محتاج مساعدة خبراء الفيرنا

[maxxmaxx]

محتاج خبرة الخبراء فى طريقة فك وتركيب الكونسول الامامى للفيرنا 2012 كاملة علشان عايز اشوف توصيلة الكاسيت علشان بيعلق شوية يشتغل وشوية يفصل او مع المطبات او لو خبط علي الكونسول من تحت الدركسيون بردو يفصل ويشتغل (كانك راكب 128 بتشتغل بالخبط).....
على فكرة انا روحت توكيل رودستار فى عباس العقاد فكه وجربه قالى مافيش حاجة روح توكيل العربية علشان فى حاجة فى التوصيلة ومكلفش خاطره يبص هو على التوصيلات المهم هو كان بيمد ايد جنب دواسة البنزين بيعمل حاجة غلشان يفك الكونسول وبردو بيفك درج التابلوه وبيعمل حاجة من ورا الكونسول..
ياريت ياجماعة لو حد يقدر يفيدنى فى فك الكونسول وتركيبه( ياريت لو فى صور ) ولو حد عنده خلفية عن مشكلة الكاسيت...
انا فكيت المسمارين اللى تحت حامل الاكواب بس مافكتش الكونسول للاخر وبعدين قولت ارجعة تانى لمكانه بس مارجعش حسيت ان فى حاجة بتصد معاه

[loshabih]

بص الموضوع صعب ومتعب شويه عشان وايرات درجة الرطوبه والتحكم في خروج الهوا (الوجه الوجه والرجل ...الخ) فوق الدواسه ولازم يتفكم ويتركبوا صح لان لو ركبو غلط ممكن تكون مختار تهوية الوجه وتلاقي هوا طالع من عند الرجل ....سلك التحكم في تقليب الهواء او تجيب هوا من برا ورا درج التبلوه ...هتفك ال3 ويرات دول وتفك مسمارين عند الكوبيات وتسحب الكونسول لبره....الموضوع صعب شويتين ومقرف لو حد مش متعود عليه نصيحه روح لبتاع كاسيت 20 جنيه مش مشكله

[sewefy]

الموضوع مش صعب وانا بفك الكونسوله الاول هتفك المسمارين اللى عند الدرج وبعدين تبدى تفك من فوق سنه صغيره من عند الساعه وتنزل توسع من وراه الكونسول من عند الدواسه البنزين وممكن تفك الوير بتاع التكيف بايدك ده كلبس عادى بس اعرف وعلم على كل واحد وان شاء الله خير