مش مؤثرة تماما لو المساعدين تمام وبالتوفيق ان شاء الله وخليك في موديل 2000 والمهم الحالة سيبك من مجرد رقم مكتوب في الرخصة المهم الحالة واهم شيئ الدواخل لازم تكون سليمة تماما من الحوض والقوايم والسقف والشنطة يعني لازم يبص عليها سمكري او حد بيفهم

[drahmed80]

طيب لو اكسنت 1500 موديل 2001 وحالة كويسة ..... تعمل كام تقريبا ؟

[abofarah]

لو سليمه قوى مفيهاش حاجه فى الدواخل و صالون محترم حلال فيهها لغاية 40000 و الله اعلى و اعلم