تجربة قيادة هيونداي جينسس كوبيه

[eng.m7md.ali]

الموضوع مكانه اكيد مش هنا بس عايز اقولكو اللي حسيته
النهاردة سوقت جينسس كوبيه وجريت بيها لحد سرعة 150-155 على الدائري
وفعلا هيونداي اثبتت انها فقيرة جداً في موضوع الثبات والهاندلينج
مش هتكلم عن التسارع عشان اكيد النتيجة محسومة لهيونداي

بجد الحمد لله على نعمة البروتون سواء واجا ولا جين2
وعلى فكرة ده مش تحيز ولا حاجة لان النقطة الوحيدة اللي كسبت فيها البروتون هيا الثبات والهاندلينج

[horas3000]

يا زعيم هو انت عشان جبت بيها 150 كم
هتمشيلنا التجربة بنفس السرعه
عايزين تفاصيل اكتر و حياتك

[eng.m7md.ali]

تفاصيل ايه بالظبط بقى؟
العربية ثباتها مش حلو اساسا :))
الدبانة احسن منها بصراحة
والهاندلينج مقلق تحس انها عايزة تروح منك وانت بتاخد الغرزة

[bob12345]

جينسس كوبيه !

[eng.m7md.ali]

ايوة هيا
2000 سي سي تيربو
العربية فيها كل المميزات اللي تحلم بيها بس مشكلتها هيا الثبات اللي لقيته غير المتوقع خالص
ياراجل دي الدبانة والله احسن منها شوف دي موديل كام ودي موديل كام

[MohammedAladel]

دى تفاحة هيونداى معقووووووووووووووووووووووووووووول !!

[eng.m7md.ali]

للاسف انا كنت واخد فكرة غير كدة خاااااالص
العربية جمرك موديل 2011 بتاعت ابن خالتي وخدتها من الحرفيين للتجمع الخامس على الدائري
بصراحة معجبتنيش في نقطة الثبات
العربية عايزة مجهود جامد في العفشة

[ahmed_h_g]

معلش عندى سؤال
سعرها كام العربية ديه ؟

[ahmedeihab]

متابع معاك طبعا

لان هيونداى منفوخه فى العربيه دى جدااا جدااااا

عايزين تفاصيل اكتر و ياريت فى قسم هيونداى علشان نلاقى رد للكلام ده

^_^

[mody3on]

سبحان الله ، ده كل الناس بتقول انها تتفوق في الثبات والهاندلينج على الماستانج والكامارو مش الدبانة والواجا !
طب قول فيلوستر تبقى مبلوعة شوية
يلا هي اذواق

[MohammedAladel]

الجديدة سعرها على ما أعتقد معدى النص مليون بس مش بكتير يعنى

[Formulator]

سبحان الله ، ده كل الناس بتقول انها تتفوق في الثبات والهاندلينج على الماستانج والكامارو مش الدبانة والواجا !
طب قول فيلوستر تبقى مبلوعة شوية
يلا هي اذواق

أيوه دى الـV6 3.8 سواء الـGT أو الـR-Spec
دى اللى فيها الـTorsen (أو limited-slip differential)
وفراملها Brembo
وعفشتها كلها غير الـ4-سلندر تربو خالص؟!!

لكن الـ2.0T دى ريفيوهاتها عادية جدا فـ حتة الهاندلينج والثبات (لا تقارن بالعربيات دى)
(مش دى بتاع دوس بنزين-تامر بشير)؟؟ هههههههههههههههه

وحتى فـ الأداء والسرعة.. لو قارنتها بالفئة السعرية دى -هنا فـ مصر- اللى بتقولوا 400+ ألف أو أكثر؟؟!!!
لا تقارن ولا أجمد ولا أسرع ولا أى حاجة مقارنة بأى عربية ألمانى RWD موتورها 1.8-2.0 تربو
- الـ328i الجديدة مثلا مش هقول 335i (إلا لو بتتكلموا ان الجينيسيس 2.0T دى بـ نصف-مليون بجد)؟؟؟!!

Rgds،

[د.هشام]

شكرا يا باشا على نقل التجربة

[mody3on]

أيوه دى الـV6 3.8 سواء الـGT أو الـR-Spec
دى اللى فيها الـTorsen (أو limited-slip differential)
وفراملها Brembo
وعفشتها كلها غير الـ4-سلندر تربو خالص؟!!

لكن الـ2.0T دى ريفيوهاتها عادية جدا فـ حتة الهاندلينج والثبات (لا تقارن بالعربيات دى)
(مش دى بتاع دوس بنزين-تامر بشير)؟؟ هههههههههههههههه

وحتى فـ الأداء والسرعة.. لو قارنتها بالفئة السعرية دى -هنا فـ مصر- اللى بتقولوا 400+ ألف أو أكثر؟؟!!!
لا تقارن ولا أجمد ولا أسرع ولا أى حاجة مقارنة بأى عربية ألمانى RWD موتورها 1.8-2.0 تربو
- الـ328i الجديدة مثلا مش هقول 335i (إلا لو بتتكلموا ان الجينيسيس 2.0T دى بـ نصف-مليون بجد)؟؟؟!!

Rgds،

الموضوع هنا غير مينفعش تتقارن بالبي ام لان البي ام هنا اسعارها اقل من برة لانها بتتقفل هنا على ما اظن ، بس الجينيسس مستوردة على طول ، لو جبت مثلا mustang اللي ب 22 الف دولار هتلاقيها هنا معدية 500 الف مستريح
عامة هي اتقارنت بملوك الهاندلينج تحت 35 الف دولار ( المياتا وال brz ) وطلعت في المركز التاني
صح هي اقل منهم في الهاندلينج بس كفاية انها اتقارنت بيهم اصلا وده يدل انها مش ميح اوي

[eng.m7md.ali]

خليني ابقى دقيق شوية
جين2 احسن من هيونداي في والهاندلينج
lotus ride and handling المفهوم ده ليه بصمة كبيرة في الجين2
الجين2 ادق في توجيه الدريكسيون
انا مجبتش سيرة واجا في الحوار لان الواجا اقل من الجين2 في الثبات والهاندلنج
وعلى فكرة انا سافرت بالجين2 مسافة كبيرة وعرفت احكم على ثباتها مع انها مش معايا
اما الجينسس كوبيه سوقتها من الحرفيين للتجمع الخامس ( دائري ) والدنيا كانت الى حد ما زحمة وفي الغرز القطم مكانتش قوية زي الجين2 ابدا ابدا
مش عارف الناس مستغربة من ايه ده مجرد رأي وكل واحد ليه حرية الرأي
ومش معنى انها عربية ب نص ارنب تبقى فيها كل مميزات الدنيا يعني
ابسط مثال مش معنى ان السيفيك 92-97 قديمة تبقى وحشة
بالعكس دي احسن كمان من الجين2