انا جيبت فيرنا و بقيت مع نجوم هيونداااااااااااااااااااى اخيراااااااااا

[haysam2000]

ازيكم يا نجوم هيونداى
انا ربنا انعم عليا الحمد لله و اشتريت فيرنا مستعمله اتوماتيك موديل 2004 بعد رحلة بحث بدون سارة لمده 6 شهور
القصه للى عايز يقرا
اصل انا مبسوط اوى الحمد لله ف قلت اقولكم بقى انا كنت راكب فيليشيا و بعد 6 سنوات قررت انى عايز باور و تكييف و الدلع ده (مفيش الكلام ده فى فيليشا 95 علشان محدش يستغرب) ففكرت فى عربية يبقى فيها كل ده و قطعها تكون على اد الأيد و مش معقدة من التكنولوجيا علشان الأعطال ف استقريت على فيرنا او ميجان وان (2001-2003 ) اتوماتيك و بقالى 6 شهور من غير عربية و اخيرا ربنا انعم عليا ب فيرنا اتوماتيك و دى المواصفات :
فيرنا 2004 (كورى)
اللون : اسود
فبريكا دواخل - رش خارجى كامل نضافه بدون معجون (و اتاكدت فى مركز مختص)
العداد :106000 كيلو
محتاجه كوبلنين و قاعدة موتو مش عارف انهى واحد بس لما بحط D بحصل رجرجه خفيفة كده انما مع N و R مش بتحصل
و بس
قررت ان شاء الله اغير الفلاتر الأربعة و الزيت للموتور * و الجير Mobile ATF 220 بناء على كلام الأستاذ عصام اللى بيعمل فيدوهات الشرح الرائعه و استفدت منه كتير
* و بفكر اول مرة استعمل ليكوى مولى علشان اضافه السيراتك علشان اطمن على ماكينه فيرنتى و بعد كده لما اغير اعمل زى الأستاذ اشرف و احط كاسترول ماجينتيك (انا متابع جيد فى القسم بس ان شاء الله ابقى عضو مساعد بجد بس اخد شوية خبرة فى العربية )

من فضلكم ادعولى ربنا ربنا يباركلى فيها و يدينى خيرها و يكفينى شرها

[MohammedAladel]

ربنا يباركلك فيها يا أخى
يارب تصحى تلاقيها بورش :)

[S O P H O S]

الف مبروك
ربنا يباركلك فيها ..

[Khaled Lanos]

ألف مبروك ياباشا وربنا يديك خيرها ويكفيك شرها يارب

[haysam2000]

ربنا يباركلك فيها يا أخى
يارب تصحى تلاقيها بورش :)

ياااااااااااااااااااااااااااااااا رب (تفتكر ممكن )

الف مبروك
ربنا يباركلك فيها ..

الله يبارك فيك

ألف مبروك ياباشا وربنا يديك خيرها ويكفيك شرها يارب

امين لينا جميعا

[khaabas]

الف مبروك وربنا يباركلك فيها

[ahmedverna]

مبروك واهلا بيك فى هيواندى

[haysam2000]

الف مبروك وربنا يباركلك فيها

الله يبارك فيك يا رب

مبروك واهلا بيك فى هيواندى

الله يبارك فيك و انا سعيد و الله بانى انضميت ل هيونداى

[dragking]

الف مليون مبروك وربنا يبارك لك فيها ويكفيك شرها ، بس ممكن تقول لنا خلصتها على كام

[Eng.Mina]

الف مبروك وربنا يكفيك شرها بس متهيألي الفتيس الاوتوماتيك بتاعها بيتحطله mobil atf 320 مش 220 انا مش متأكد بصراحة بس ممكن حد معاه فيرنا اوتوماتيك يأكدلك علي الموضوع ده ومبروك مرة تانية

[amrelsaqqa]

الف مبروووك ياباشا
وياريت نعرف خلصتها على كام لو مفيهاش احراج

[haysam2000]

الف مليون مبروك وربنا يبارك لك فيها ويكفيك شرها ، بس ممكن تقول لنا خلصتها على كام

الله يبارك فيك يا باشا, بص انا عارف انى واخدها غالية و مضحوك عليا على الأقل فى الفين بس ما صدقت اخلص بصراحه (46000)

الف مبروك وربنا يكفيك شرها بس متهيألي الفتيس الاوتوماتيك بتاعها بيتحطله mobil atf 320 مش 220 انا مش متأكد بصراحة بس ممكن حد معاه فيرنا اوتوماتيك يأكدلك علي الموضوع ده ومبروك مرة تانية

الله يبارك فيك يا مينا بس انا متاكد انه 220 علشان عاصم كان كاتب انه 220 او sp iii بس مش فاكر انهى موضوع

[alaamousa]

بالنيابة عن اعضاء هيونداي نتشرف بحضرتك عضو من نجوم هيونداي معانا وان شاء الله نقدر نفيد حضرتك ونستفاد من حضرتك بامر الله واهلا وسهلا
ملحوظة : اهم حاجة حضرتك شيك على السيور عشان متزعلكش على الطريق وخصوصا سير الكاتينة

[alaamousa]

ان شاء الله المهندس اشرف ابراهيم يديلك النصايح الهامة للفيرنا لانه فيرناوي قديم

[haysam2000]

بالنيابة عن اعضاء هيونداي نتشرف بحضرتك عضو من نجوم هيونداي معانا وان شاء الله نقدر نفيد حضرتك ونستفاد من حضرتك بامر الله واهلا وسهلا
ملحوظة : اهم حاجة حضرتك شيك على السيور عشان متزعلكش على الطريق وخصوصا سير الكاتينة

الف الف شكر يا علاء و انا سعيد و الله بانضمامى لهيونداى و مستنى نصائح الخبراء
و بالنسبة للسير متغير على 100000 و معاه فاتورة التوكيل