تحسن كبير في خدمة العملاء لغبور هيونداي

[AshTurbo]

تحية طيبة للسادة نجوم هيونداي وزوار القسم أسعد الله اوقاتكم جميعاً ...


نتيجة للأحتكاك المباشر مع التوكيل سواء في أجراء الصيانات أو الأستفسارات عن المشاكل كان مستوى الخدمة أدنى من الحد المطلوب والذي نأمله جميعاً من وكيل ماركة محترمة وواسعة الأنتشار كهيونداي لذلك كان هناك العديد من الشكاوي منا كملاك وبشكل متكرر عن سوء الخدمة وبصراحة التوكيل كان من نقاط ضعف العربية دي وكانت أكتر حاجة مسببة قلق عندي ساعة التفكير في شراء الجميلة ألنترا ....

خدمة العملاء الآن في هيونداي غبور تعمل بفعالية وتنظيم دقيقين للغاية بدءاً من الحجز للصيانة عن طريق الهاتف 1601 مروراً بقسم قطع الغيار المتميز أنتهاءاً بقسم تلقي الشكاوي وبصدر رحب ولي تجربة اليوم معاهم حبيت أستفسر عن الريموت الخاص بالألنترا مع تحية غاية في الأدب من خدمة العملاء وتسجيل البيانات الخاصة بالسيارة ثم تسجيل الأستفسار وأعطاء مهلة ساعتين للرد على الأستفسار وبالفعل ساعتين بالدقيقة لا أكتر ولا أقل كان الجواب قد وصل بسعر الريموت وميعاد تسليمه - السعر للي يحب يعرف هو 570 جنيه بالضرائب تقريباً 600 جنيه - كذلك قمت بحجز ميعاد للأستلام الريموت علشان مضيعش وقتي .... ليست خدمة العملاء فقط هي المتميزة ولكن مستوى المهندسين متميز بصراحة مع وجود بعض التحفظات على بعض منهم ولكن ده لا يسمح لنا بالتعميم بأي حال من الأحوال .... هذا لا يدل عن وصول التوكيل للمستوى المطلوب بعد فدائماً ما سنطلب منه المزيد والمزيد للتميز وراحة العملاء ملاك السيارة المتميزة هيونداي .

[AshTurbo]

تم تجربة خدمة العملاء ثلاث مرات على مدار ثلاثة أيام متتالية لقياس مستوى الخدمة وبمنتهى الحيادية مستوى الخدمة ثابت من حيث المواعيد والدقة والترحيب بالعملاء والرد على الأستفسارات ..... يمكنكم التجربة وأبداء الآراء بدون تردد وفي حالة وجود شكاوي برجاء الأتصال بقسم الشكاوي وتسجيل المشكلة بالأتصال على 16101 وبلاش سلبية وخليكم أيجابيين أزاي الناس هتعرف أن في مشكلة من غير ماتقولوا أن أصلاً في مشكلة .

[Samir Elshahawy]

هايل
شكرا هيونداي غبور علي التحسن الملحوظ في تقدم مستوي الخدمة و بنأمل بالمزيد أن شاء الله

و شكرا استاذ/ أشرف و كل أعضاء "هيونداي تيم" علي المجهود الواضح اللي بدأت تظهر ملامحه

[wael6]

من فضلكم
فين عنوان التوكيل الرسمي المعتمد لهيونداى فى المنصور ة ؟
وشكرا

[AshTurbo]

من فضلكم
فين عنوان التوكيل الرسمي المعتمد لهيونداى فى المنصور ة ؟
وشكرا

أهلاً أ/ وائل بالنسبة لأستفسار حضرتك في الرابط أدناه جميع عناوين مراكز خدمة التوكيل الرسمية والمعتمدة :

http://www.nilemotors.net/Nile/304297-a.html

[exact]

من فضلكم
فين عنوان التوكيل الرسمي المعتمد لهيونداى فى المنصور ة ؟
وشكرا

على حد علمي فيه مركز العدوي اللي بين المنصورة وسمنود

[atyam]

