استلام فيرنا زيرو

[wael6]

السلام عليكم ورحمة الله
هل متابعة صيانة السيارة الزيرو (فيرنا ) فى الضمان مهمه ولا ممكن التغاضي عنها خصوصا انها هتكون تاكسي ؟
يعنى اقصد عشان هى زيرو اروح اعمل صيانه هناك حتى ولو لاول مره عشان فى حاجه فى عيوب التقفيل ولا اتوكل على الله واتابع بره ؟
وايه اهم اشياء تتعمل فى استلام السيارة وبعدها من احتياطات للصيانه من فضلكم ؟
1- الزيت
2-افضل نوع ومقاس الكاوتش و الجنوط
3- ايه حكاية تركيب سسط ناشفه فى الخلف عشان متحكش ؟ دى بتيجي من موديل تانى ولا بتاعة الفيرنا بس نوع معين ؟
4- ايه ورق الضمان والعدد اللى بتيجي مع العربيه ؟
5- المزيد عندكم باذن الله
وشكرا جزيلا

[Samir Elshahawy]

طبعا المتابعة مع التوكيل أو مراكز الخدمة المعتمدة مهمة لأنها شرط لأستمرار الضمان خاصة أن ظروف تشغيل العربية تعتبر قاسية

[medoghaly]

اهم حاجة التوكيل علشان الضمان بس متابع معاك باقي الاسئلة

[wael6]

طيب من فضلكم فين عنوان توكيل هيونداى فى المنصورة
وشكرا

[wael6]

ايه رايكم
ان شاء الله اجيب موديل 2013 فاميه ولا زجاج عادى
هو فرق زيادة الف ج للفاميه
وهل هيعوقنى فى القياده خصوصا للاجره
( واحد قالى الفاميه بيخلي اللى عاوز يركب مش شايف اللى جوه وبيفتح الباب عليه وهو جوه )

وكمان انا قلقان منه فى القياده كمان اكمنى مش من هواة حتى احط ستاير عشا ن الرؤية
ولا بيكون فاميه لايت هتعود عليه ؟

متشكر جدا لاهتمامكم وارائكم القيمه
جزاكم الله خيرا

[mando62]

انا كمان جبت فيرنا 2013 فاميه ويا رب حد يطمنا خاصه اني حستلم بعد باكر

[wael6]

انا كمان جبت فيرنا 2013 فاميه ويا رب حد يطمنا خاصه اني حستلم بعد باكر

ربنا يباركلك فيها
ويديلك خيرها ويكفيك شرها يارب
ومتابع معاك

وهل تغيير الكاوتش والجنوط بيطلع من الضمان ولا ملوش علاقه
وهل الانذار اللى فى الفيرنا انذار خاص باى اهتزاز خارجى للسيارة او اى صدمه ولا خاص بفتح الباب بس

وشكرا جزيلا

[wael6]

اللهم صل على محمد وعلى آله وصحبه أجمعين

[wael6]

هو الفامييه اللى بينزل مع الزيرو زجاج ملون ولا طبقة فاميه فوق الزجاج العادى
وهل بيكون عتمه بالليل ومتشوفش وراك خالص ولالا ؟
خصوصا ان مراية الصالون مهمه ؟
وهل بيكون مثبت فى الرخصه والفحص الفنى فى المرور

نرجو الافادة العاجله
وشكرا جزيلا

[beshomilan]

منصحش بالفاميه خالص فى التاكسى
لان فيه بعض الناس تقلق تركب تاكسى متفيم وبالذات لو بنات او ستات..
انا مبحبش التاكسى المتفيم خالص مضمنش اركب يكون حد راكب ورا ويحصل اى شر

[alaamousa]

ان شاء الله متابعتك في التوكيل مهمة عشان الضمان والنقطة الثانية خليك في الزجاج العادي لانك بامر الله هتاكل بيها عيش فياريت بلاش الفاميه مشاكله مش قليلة مع الاجرة وربنا يباركلك فيها

[wael6]

منصحش بالفاميه خالص فى التاكسى
لان فيه بعض الناس تقلق تركب تاكسى متفيم وبالذات لو بنات او ستات..
انا مبحبش التاكسى المتفيم خالص مضمنش اركب يكون حد راكب ورا ويحصل اى شر

ان شاء الله متابعتك في التوكيل مهمة عشان الضمان والنقطة الثانية خليك في الزجاج العادي لانك بامر الله هتاكل بيها عيش فياريت بلاش الفاميه مشاكله مش قليلة مع الاجرة وربنا يباركلك فيها

فعلا كلام منطقى
جزاكم الله خيرا

بالنسبة للضمان ؟
انا من المنصورة وسالت قالولى التوكيل الرسمي المعتمد فى ابورواش (هيكون بعيد عليا )
وان اللى جمبي فى المحله مثلا وغيرهم من مراكز الخدمه بتكون بفلوس ومكلفه ؟

مش عارف اتابع فين؟

بطارية الفيرنا الزيرو بتكون سائله ؟ واعرف منين انها سليمه؟
وايه الاماكن اللى اتاكد منها فى الدواخل وانا بستلمها ؟

وشكرا جزيلا

[wael6]

السلام عليكم
الفيرنا المانيوال من غير فوجات شبورة
( على فكرها سعرها زاد بقت 73.250 شفاف-- الله يسمحك يا غبور وسلملى على حماية المستهلك والرقابه فى اى مكان )
اعملها ؟ ولا بتطلع من الضمان
وهل بتكون افضل مع النور الصغير مباشرة ولا بزرار منفصل افضل ؟
وهل في فوجات اصليه ولا لازم صيني ؟
ولو امكن التكلفة من فضلكم
وشكرا جزيلا

[Seifmando]

السلام عليكم
اتفق مع اراء جميع الاصدقاء اللي قالولك ان الفاميه مش حلو ومشاكله كتير مع المرور مع انها نازلة بيه فبريكة وكمان مش كل الزباين هيحبو يركبو معاك وخصوصاً انه تاكسي بالاضافة الى انك لو هتجيبه قسط يبقى الالف دي هتعد فوائد وانت جايبو تاكل بيه عيش
تاني حاجة انا بحس ان التوكيل مش بيحب يتعب نفسه مع ملاك الفيرنا لانها عربية سعرها قليل ومع الغلابة بس اللي زينا والحمد لله لاني المرة اللى فاتت حاولت بس اسأل عن الجنوط و الانذار قاللي "لأ" مش ينفع تركب اي حاجة زيادة على اللي العربية نازلة بيه مع اني قلت له اني هشتريهم واركبهم من التوكيل قاللي برضه لأ
البطارية بتبقى سائلة وتعرف منين انها شغالة بيتهيألي ان العربية لو دارت من اول مرة تبقي البطارية تمام بالاضافة انك بتاخد ضمانها مع ضمان الكاسيت والعربية