سبويلر الفيرنا يزود الثبات ؟

[Seifmando]

السلام عليكم

معايا فيرنا 2012 وركبتلها جنوط تايوانى وكوتش نـكسن مقاس 14/185/60 عشان ازود الثبات

العربية الاول بكوتش الفبريكة اللاسا التركي مقاس 13/175/70 كان ظهر العربية بيلعب عند الـ100 كم بالظبط انما بع الجنوط والكوتش الجديدالثبات اتحسن نسيباً لحد سرعة 130 كم

وكنت بفكر اني اركب السبويلر اللى كا بينزل فى الفيرنا ستار عشان ازود الثبات كمان شوية بس عندي احساس انه مش هيزود الثبات فى الملفات والمناورة بس ممكن يتقل العربية شوية من ورا فيخليها تمسك نفسها شوية فى الطريق الطوالى

إيه رايكو ادام الله فضله عليكم

[Elawany13]

الاسبويلر اللى بيركب فى مصر على العربيات الملاكى للمنظر فقط لا تنتظر منه زيادة الثبات !!!
موضوع الثبات ده فى السيارات الرياضية الفارهة وبيتصمم بزوايا معينة لتحسين الثبات على سرعات معينة
انصحك تشوف الفيلم الوثائقى عن السيارة الرياضية الاسطورية بوجاتى فيرون
وشوف الاسبويلر اتعمل ازاى وبيعمل ايه

http://www.nilemotors.net/Nile/299682-a.html

[OMAR61995]

السبويلر عشان يدى ثبات يبقى لازم يكون متوافق مع تصميم العربية من أول الفوانيس عشان توجه الهوا على السبويلر

[loshabih]

عايز تزود السبات من غير متلعب فلعفشة ركب بارات...سترت بار وانتي رول بار وفي ححاجه كمان مش فكرها ...هتفرق جدا معاك في السبات والملفات...دا غير انك ممكن تغير عفشة ورا بعفشة الكوبيه

[Ashraf_Ibrahim]

زي ما قال زميلنا
اديها واحد شداد على الموتور وجرب وادعيلنا ولو عاوز اكتر تكمل الطقم بقا

[AshTurbo]

السبويلر لو مصمم بحرفية ومتركب صح هيفرق في الثبات وكل مالسبويلر كان أكبر كل ما هيديك ثبات أكبر يعني الجناح العادي أو السبويلر البلاستيك العادي زي اللي بتقول عليه مش هيديك ثبات عالي زي اللي في الصورة دي مثلاً :

عن تجربة السبويلر اللي في أول صورة مع تركيب جنوط وكاوتش جديد عريض عمل فرق كبير معايا في الثبات يتبقى مسألة الشكل النهائي للسيارة لأنها هتبقى رياضية بحته ومميزة فلو مش هيفرق معاك الشكل ويهمك أوي الثبات ركب السبويلر ليه لأ ولكن وجب التنبيه أن رجال المرور مش هيعتقوك في اللجان خاصة لو مفيم وبالنسبة للفحص الدوري للسيارة محدش كلمني على السبويلر كلموني على الأيكزوست بس لو بتفكر تركبوا وعموماً ممكن تفك الأتنين خاصة السبويلر سهل ييفك من المسامير بتاعته وولو نويت تركب يكون واحد نظيف يظبط شغله ويقفل بسيلكون الأخرام اللي هيعملها علشان متعملش برومة من مياه الغسيل .

[Seifmando]

السلام عليكم

طبعاً متشكر جداً لكل الردود
طيب من اين اجيب الشداد اللى فوق الموتور بيتباع فين وبكم - على فكرة انا ليا واحد حبيبي اوي بيشتغل حداد (حديد والمونيوم) ممكن اخليه يشوف الصورة ويعمل بار طبق الاصل

بس انا عندي سؤال محيرني جداً من ساعة ما عرفت السبويلر

انا فهمت ان السبويلر بيزود الوزن على الشنطة وبالتالي يخلى العربية راسية من ورا
طيب عشان اتفادى المرور واللجان انا ممكن ازود نفس وزن السبويلر دا من جوة الشنطة عشان ميبقاش باين للمرور وكمان استفيد من مميزاته
الوزن دا ممكن يكون عمود حديد مثلاً بعرض الشنطة من اولها لاخره عشان يوزع الثقل بالتساوى