امال انا دوخونى ليه 3 مرات اتصل وكل مره يتاسفو ويقولو خلال ساعتين ومحدش بيتصل

ولا يمكن عشان انا بسال عن المساعدين الخلفية لل rb ؟

عموما هجرب بكره اخر مرة وان متصلوش هسجل شكوى

تم تجربة خدمة العملاء ثلاث مرات على مدار ثلاثة أيام متتالية لقياس مستوى الخدمة وبمنتهى الحيادية مستوى الخدمة ثابت من حيث المواعيد والدقة والترحيب بالعملاء والرد على الأستفسارات ..... يمكنكم التجربة وأبداء الآراء بدون تردد وفي حالة وجود شكاوي برجاء الأتصال بقسم الشكاوي وتسجيل المشكلة بالأتصال على 16101 وبلاش سلبية وخليكم أيجابيين أزاي الناس هتعرف أن في مشكلة من غير ماتقولوا أن أصلاً في مشكلة .

[Youssef.Awad]

بعد مبيعات زى النار على مدار 15 سنة متتالية كسبته المليارات فقط فى ماركة واحدة هى هيونداى
جاى بسلامته يفتكر يعمل خط ساخن وخدمة عملاء ومركز خدمة آدمى فى العبور !!!!!!!!!!!!!!!!!!!!!!!!!
حمد لله ع السلامة .. اهو زكاة عن فلوسه وثروته

[wael6]

على حد علمي فيه مركز العدوي اللي بين المنصورة وسمنود

شكرا جزيلا لتوضيحكم واهتمامكم


هل مراكز الخدمة المعتمده ( العدوى سنتر - اليكترونك سنتر ) مثل التوكيل تماما ولا التكلفة اعلى والثقه اقل ؟
وشكرا جزيلا

[easy2002]

انا لسه عامل ف العدوي وراجع حالا والله الشهاده لله أحسن ميت مره من التوكيل رحت استلموا العربيه مني ٩ ونص والسياره انته شايفها من الاستراحه قاموا بتربيط العفشه وتغيير الزيت والفلتر وغسيل المكنه والضبط بالكمبيوتر وتنظبف الطنابير الخلفيه والاماميه ورجلشة الفرامل وضبط هواء الكاوتشات ووضع اضافات البنزين وغسيل السياره من الداخل والخارج ونادوا على اسمي الساعه ١١ الا ربع بحد بحد ناس محترمين جدا ف التوكيل مكان ش راضيين يربطوا العفشه قالولي مش ف الصيانه دي مع العلم ان العدوي مركز خدمه معتمد من هيونداي غبور

[Samir Elshahawy]

انا لسه عامل ف العدوي وراجع حالا والله الشهاده لله أحسن ميت مره من التوكيل رحت استلموا العربيه مني ٩ ونص والسياره انته شايفها من الاستراحه قاموا بتربيط العفشه وتغيير الزيت والفلتر وغسيل المكنه والضبط بالكمبيوتر وتنظبف الطنابير الخلفيه والاماميه ورجلشة الفرامل وضبط هواء الكاوتشات ووضع اضافات البنزين وغسيل السياره من الداخل والخارج ونادوا على اسمي الساعه ١١ الا ربع بحد بحد ناس محترمين جدا ف التوكيل مكان ش راضيين يربطوا العفشه قالولي مش ف الصيانه دي مع العلم ان العدوي مركز خدمه معتمد من هيونداي غبور

طيب و السعر أيه ؟

ياريت حضرتك تعمل نسخة من مشاركتك دي في الموضوع التالي :

http://www.nilemotors.net/Nile/304297-a.html

[AshTurbo]

النهاردة كنت بسأل عن التيل الأمامي للألنترا للرد على أستفسار أحد نجوم هيونداي الكرام وتركت أستفساري وقالي هيتم الرد في خلال ساعتين كحد أقصى قفلت معاهم وحطيت التليفون جنب اللاب قبل ما أدخل على الموقع جاء الرد بسعر التيل بصراحة أنا أتفاجئت يعني مش أكتر من دقيقتين وكان لازم زي ماكنت بذكر السلبيات أذكر الأيجابيات وأتمنى مزيد من التقدم والتطوير لوكيل هيونداي .