لذيادة ثبات اللنترا md

[ahmedsherif81]

استلمت عربيتي 2013 امبارح انا شايف ان ثباتها جامد بالنسبه ان كان معايا قبليها سراتوا 2012 ومكنتش بقتنع بالهونداي منذ نشأتها بس الي اقنعني بيها صديق سواق في شركة بترول بيسافر كتير وشكرلي في العربيه برغم انه كان مستلم قبليها كرولا ودلوقتي مسلمينه باصات الجديدة كان معيا امبارح وانا بستلم العربيه وقلى اول حاجة تعملها بعد مترخص اشتري طقم جنط 16 وغير الكاوتش يكون عرضة 205 وهتلاقي العربيه بقت تحت رجلك حاجة تانيه ايه رايك يا رجاله

[motoxp]

كلام ممتاز واضيف يكون جنط ماركة محترمة مثلا momo or oz

وكاوتش بردجستون او ميشيلان مقاس 205/55/r16

او ( بس ده مش بفضله عشان شوارع مصر ) 215/45/r17 تحفه

وبعدها انسى الثبات

هتبقى طيارة و مبروك و ربنا يبركلك فيها و يكفيك شرها

[AshTurbo]

مبروك أستلام العربية ربنا يديك خيرها ويكفيك شرها ... قبل ما أرد على أستفسار حضرتك دي روابط ممكن تحتاجها :

جداول الصيانات الدورية لهيونداي :

http://www.nilemotors.net/Nile/304301-a.html

أهم موضوعات الأنترا MD :

http://www.nilemotors.net/Nile/277467-md.html

[ahmedsherif81]

ألف شكر يا جماعة بصراه انتم ناس محترمه وزوق جدا وشكرا ليكم جميعا ﻷرد والي شاهد الموضوع

[AshTurbo]

بالنسبة لأستفسار حضرتك عن زيادة الثبات للأنترا الجديدة العربية ممتازة على الطرق المستقيمة لحد 180 وعلى المنحنيات ممتازة لحد 120 -140 طبعاً ده راجع لنوعية العفشة الموجودة في العربية وبالتالي لو مش بتزود عن السرعات دي يبقى مفيش داعي لصرف فلوس في غير محلها وفي تجارب قيادة على سرعات من 160 لحد 200 تقدر تشوفها في فهرس المواضيع المهمة الخاص بالألنترا الجديدة ... أما لو حضرتك من هواة السرعة وبتعدي السرعات دي في شوية حاجات ممكن تعدلها في العربية أكتر من الأقتراح اللي أقترحه عليك صديقك ممكن يزود الثبات وطبعاً حضرتك جرب العربية وشوف أمكانياتها بنفسك قبل كل حاجة وبلاش سرعة عالية والتجارب اللي على سرعات عالية تمت في ظروف معينة تسمح بأجرائها وتمت لمرة واحدة لتجربة قدرة السيارة وأفادة الأعضاء لذا وجب التنبيه ياريت كمان متنساش حزام الأمان وربنا يستر طريقك بأذن الله .

[aymn6666]

ليه ليك نصيحه سيبك من الجنوط الي في السوق
انزل دور علي جنوطها الاستعمال الي بتنزل في الخليجي
دور عند بتوع الاستعمال الكوري حتلئيهم انشاء الله

[devil_storm]

انا سوقت كتير اعلى فئة و ثباتها ممتاز بس مدام يهمك الثبات مجبتهاش لية من الوكيل بجنط 16 من الاول؟؟؟ على العموم انصحك متركبش جنوط صينى و دور على جنوطها الاصلية سوء جديده او مستعملة.

[محمد بدر]

يا أهل الخير سرعة إيه 160كم و180 كم
مصر مفيش فيها حتى هذه اللحظة طرق تنفع للسرعات دية اناشدكوا واستحلفكوا بالله كفوا عن هذه الأحاديث لأنها تجر ناس دون خبرة وعلى هذا المنتدى للتجربة وبعد ذلك يكون لها عواقب وخيمة فمن فينا يتحمل مسئولية ذلك

[AshTurbo]

يا أهل الخير سرعة إيه 160كم و180 كم
مصر مفيش فيها حتى هذه اللحظة طرق تنفع للسرعات دية اناشدكوا واستحلفكوا بالله كفوا عن هذه الأحاديث لأنها تجر ناس دون خبرة وعلى هذا المنتدى للتجربة وبعد ذلك يكون لها عواقب وخيمة فمن فينا يتحمل مسئولية ذلك

جزاك الله خيراً على النصيحة .... الموضوعات الخاصة بتجارب السيارات يوجد في أغلبها تحذير من عدم تكرار التجارب وأن شاء الله سيتم تعميم هذا التحذير بعد التنسيق مع مشرف القسم وحضرتك تقدر تراجع كلامي تاني :

بالنسبة لأستفسار حضرتك عن زيادة الثبات للأنترا الجديدة العربية ممتازة على الطرق المستقيمة لحد 180 وعلى المنحنيات ممتازة لحد 120 -140 طبعاً ده راجع لنوعية العفشة الموجودة في العربية وبالتالي لو مش بتزود عن السرعات دي يبقى مفيش داعي لصرف فلوس في غير محلها وفي تجارب قيادة على سرعات من 160 لحد 200 تقدر تشوفها في فهرس المواضيع المهمة الخاص بالألنترا الجديدة ... أما لو حضرتك من هواة السرعة وبتعدي السرعات دي في شوية حاجات ممكن تعدلها في العربية أكتر من الأقتراح اللي أقترحه عليك صديقك ممكن يزود الثبات وطبعاً حضرتك جرب العربية وشوف أمكانياتها بنفسك قبل كل حاجة وبلاش سرعة عالية والتجارب اللي على سرعات عالية تمت في ظروف معينة تسمح بأجرائها وتمت لمرة واحدة لتجربة قدرة السيارة وأفادة الأعضاء لذا وجب التنبيه ياريت كمان متنساش حزام الأمان وربنا يستر طريقك بأذن الله .

[ahmedsherif81]

شكرا للنصيحة انا اصلا مش بحب السرعة ومش بذود علي طريق السخنه الي الكل عارفة عن 120 بس حبيت اقول معلومه وصلتني والله انا قصدي خير مش اكتر

[AshTurbo]

شكرا للنصيحة انا اصلا مش بحب السرعة ومش بذود علي طريق السخنه الي الكل عارفة عن 120 بس حبيت اقول معلومه وصلتني والله انا قصدي خير مش اكتر

يبقى حضرتك مش محتاج أي تعديلات على العربية بأذن الله ... مبروك مرة تانية لأمتلاكك الجميلة ألنترا ونتمنى نشوف حضرتك عضو فعال معانا في القسم ونشوف مشاركاتك ومتنساش أن المواضيع المميزة عندنا بتاخد جوائز قيمة .

[ahmedsherif81]

ألف شكر يا باشا انتم نا محتمه كتير برغم اني كنت من معارضى هيونداي اصلا بس عجبتي العربيه والي اكتر من العربيه الناس الي في المنتداى الخاص بهيونداي

[toty_305]

تصحيح بسيط بتكتب كده " زيادة "

[ahmedsherif81]

معلش انا الدغ

[toty_305]

معلش انا الدغ

-ربنا يعينك