مشكلة فى سنتر الفيرنا

[lordfear]

انا لسه جى من التوكيل كنت بعمل صيانة من حادثة خفيفة فى الوش

المهم العربية تمام مفيش حاجة و جربت كلو تمام

كنت بقفل السنتر بليل لقيتو قفل و معملش الفلاشر

جربت افتح فتح و عمل الفلاشر مرتين , جربت اقفل تانى منورتش برده

و كمان لما بفتح السنتر و نور الصالون ينور , اجى اقفل بالسنتر ميقفلش لازم افتح السنتر و افتح الباب و اقفلو (و تور الصالون يبدا يطفى بالراحة " Dimming " ) و اقفل بالسنتر بعدها

طبعا اتاكدت ان كل الابواب مقفولة و الشنطة و الكبوت ( اعتقد ان حتى لو مفتوحين مش هيفرق مع الموضوع ده )

و كمان لمبة التابلوه اللى بتبين لو فيه باب مفتوح مش منورة

و الف شكر مقدما ;)

[lordfear]

حاجة اخيره

انا كتت كل مرة اجرب فيها موضوع انى اقفل بالسنتر و افتح بالمفتاح عشان الانذار يضرب ولا كان بيحصل حاجة

و فى نفس الوقت الانذار كان بيضرب لوحده و انزل اقفلو م اطلع يضرب تانى و هكذا و من غير ما حد يقربلها انا متاكد و مع العلم برده ان انذارها مش صدمات

العربيه فيرنا 2012 عاملة 1600 كيلو =)))

[exact]

شيل الكابل السالب وركبه تاني بعد 10 دقايق

[lordfear]

شيل الكابل السالب وركبه تاني بعد 10 دقايق

لسه طالع من تحت يا باشا و جربت اللى حضرتك قلت عليه منفعش و لسه زى مهيه

[AHMEDCAR]

فى الحادثه انت غيرت حاجه فى الكابوت عموما اتاكد ان كل الابواب مقفوله و ان نور الابواب اللى فى التابلوه مش شغال تمام دى اول خطوه

الخطوه اللى جايه و دى الاهم

افتح الكابوت و تعالى عند مكان زماره الانذار و اتاكد انك لما بتقفله فى حته كاوتش موجوده فى باب الكابوت تنزل معاه و بتضغط على الزار بتاع الانذار لو الكاوتشه ددى مش موجوده يبقى هو ده السبب

جرب انك تدوس على الرار ده و انت فاتح الكابوت و اقفل السنتر هتلاقى الفلاشر استغل معاك بالتالى تروح التوكيل تهزقهم و تجيب منهم حته كاوتش زى دى لان بكده الانذار مش شغال

و حل سريع علشان الانذار يشتغل انك تشيل الفيشه اللى داخله على الزرار اللى فى الكابوت هتلاقى كل حاجه تمام لحد ماتجيب حته الكاوتش دى و تحطها مكانها تانى فى باب الكابوت

[lordfear]

فى الحادثه انت غيرت حاجه فى الكابوت عموما اتاكد ان كل الابواب مقفوله و ان نور الابواب اللى فى التابلوه مش شغال تمام دى اول خطوه

الخطوه اللى جايه و دى الاهم

افتح الكابوت و تعالى عند مكان زماره الانذار و اتاكد انك لما بتقفله فى حته كاوتش موجوده فى باب الكابوت تنزل معاه و بتضغط على الزار بتاع الانذار لو الكاوتشه ددى مش موجوده يبقى هو ده السبب

جرب انك تدوس على الرار ده و انت فاتح الكابوت و اقفل السنتر هتلاقى الفلاشر استغل معاك بالتالى تروح التوكيل تهزقهم و تجيب منهم حته كاوتش زى دى لان بكده الانذار مش شغال

و حل سريع علشان الانذار يشتغل انك تشيل الفيشه اللى داخله على الزرار اللى فى الكابوت هتلاقى كل حاجه تمام لحد ماتجيب حته الكاوتش دى و تحطها مكانها تانى فى باب الكابوت

فعلا الحادثة انا مغير فيها كابوت , هشوف اللى حضرتك قلت عليه ده بكره ان شاء الله وابلغك

+ موضوع انى اتاكد ان كل الابواب مقفولة و كده انا عملته و متاكد منه

بس موضوع تهبيل الانذار نفسه قبل الحادثة ده كان ايه ؟

و الف شكر يا باشا على اهتمامك

[lordfear]

طيب يا احمد باشا انا لسه مروحتش التوكيل بس انا فتحت الكبوت و حاولت ابص على اى زرار ممكن يتداس عليه مشوفتش حاجة

فلو حضرتك تقلى هو فين بالظبط يبقى الف شكر

[AHMEDCAR]

مكانه جمب ماستر الدبرياج العلوى عند خزنه الزيت كده فى اقصى اليمين و انت فى وش العربيه

[loshabih]

كان عندي نفس المشكله بس فلشنطه...معنا ان النور بتاع الفلاشر لما تقفل مينورش وباب الصالون يفضل منور ويطفي براحه...اكييييييييييد في حاجه مفتوحه او عيب في ديرة القفل...نفس الاعراض دي تماما كانت عندي والعيب طلع فاشنطه...لو عايز الانذار ميزمرش لحد متعرف العيب اقفل بلمفتاح وافتح بيه ومش هيزمر

[lordfear]

مكانه جمب ماستر الدبرياج العلوى عند خزنه الزيت كده فى اقصى اليمين و انت فى وش العربيه

الف شكر يا باشا لقيته و دوست عليه فعلا التور نور و بقيت تمام

فصلتو بقى اعتقد انو مش فارق فى حاجة لحد ما اروح التوكيل الصيانة الجيه

بس الغريب ان الكاوتشه موجوده بس مش عارف بتدوس عالزرار للاخر بقى ولا بتعمل ايه