حادث النترا 2012 مع ميكروباص تيوتا

[khalid_adel]

المهم يوافقو على المعاينه قبل ما تبدا تعمل اي حاجه
ولو عملتها انت في التوكيل او بره بيخصمو نسبه ده غير انك لازم ترجعلهم القطع القديمه والا حيحخصمو تاني
المهم خليك مركز معاهم اوي في الموضوع عشان مش تبقي ب 5000 جنيه تصليح وتلاقي كل اللي جايلك 3000
انا مره حصل وصلحت عربيه امبريزا في التوكيل ب 12500 جنيه وادوني 7000 جنيه بس بعد سنه ونص بس ده ايام الشركه اللي اتسرقت وقولت الحمد لله اني طلعلي منهم اي حاجه (الجمعيه للتامين دي)

[sabregas2010]

مفيش احسن من التوكيل وخصوصا لو مأمن على العربية
وعموما سلامتك بالدنيا

[mshmshm3]

اولا الحمد لله انك كويس و قدر الله و ماشاء فعل
صلحها في التوكيل و خد الفاتورة لشركة التأمين
و زي ما قولت لازم الواد بتاع الميكروباص ياخد درس بعمره ليه بقي ؟ عشان لما رجع الموقف عمل فيها دكر و غيره هيعمل زيه و غيره و غيره لكن لما يرجع بعدها ناقص رجل او ايد مفيش كلب منهم هيفكر يعدي قبل ملاكي بس اتقل و فكر صح
ملحوظة : الفئة دي ملهمش دية

[big big]

انا بالي 3 ايام بدور علي الواد ومش لئية اكنة بطل ينزل احمد فخري بس بحاول اول للمو\ف بتاعة
علي فكرة الحمد الله تم معاينة العربية وهية بتتصلح دلواتي والتكلفة حوال من 3 الي اربع تلاف جنية
تغير رفرف واكصدام امامي ورشهم غير تمن الكاوتش بس انا هجيب الكاوتش من برة عشان عندهم بيكون متخزن
والتامين هيدفع المصنعيات وقطع الغيار هتكلف منها 10 %| بس تمام الحمد الله بس يارب ترجع زي الاول

[Samir Elshahawy]

أستكمالا للموضوع النهاردة كان هايحصل معايا نفس الشئ بس ربنا ستر

داخل من طريق السويس علي طريق الجيش الجديد المؤدي الي أوتوستراد مساكن شيراتون (FJI) و ميكروباص واقف علي أول الشارع (أنظر للشكل التوضيحي)



المهم انا شايف الميكروباص (باللون البرتقالي) واقف علي أول الشارع اللي انا هأدخله و حاسس باللي ممكن يعمله
- هديت سرعتي
- أديت أشارة يمين
- بدأت أرعش له بالانوار الامامية

و في اللحظة اللي أصبحت فيها قريب منه و اكاد أكون جنبه البيه أتحرك
في البداية هو اتحرك معايا في أتجاه اليمين , قولت خلاص هو كده داخل معايا و زودت سرعتي شوية و بقيت جنبه علشان نلف مع بعض لكن فجأة ....

البيه كسر شمال تاني علشان يكمل علي طول و هنا أضطريت أزود سرعتي و اعدل أتجاهي معاه حتي لو أضطريت اني أكمل الطريق علي طول و اعدي الفتحة اللي هأدخل منها

لكن مع الكلاكس المستمر مني هو هدأ سرعته و أصبح امامي المجال مفتوح مرة تانية اني أكسر يمين مرة واحدة و ادخل الشارع اللي انا عايزه

فعلا العربية بدأت تلف و العجلتين الشمال دخلوا في الرمل و العربية كملت و دخلت الطريق عادي
طبعا وقفت و شاورت لسواق الميكروباص لاقيته وقف الناحية التانية و بيرفع لي أيده و بيعتذر

طيب ده بالذمة أسمه كلام ؟
أنا عشت لحظة تصورت فيها شكل العربية و هيا بتخبط في الميكروباص من الجنب اليمين و قولت خلاص أنا ضعت لولا ستر ربنا اللي ألهمني حسن التصرف و ثانيا أستجابة العربية اللي نفذت اللي أنا عايزه

بجد السواقة في مصر أصبحت ضرب من الجنون

[big big]

الحمد الله انها جت سليمة السواقين دول مش هيرتاحو الا لما واحد ينزل يمسك واحد منهم يخلية عبرة للباقي بجد حاجة تحرء الدم

[big big]

الحمد الله استلمت العربية النهاردهخ من مركز اية تي اوتو القطامية وبصراحة ومنتش متخيل انهم يرجعوها زي ماكنت العربية بجد رجعت فبركة زيرو من فواصل للدهان للمعاملة للاحترام بتاع المواعيد احسن من غبور التيت ابو رواشانا صورت العربية بس مش عارف ارفعها ازاي جربت اللنك بتاع الموقع بس كانت تجربة فاشلة فاياريت حد يؤلي ارفعها ازاي عاوز اوريالكم والخبراء يؤلولي رئيهم وتعليقهم عيها
مرة تاني اشكر بجد المنتدي الرائع ده بجد انا لما بعوز اي حاجة محدش بيتاخر سواء الاعضاء الكرام او الادارة المحترمة

[Samir Elshahawy]

1- حضرتك بتدخل علي مركز رفع الصور
2- في خانة browse بتدوس عليها هايفتح لك الصور الموجودة علي الجهاز عندك أو الهارد ديسك
3- تختار الصورة اللي أنت عايز ترفعها
4- تعلم علي مربع (أوافق علي شروط المركز)
5- مربع "رفع المرفقات" هايبقي ظاهر معاك تضغط عليه
6- المركز هايحمل الصورة و تظهر لك بعد كده
7- اضغط علي الصورة هاتفتح في صفحة منفصلة بحجم كبير
8- أعمل علي الصورة كليك يمين و اختار copy
9- تعالي في الموضوع و أعمل paste
10- الصورة هاتطلع في الموضوع

تقدر تعمل أي عدد من الصور بالطريقة دي

[RMHB]

قدر الله وما شاء فعل

اهم حاجة صحتك

ان شاء الله توكل وروح للتوكيل