ايه رأيكو

[AshTurbo]

على فكرة السبويلر اللي في الصورة الأصلي بيبقى وزنه خفيف لأنه ستانليس مش حديد وبالتالي وزنه مش هيعدي 3 كيلو اللي كنت مركبه كان خفيف جداً وليه ميزة أنه مش بيصدي زي الحديد اللي بكل تأكيد مع الغسيل هيصدي .... للعلم فقط سعر السبويلر الأصلي بيتراوح مابين 1000 جنيه لحد 3000 جنيه والعمولة ممكن تعمله بحوالي 300 - 400 جنيه .

السؤال الذي يطرح نفسه أنت عاوز تركب سبويلر علشان الثبات في السرعات العالية زي مافهمت وفي نفس الوقت عاوز تتقل وزن العربية من ورا طيب أزاي وده هيقللك التسارع أصلاً .

[Seifmando]

السلام عليكم

انا كنت فاهم ان السبويلر وظيفته انه يتقل الجزء الخلفى للعربية وبالتالي يزود الثبات
بس بعد معلومتك انه بيقى خفيف جداً انا بقيت مش فاهم اوي بيزود الثبات ازاي
لوو تتكرم وتشرح لى اكون شاكر جداً

[AshTurbo]

السلام عليكم

انا كنت فاهم ان السبويلر وظيفته انه يتقل الجزء الخلفى للعربية وبالتالي يزود الثبات
بس بعد معلومتك انه بيقى خفيف جداً انا بقيت مش فاهم اوي بيزود الثبات ازاي
لوو تتكرم وتشرح لى اكون شاكر جداً

ببساطة السبويلر اللي في الصورة الأولى على سبيل المثال خد بالك من الجناحين اللي في الجناب دول باللغة العامية بيقطعوا الهوا وبالتالي بيقللوا مقاومة الهواء لجسم العربية وبالتالي بيحسن سرعة العربية في الخطوط المستقيمة تحديداً ... بالنسبة لميل السبويلر اللي أنت شايفه ده بيعمل داون فورس أو بالعربي بيضغط على العربية من ورا وبالتالي يديها ثبات أكتر في المنحنيات ... السبويلر التحفة بتاع البوجاتي على سبيل المثال ده بيشتغل لوحده حسب ظروف القيادة يعني سبويلر تفاعلي مش ثابت وبالتالي بيديك نتيجة ممتازة جداً .

[AshTurbo]

السبويلر ده بقى جايب من الآخر بس طبعاً سعره هيعدي وطبعاً مش بيركب على أي عربية .

Dynamic split rear spoiler - YouTube

[lanos2004]

جنوط كاوتش -شدادات -دة يزود الثبات---الحليه الى على الشنطه دى منظرة---واداءها مش بيظهر الا بعد سرعه 170 كيلو قبل كدة بخ---ولازم تكون معموله صح -يا هتودى فى داهيه

[Seifmando]

السلام عليكم

متشكر جداً على الشرح الوافى لفكرة عمل السبويلر
ولو ركزنا على البارات او الشدادات عاوز اعرف بتتباع فين وبكم وهل ممكن اعملها عمولة ولا لازم تكون متصنعة جاهزة وكمان للفيرنا

[lanos2004]

انا اشتريت شداد استيراد من الحرفيين اوريجنال -كان مطلوب 150 ودفعت فيه 110----وظبط معايا فى الانوس كويس جدااااااااااااااا

[loshabih]

السلام عليكم

متشكر جداً على الشرح الوافى لفكرة عمل السبويلر
ولو ركزنا على البارات او الشدادات عاوز اعرف بتتباع فين وبكم وهل ممكن اعملها عمولة ولا لازم تكون متصنعة جاهزة وكمان للفيرنا

كان في موضوع في قسم كيا تقرير عند حد مركبهم وفيه اسعار للفيرنا واماكن البيع اعمل سيرش عليه ...معلش مش عارف ادورلك عليه