ساعدونى من فضلكم

[samozaen91]

السلام عليكم
انا معايا عربيه اكسنت 99 1.5خليجى
العربيه على الغيار الاول بحس انها تقيله و بتعمل صوت خروشه كده و لما بكون على السلانسيه و العربيه واقفه اجى ادوس دبرياج فى صوت بيختفى اسيب يرجع تانى مع العلم طقم الدبرياج مبقالوش الا حوالى 3 شهور بس العربيه على الثالث و الرابع مفيهاش مشاكل
من كام يوم كنت فى بنزينه و نزلت مع الراجل تحت شوفت زيت مرشح على الفتيس من تحت هو
قالى ان ده اويل سيل
ف باريت تفيدونى هل كده الفتيس باظ ولا دى الكرونه و لااغير زيت الفتيس ب اتقل مع العلم زيت الفتيس كان موبيل الاحمر
انا جديد فى الليله بس متطمن عشان كل اللى فى المنتدى جدعان و بعون الله يساعدونى
و يدلونى على الصح

[ahmedkhairy]

متابع

[M.Al-Hefnawy]

الصوت ده صوت بلية الدبرياج .... لو ما كنتش غيرتها مع الطقم غيرها وإن شاء الله الصوت يروح.

[Thebutcherr]

بلية دبراج زى ما قال الحفناوى

[samozaen91]

لا بليه الدبرياج متغيره انا غيرت الطقم كله بسببها المره اللى فاتت عشان صوت التزييق
بس هو مش صوت بليه البرياج دع صوت تعشيق تروس و كمان ليه صوت التروس عالى على الاول و فى صوت خروشه ؟؟
سؤال بعيد عن الموضوع هو ممكن اغير بليه البرياج لوحده ولا لازم اغير الطقم كله عشان لو كده يبقى الميكانيكى نصب عليا و خلانى اغير الطقم كله عشان البليه

[modo88]

بص ياباشا نبتدي حاجه في حاجه الاول عشان المصاريف لان كان عندي نفس المشكله وانتهت اني غيرت الفتيس
الصوت طبعا زي مابتقول بيظهر ولما تدوس دبرياج يروح واكيد بيظهر الصبح بدري اكتر
وياتري لما تمشي فتره كبيره بالعربيه وتسخن اوي بتحس انه الصوت اختفي؟
شوف ياباشا جرب تحط زيت تقيل شوية دا اول حل ومش مكلف الصوت لو اختفي خير لو مختفاش فك الفتيس وشوف لو فيه بليه من جوه عايزه تتغير
اخر حل هاتغير الفتيس
انا جربت كل الحلول الزيت التقيل اللصوت يادوب راح مده شهر ونص ورجع تاني وغيرت بليتين في الفتيس وفي الاخر غيرت الفتيس وريحت دماغي
الفتيس كدا كدش مش غالي يعني بيعمل حوالي 600 جنيه من بورسعيد