استشارة لرجالة هيونداى و أرجو الرد

[ahmed_al3alem]

ازيكم يا وحوش
انا ربنا كرمنى و حجزت الاكسنت ار بى و هجيبها تقسيط مباشر تبع غبور نفسه (Drive finance)
هما زى البنوك فى كل حاجة و التأمين 3.75% و المشكلة دلوقتى انى عرفت انهم هيعملوا توكيل ليهم بالعربية مش فاهم ليه و قالولى بيتعاملوا مع البنك العربى الافريقى و البنك الاهلى المتحد و فايدتهم 9.5% ... ايه رايكم فى الكلام ده و نظامهم ايه لو حد يعرف

[a_bahaa14]

بص يا اشا فى نظام مربحة فى البنك الاهلى فرع المعاملات الاسلاميه لموظف الحكومى بمربحه 7.5 بدون حظر بيع لو عايز قولى

[ahmed_al3alem]

ألف شكر يا باشا بس المشكلة ان انا مش موظف حكومى انا قطاع خاص ... هما كده عموماً تقسيطهم نفس نظام كونتكت .. ف ايه رايكوا ... نكمل اجراءات ولا موضوع التوكيل ده فيه قلق ؟؟؟؟

[Ashraf_Ibrahim]

موضوع التوكيل مفيهوش قلق ولا حاجة
هي نفس نظام حظر البيع واي بنك هيعملك حظر بيع على العربية برده لحد ما تخلص اقساطها !

[mody_elmasry]

انصحك بالشركه العالميه.
المميزات:

1-تقسيط مباشر اي انك تتعامل مع الشركه مباشرة دون تدخل اي شخص

2-فائده 9.5 % لو هتامن بالاضافه الي قيمة التامين في السنه

3-فائده 11% بدون تامين

4-لا يوجد توكيل في الشهر العقاري

5-لا ياخذوا نسخه من المفتاح

السياره باسمك لكن بها حظر بيع لصالح الشركه فقط


العيوب:

1-اجرائتهم روتينيه وتاخذ وقت حوالي اسبوع للاستعلام عنك في البيت والشغل

2- ان يكون 30% من راتبك يغطي قيمة قسط السياره

مثال : يعني لو مرتبك 4000 جنيه لو حسبت ال 30% هتطلع 1200 يبقي كده لازم قسطك يكون 1200 جنيه او اقل. (لكن بيبقي فيه استثنائات انا مكنت محقق الشرط ده قلولي هنعرض الموضوع علي الاداره وبعد كده وافقو بس قلولي هندخل الزوجه ضامن)

لا انصحك بالتامين لانه حرام

تقبل تحياتي وموفق ان شاء الله واي استفسار انا في الخدمه

اخوك محمود توفيق

[dozo]

لو عندك شهادات فى الاهلى تغطى قيمه العربيه بيعملك قرض سياره:
- الفائده 6.5 %
- و مفيش حظر بيع و لا توكيل و لا تامين و لا ضامن
- سرعه الاجراءات