مسابقة جديدة لنجوم هيونداي (أفضل تعديل سيارة)

[Samir Elshahawy]

الاخوة و الاخوات الكرام / نجوم هيونداي

أسعد الله مسائكم بكل الخير ...

أن شاء الله ناويين ننظم مسابقة جديدة لأفضل تعديل أو أضافة لسيارات هيونداي الخاصة بالاعضاء

.... قواعد و شروط المسابقة :
1- أن يكون العضو من الاعضاء المسجلين بقسم هيونداي بامتلاكه لأحدي سيارات هيونداي المسجلة في قاعدة بياناته
2- أن يستكمل العضو بياناته في دليل نجوم هيونداي
3- ان يكون حاصل علي أستيكر المنتدي الرئيسي "نايل موتورز"

يتم أشتراك العضو بالمسابقة علي النحو التالي :
1- تسجيل موديل السيارة التي تم أدخال التعديل عليها
2- شرح وافي للتعديل او الأضافة الذي تم و الميزه الاضافية التي تحققت نتيجة لهذا التعديل
3- يتم ارفاق صور واضحة للسيارة قبل التعديل و بعده
4- يتم تجميع صور التعديلات للسيارات المشاركة بواسطة فريق التنسيق في موضوع جديد منفصل مع منح كل سيارة رقم
5- يقوم الاعضاء من قسم هيونداي بالتصويت لأفضل تعديل سيارة
6- العضو صاحب السيارة الفائزة بأفضل تعديل سيحصل علي جائزة قيمة مع شهادة تقدير

أن شاء الله سيتم تلقي صور و شرح التعديلات للسيارات المشاركة في المسابقة هنا في نفس الموضوع لمدة أقصاها 31 أكتوبر 2012 بعد ذلك سيتم غلق الموضوع و أعداد موضوع جديد خاص بالسيارات المشاركة يتم خلاله فتح التصويت للسادة الاعضاء لمدة شهر

مع خالص تمنياتنا بحظ سعيد للجميع

[bakkarahmed]

good idea:)

[moha4tec]

حاجه ممتازه بس الشروط عوزه تتعدل و الجوايز تتحسن شويه .

[atyam]

فكره حلوة يا بشمهندس بس بعد اذنك حضرتك فى تعليق على الشروط كالتالى:

2- أن يستكمل العضو بياناته في دليل نجوم هيونداي
بصراحه انا ماخدتش بالى من موضوع دليل هيونداى, بس افتكر انه ملهوش علاقة بالمسابقة وممكن مثلا ان يكون العضو بيشارك فى قسم هيونداى بموضوعات بنفس نوع عربيته اللى هيشارك بيها فى المسابقة

3- ان يكون حاصل علي أستيكر المنتدي الرئيسي "نايل موتورز"
بردو كتير مننا وانا واحد منهم مش معاانا الاستيكر لانى بصراحه مش بحتاجه فى موضوع الخصومات لانى بحب اروح للحاجه اللى انا عارفها مش اللى عليها خصومات واللى منها احيانا بيكون الخصم فيها على حساب حاجات تانى

وبالنسبة للتقديم فى النقطة رقم 3 بخصوص صور السيارة قبل وبعد التعديل
طيب مينفعش بعد التعديل بس عشان ممكن يكون حد عمل التعديلات بالفعل ومصورش العربية قبلها

وده مجرد راى بس عشان يكون فى فرصة لاكتر اعضاء قسم هيونداى للاشتراك فى المسابقة :)

الف شكر يابشمهندس على مجهودك الرائع فى القسم وبالتوفيق ان شاء الله

[Samir Elshahawy]

فكره حلوة يا بشمهندس بس بعد اذنك حضرتك فى تعليق على الشروط كالتالى:

2- أن يستكمل العضو بياناته في دليل نجوم هيونداي
بصراحه انا ماخدتش بالى من موضوع دليل هيونداى, بس افتكر انه ملهوش علاقة بالمسابقة وممكن مثلا ان يكون العضو بيشارك فى قسم هيونداى بموضوعات بنفس نوع عربيته اللى هيشارك بيها فى المسابقة

3- ان يكون حاصل علي أستيكر المنتدي الرئيسي "نايل موتورز"
بردو كتير مننا وانا واحد منهم مش معاانا الاستيكر لانى بصراحه مش بحتاجه فى موضوع الخصومات لانى بحب اروح للحاجه اللى انا عارفها مش اللى عليها خصومات واللى منها احيانا بيكون الخصم فيها على حساب حاجات تانى

وبالنسبة للتقديم فى النقطة رقم 3 بخصوص صور السيارة قبل وبعد التعديل
طيب مينفعش بعد التعديل بس عشان ممكن يكون حد عمل التعديلات بالفعل ومصورش العربية قبلها

وده مجرد راى بس عشان يكون فى فرصة لاكتر اعضاء قسم هيونداى للاشتراك فى المسابقة :)

الف شكر يابشمهندس على مجهودك الرائع فى القسم وبالتوفيق ان شاء الله

سيدي الفاضل ..
تم تعديل الشروط و التغاضي عن البند رقم 3 فقط و لكنه سيصبح بندا أضافيا للمفاضلة مابين الاعضاء

أما بالنسبة للصور قبل التعديل فهي أختيارية و ليست اجبارية

[AshTurbo]

طب ياهندسة ممكن أبعتلك الصور على الخاص ولو لقيتها حلوة تديني الجايزة وخلاص هههههههههههه الموضوع ده هيواجه مشاكل تتعلق بالموروثات القديمة والحسد الطبقي والحقد السفلي وهنلاقي بلاوي بتتحدف علينا وأحنا مش ناقصين ياكبيرنا .

[moha4tec]

على البركه يا رجاله
مينفعش اغتت عليكم و انزل بالسيراتو اللى حيلتى ههههههههههه