النترا ٢٠١٢ md الفرامل!!!!!!

[ahmedeihab]

ايه الجناااااان ده يا جدعان

سيبك من نوع العربيه و انها هونضاوى و الكلام ده

ليه التوكيل عامل التيل ب 715 ده بيهرج اكيد

و بعدين انت عارف ان تيل الفرامل ال brembo ( اقوى فرامل على مستوى الارض بعد طبعا السيارات الفارهه )

طقم التيل بتاعه ب 500 جنيه

^_^

[easy2002]

الراجل بيقول ماشي 5000 كيلو و 80 من مية من التيل مستهلك!!!
يبقى غالي ليه مدام هيعد مدة بسيطة
و بعدين لو انا شاري عربية بالضمان مش هينفع اني اشتري قطع الغيار من برة و أركبها في التوكيل
صح و لا ايه؟؟؟؟

معلش انا آسف قصدي مستهلك منه ٢٠ ف الميه والباقي ٨٠ ف الميه معلش خطأ مطبعي

[AshTurbo]

المعلومة صحيحة سعر التيل بعد أحتساب الضرائب 715 أصلي وهسألك بعد بكرة عندي مشوار قريب جنب التوكيل هأعدي وأسألك معدل أهلاك التيل كام ألف كيلو .

[Invensys2011]

و ياريت بردوا تسأل عن باقي قطع الغيار الاستهلاكية زي الطنابير و المساعدين و هكذا

[Samir Elshahawy]

ياريت فعلا لإني والله مهندسة الاستقبال قالتلي التيبل بتاعها غالي وراحت شافته ع الكمبيوتر كمان ولقيت التيل عندي مستهلك منه 80 ف المية الأمامي والخلفي 90 ف المية وأنا يادوب ماشي 5000 عشان كده سألت

أزاي العربية عاملة 5000 كم و تم أستهلاك 80 % و 90 %
أكيد قصد حضرتك أن دي النسبة الباقية في التيل ,
و لو أني شايف أن ده كتير

[Samir Elshahawy]

وعلى فكرة ياباش مهندس أنا سألتها عن فلتر البنزين قالتلي بيتغير كل 20 ألف تقريبا حضرتك كنت قلت انه كل 90 ألف

هما يقولوا زي ماهما عايزين
و مش أنا اللي بأقول 90 ألف ده المانيوال بتاع هيونداي

يعني الخواجة هيونداي هو اللي بيقول يتغير بعد 90 ألف كم الا لو فيه مشكلة في سحب و أداء المحرك , و فعلا لما غيرت الفلتر بعد 20000 كم علي كلامهم طلع نظيف و زي الفل

[a7medsh3rawi]

لو هنتكلم على التيل مهما كان نوعه والعربيه اوتو بيكون استهلاكه اكتر بكتير من المانوال وطبعا حسب طبيعة السواقه فى ناس رجليها تقيله وبتدوس فرامل مفاجئه يبقى لازم يغير تيل اول ما يبدأ يصفر وما يرتبطش بالكيلوات ومش محتاج يتغير فى التوكيل .... أما فلتر البنزين دا ممكن يتغير بعد يومين من تركيبه لو البنزين مغشوش وممكن يقعد معاك علطول وما يتغيرش غير بعد فتره طويله جدا على حسب نضافه البنزين خصوصا لو كان 95 .

[easy2002]

أزاي العربية عاملة 5000 كم و تم أستهلاك 80 % و 90 %
أكيد قصد حضرتك أن دي النسبة الباقية في التيل ,
و لو أني شايف أن ده كتير

فعلا هيا دي النسبه المتبقيه وانا كتبت اعتذار للي قلته ده

[easy2002]

أنا كنت ف المصريه قبلها بيوم وشفت عربيات النترا الفرامل الخلفيه ليها سكاكين وسألت قالي محدش عارف مع انها عربيات ضمان يعتي غبور اللي منزلها لكن لما عرفت سعر التيل ده حمدت ربنا ان عندي ورا الفرامل مش كده عشان سعر التيل ارخص

