عايز اركب علاية للفيرنا 2008

[freeman12581]

هو اصغر علاية بتعلى العربيه كام سنتيمتر لأنى ركبت كاوتش وجنط اعرض بس عايز اعلى العربيه شويه يا ترى ايه رأيكم

[dragking]

في رأيي بلاش طبعاً علشان الثبات يعني مجنط وبعدين كأنك ماعملتش حاجه

[ahmad--ezzat]

انت اكيد مركب جنوط مش مناسبه لانها لو مناسبه العربيه هتضل نفس الارتفاع

[wael6]

انت عملت مقاس جنط وكاوتش كام للفيرنا لو سمحت
وهل لو ركبت مقاس 15*55*195 هتكون ناشفه والافضل 14*60*185 ولا عادى 15 هيكون كويس

والعلايات هتاثر عالثبات بس بعد سرعة 100-120 كم ويارييت بلاشا كتر من كده
وحفظك الله وحفظنا الله جميعا من اى سوء
وشكرا جزيلا

[Ashraf_Ibrahim]

الفيرنا على الجنط ال 14 بيكون مقاس الكاوتش 185/60
على الجنط ال 15 بيكون مقاس الكاوتش 195/50

[loshabih]

ولازم تاخد بالك من الاوفسيت

[freeman12581]

شكرا لكل اللى رد انا عايز اعرف مقدار اصغر علاية ثم انا ما بجريش بالعربيه لأنه عربيه منزلى ولا تسافر ومشاء الله طرق القاهرة لو عرفت تجرى فيها 40 يبقى انت طاير وبعدين انا مركب 13/185 /70 ودى بتحك فى الشفة اللى ماسكه الاكصدام ولا تحك الا لما تكون العربيه محملة وفى المطبات السريعه على الاسفلت وهى دى المشكله لو تكرمتم انا عايز حل على هذا الوضع وشكرا

[ahmad--ezzat]

شكرا لكل اللى رد انا عايز اعرف مقدار اصغر علاية ثم انا ما بجريش بالعربيه لأنه عربيه منزلى ولا تسافر ومشاء الله طرق القاهرة لو عرفت تجرى فيها 40 يبقى انت طاير وبعدين انا مركب 13/185 /70 ودى بتحك فى الشفة اللى ماسكه الاكصدام ولا تحك الا لما تكون العربيه محملة وفى المطبات السريعه على الاسفلت وهى دى المشكله لو تكرمتم انا عايز حل على هذا الوضع وشكرا

انا مش فاهم المشاركه الصراحه
بس واضح ان مشكلتك مش فى الجنوط...انت مشكلتك مع العربيه

الفيرنا مع التحميل بتهبط جامد..انا لسا مسافر اسكندريه وشفت فيرنا فيها اسره على الطريق... تخوف وواطيه بشكل يخض

متغيرش الجنوط...حاول تشوف سوست انشف شويه تمسك نفسها مع التحميل

انما لو غيرت الجنوط هتكون المشكله هيا هيا

ونصيحه تعايش يعنى مع الحوار دة او ركب صداد ( وليس علايه)

[mshmshm3]

انا مش فاهم المشاركه الصراحه
بس واضح ان مشكلتك مش فى الجنوط...انت مشكلتك مع العربيه

الفيرنا مع التحميل بتهبط جامد..انا لسا مسافر اسكندريه وشفت فيرنا فيها اسره على الطريق... تخوف وواطيه بشكل يخض

متغيرش الجنوط...حاول تشوف سوست انشف شويه تمسك نفسها مع التحميل

انما لو غيرت الجنوط هتكون المشكله هيا هيا

ونصيحه تعايش يعنى مع الحوار دة او ركب صداد ( وليس علايه)

طيب ممكن يركب سوست اعلي او زيادة لفة

[ahmad--ezzat]

مهو كده هيبوظ الدنيا

هياخد ملف والعربيه فاضيه ممكن يتقلب لا قدر الله

[freeman12581]

هل الصدادة دى امان يعنى مشش ممكن مع المطبات القوية تخلى الكرتيرة الصاج اللى ماسكة السوسته تتكسر
وبعدين هى اصغر علايه ها تعلى العربيه اد ايه بالضبط

[mrgamal]

كنت راكب مع سواق تاكسى سيارة فيرنا انا والاسرة والحقيقة
العربية كانت بسم الله وحش وهى واقفة اصلا تحس انها تخض واعلى واعرض من الفيرنا الى احنا متعودين عليها
المهم واحنا ماشين كان بيعدى المطبات بوشة زى الفل طبعا انا وقتها لا كنت بحقد ولا بحسد ولا حاجة ابدا المهم سألته عن سبب العلو
قالى انه مركب طقم عليات فيات 124 وانها اقصر حاجة ومش بتخلى العربية تعوم وممكن تجيبها من عند اى حد بتاع فيات المهم انك تتاكد انها ايطالى

للحقيقة انا لحد ما بعت العربية مجربتهاش عندى بس التاكسى كان زى الفل مع التحميل

[ahmad--ezzat]

العليات غلط