[hossam_elwani]

أنا كنت ف المصريه قبلها بيوم وشفت عربيات النترا الفرامل الخلفيه ليها سكاكين وسألت قالي محدش عارف مع انها عربيات ضمان يعتي غبور اللي منزلها لكن لما عرفت سعر التيل ده حمدت ربنا ان عندي ورا الفرامل مش كده عشان سعر التيل ارخص

يا استاذى بكره يرخص وتلاقيه بره التوكيل بنص السعر

[SAMEH_FOUAD]

715 جنية تيل فرامل لييييييييييييييييييييييييييييية , متهيألى دة اغلى تيل فرامل موجود بعد الالمانى

بجد حرام ومعلش بدون التدخل فى تفاصيل وكفاءة السيارة (ياريت الفرامل مستواها عالى )

هيونداى بقت استغلال تحت الخلفية اللى الناس كلها عارفاها من زماااااااان ( قطع غيار رخيصة ) فالناس كلها بتشترى وبتدبس على اساس انها هيونداى وسيارات الشعب لكن مايعرفوش ان غبور بيستغل كل حاجة ومعلش المستهلك مسهلة الطريق على الاخر

[easy2002]

715 جنية تيل فرامل لييييييييييييييييييييييييييييية , متهيألى دة اغلى تيل فرامل موجود بعد الالمانى

بجد حرام ومعلش بدون التدخل فى تفاصيل وكفاءة السيارة (ياريت الفرامل مستواها عالى )

هيونداى بقت استغلال تحت الخلفية اللى الناس كلها عارفاها من زماااااااان ( قطع غيار رخيصة ) فالناس كلها بتشترى وبتدبس على اساس انها هيونداى وسيارات الشعب لكن مايعرفوش ان غبور بيستغل كل حاجة ومعلش المستهلك مسهلة الطريق على الاخر

قبلها بأسبوع تقريبا مغيرينه لفانتازيا ب ٤٥٠ جنيه تقريبا وهيا اي النقطه اللي مضايقاني ف الموضوع كله طب ماكنت زودت ٣٠ الف وجبت فانتازيا

[حماده المصري]

ياعم غبور ده نصاااااااااااااااااااااااااااااااااااااب

لسه شايف في منتدى سعودي واحد معاه النترا الجديده برضو جاب الباب بتاعها ب 700 ريال يعني 100 جنيه او 110

هنا في مصر مش اقل من 4 الف

حاول تدور على تيل السيراتو في الغالب هيركب ومش هتلاقي اغلى من 250 في المحلات العاديه الاصلي او موزع مضموت ولو في التوكيل هتلاقي اقل من 400

معرفش هيركب او لا بس متهيالي هو هو

[mhkash]

السلام عليكم
انا كنت انهرده ف التوكيل بعمل صيانة ال ٥٠٠٠ وسألت بالصدفه على التيل الأمامي فلقيته ب ٧١٥ جنيييييييييه لييييييه السعر ده. الفانتازيا التيل بتاعها ٤٥٠ تقريبا

السلام عليكم
معلش عاوز اسأل حضرتك سؤال
ايه هي صيانة ال 5000 بتاعت الالنترا
هما قالولي فى التوكيل - فى صيانة ال 1000 - ان الصيانه القادمه عند ال 10000 - فحضرتك بتقول عملت صيانة 5000 - فكنت ىعاوز اعرف بعملوا فيها ايه
وشكرا

[man_from_shado]

قبلها بأسبوع تقريبا مغيرينه لفانتازيا ب ٤٥٠ جنيه تقريبا وهيا اي النقطه اللي مضايقاني ف الموضوع كله طب ماكنت زودت ٣٠ الف وجبت فانتازيا

انا فعلا عملت كده واشتريت فانتازيا لان حسيت انا غبور بيبالغ في اسعار قطع الغيار